Ambo ulang kirimkan baliak, maaf kalau lah duo kali.
wassalam,
Elthaf
________________________________
From: Elthaf (elthaf)
Sent: Wednesday, January 02, 2008 8:27 AM
To: 'RantauNet@googlegroups.com'; '[EMAIL PROTECTED]';
'[EMAIL PROTECTED]'; '[EMAIL PROTECTED]'
Subject: Tahun 2008 Sebagai Tahun Babahaso Minang dan Tahun Pengkaderan
Urang Minang
Sanak Suryadi,
Assalamaualaikum wr.wb.,
Tagalitiak pulo ambo saketek, nio pulo sato ambo sakaki.
Ado ciek nan paralu jadi komitmen kito di tahun 2008, yaitu baa awak
sebagai urang minang makin bangga dan ndak takuik memproklamirkan
sebagai urang minang, tarutamo dalam babahso minang jo sasamo urang awak
nan pandai babahaso Minang.
Kadang kito jadi binguang surang, contohnyo go eh.. seseorang dari
lahia, SD, SMP sampai SMA di kampuang, kudian kuliah sabanta ( 4 tahun)
ka Jawa, kudian karajo di Riau, nan mayoritas babahaso minang, basuo jo
awak lah babahaso Indonesia Raya pulo, malah ado nan lucu pulo, samo
masuak karajo jo awak, kudian karirnyo rancak lah jadi boss ketek kini,
eh lah batuka pulo babahaso Indonesia rayo.
Tapi nan diambo dnegan sangaik santun dan lembut ambo baleh jo bahaso
minang sajo, walalupun itu memerlukan waktu nan agak lamo, dek ambo
indak namuah mamatahkan inyo doh, dan ambo layani jo bahaso minang sajo,
akhianyo jo ambo baliau ko tatap babahaso minang juo, anehnyo jo urang
minang lain nan jaleh-jaleh babahaso minang inyo babahaso Indonesia juo,
tapi ambo maklum juo, mungkin bagi baliau ko sebagai kompensasi sajo,
ado nan harus dikompensasikan alias panutuik kakurangan inyo, bia
selah...
Nan pantiang ciek lai, baa awak sebagai urang minang dima sajo
marantau punyo jejaring nan kuek sebagai urang minang, banyak ambo
caliak urang awak nan sadang maniti karir, awalnyo inyo suko "jalan
surang", indak punyo jejaring sasamo urang awak, "malu", jadi urang
minang (dengan babahaso Indonesia), dan indak pulo mangkaderkan urang
awak, ndak punyo kader, memang awalnyo inyo maju, tapi biasonyo
karirnyo akan stuck, kudian ado penyesalan, dek apo?, partamu bana indak
punyo kader, lah pansiun urang ndak kenal jo inyo lai, nan jaleh nan
ketek lah ka gadang dan kudian lah mamacik pulo, dek ndak punyo kader
ndak ado nan mambantunyo lai.
Awak harus baraja ho urang lain, lah pensiun bana inyo inyo punyo
jejaring dimano sajo, misalnyo sebagai TNI/POLRI, walaupun lah pensiun
dan lah baumua labiah 70 tahun, tapi banyak para komandan lapangan nan
mudo-mudo adolah kader baliau, bakeh anak buah nan lah dikaderkan
baliau, sahinggonyo baliau masih disegani, masih diundang urang dan
malah indak ado nan bisa manggaduahnyo dek bakeh anak buahnyo ado
dima-dima dan sadang mamacik pulo.
Mudah-mudahan di tahun 2008 ko adolah :
1.
Tahun bangga babahaso Minang
2.
Tahun pengkaderan bagi urang awak, mulailah awak mankaderkan nan
mudo-mudo, apokoh di Militer, di birokrasi, di bisnis dsbnyo, kok hebat
nanti kan urang awak juo, kok kayo inyo kan urang awak juo, kok jenderal
inyo nanti kan urang awak juo, ndak usah awak punyo pikiran awak akan
taimpik, bialah taimpik dek urang awak dari pado diimpik dek urang lain.
3.
Tahun berbagi informasi, kok ado lowongan karajo di tampaik
awak, capek-capek awak lewakan, bagikan ka urang awak, kok dapek dibantu
pulo supayo bisa masuak bakarajo, baitu pulo kok ado tawaran bea siswa
sugiro awak agiah tahu urang awak.
4.
Tahun manguekkan silaturahim, awak buek jejaring, networking nan
kuek, sarupo nan lah dirintis dek SSM 2007, jadi kalau ado project
agiahkan ka urang awak.
Jujur sajo, ambo sangaik respek dan sagan pado urang awak nan lah banyak
mankaderkan dan punyo kepeduliaan nan tinggi tarhadok urang awak,
walaupun nan dikaderkan itu bukan ambo.
Tantunyo awak harus bermain cantik, bagi nan dikaderkan atau nan dapek
project jago kepecayaan, bakarajo sacaro profesional, tunjuakkan bahwa
awak juo mampu.
Mudah-mudahan iko mandapek sambutan yang luas dari urang awak di lini
maa sajo, amiin.
Wassalam,
Elthaf, 80
________________________________
From: RantauNet@googlegroups.com [mailto:[EMAIL PROTECTED] On
Behalf Of Lies Suryadi
Sent: Tuesday, January 01, 2008 5:54 PM
To: RantauNet@googlegroups.com
Subject: [EMAIL PROTECTED] Bls: [EMAIL PROTECTED] Re: Bls: [EMAIL PROTECTED]
Re: Bls:
[EMAIL PROTECTED] Re: Tempat Makan Enak di Sumbar
Iyo soal pemahaman terhadap bahasa sendiri juo, atau mungkin pambaoan
sorang2.
Beda mbo liek jo almarhum Prof. Khaidir Anwar nan urang Lintau jo
alamrhumah Wahidar Khaidir, istrinyo, dan dari Koto Kaciak Pikumbeh.
Bapuluah tahun tingga di Inggirih, eh...pulang k Unand bahaso Minang
dialek Lintaunyo masih paten. Kok di bao bahaso Inggris co aia lalu...
Syd
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Selalu mematuhi Peraturan Palanta RantauNet lihat di
http://groups.google.com/group/RantauNet/web/peraturan-palanta-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---
