Mak Ngah.
Dragon fruit jo bahaso mak Ngah. Salamoko banyak di import dari Cino,
sabab pruduksi DN mungkin alun mamanuhi barangkali atau alasan lain. Di
Vietnam banyak pulo urang mananam nampak di ambo, jenisnyo labiah gadang
buahnyo, samolo jo sirsak , di Vietnamtu sirsak gadang gadang buahnyo,
barasiah, indak hitam hitam bakeh sarang samuik batuak di nagari awak.
Kadang kadang di nagari awak ado juo nan rancaktu tapi sarik. Ado pulo
buah cieklai mak Ngah , bahaso kampuang mak Ngah namonyo Custard apple,
Indonesianyo srikaya. Ado dunsanak ambo di pek ten ( Payokumbuah)
mananam di pakarangannyo , buahnyo gadang gadang, indak samo jo buah
srikaya nan dijua urang di supermarket Jakarta doh, iyo panek mambuangan
inceknyo sajo awak. Adolo cieklai Pomegranate caro kampuang mak Ngah,
dalimo di awak, nan terkenal jo anti oksidant nan tinggi dikanduangnyo,
tapi diawak lah punah. Takana dek ambo sangkek ambo ketek ado tumbuah
dihalaman ambo. Dalimoko di supermarket Jakarta diimport dari Mesir
atau Sepanyol atau Amerika., haragonyo indak tangguang mahanyo, tapi
kalau ado nan dari Mesir lai samo jo buah Naga haragonyo. Adolo mak
Ngah, suatu kali nampak dek ambo di supermarket buah nan familiar jo
pancaliakan ambo di import dari Amerika Selatan, haragonyo ondeh
salangik, lah lupo ambo, ingin bana nak mancubo, tapi dek maha indak
ambo balido. apo sabab ambo ingin bana mancubonyo? Diparak disabalah
rumah ambo dikampuang banyak tanamantu satinggi lado cuma buahnyo agak
ketek. Kalau ambo pulang ambo cari kadalam paraktu, tanamantu dikami
namonyo"latuk latuk", kecek tukang dari Jawa nan karajo jo ambo katiko
tu, tanamanko bakasiaik sadonyo, batang jo ureknyo diabuih keceknyo.
Namun walau lah dikecekan kadunsanak ambo supayo tanamantu dipabiaan,
ditabeh abihnyo sajo samo jo rumpuik, baitu juo daun" pegaga "nan
bakhasiat juo tumbuah banyak dhalaman ambo , dibabatnyo pulo abih.
Ruponyo kini urang kampuang mnganggap nan moderen adolah mambali ubek
nan jadi, panek awak mangecekan. Nan paliang mujarab untuak batuak
badahak adolah abuihan daun siriah, tapi di jorong ambo mancari daun
siriah susah ( mungkin urang kampuang ambo sajo nan bantuaktu).
Kampuang ambo dulu adolah pengahsil manggih ( Manggosteen ) nan
terkenal, datanglah euphoria mananam limau, iyo cukuik terkenal pulo
limau Kamang katikotu, batambah pulo penghasilan urang kampuang, namun
indak lamodoh, habih dek virus. Padohal untuak baparak limautu
batabangi tanaman nan indak paralu dipaliaro, babuah taruih kalau lah
tibo musim, yatu tanaman manggih. Kini manggih lah langka, kalau muloi
ditanam lamo baru babuah ,kalu lai musim babuah, manggih dari Kamangtu
dek kualitasnyo sangat rancak khusus untuak lansuang di eksport ka
Japang jo Taiwan, sabab iyo buahnyo baguno sadonyo ( bisa awak tanyo jo
mak google). Kini kuliknyo nan kalau awak makan manggih kito buang sajo,
paliang 2 kalau lah kariang dijadikan kayu api, lah diolah untuak
bamacam macam produk, sajak dari juice ( kalau di Amerika terkenal jo"
Xango juice") di Indonesia lah diolahpulo dek perusahaan PT. Inti Kiat
Alam namonyo "xamthone plus", di malaysia lah diolah pulo, dijuanyo
MLM, maha pulo haragonyo. Baitulah mak Ngah awak kurang pandai nan ado
diawak, sagalo baimport jo garam pun baimport, apolagi kacang kadele,
laku bana kadele kampuang mak Ngah tu, kadang kadang kwatir juo ambo dek
mungkin kedele nyo GM ( genetic modified ), padhal dek ambo lamak bana
tahu jo tempe tu, dan minum susu kedele, sabab susu sapi indak cocok
diambo. Ngomong manganai tempe, takana dek ambo carito mak Ngah disiko
urang mambuek tempe. Tapi adohal nan paralu di paratian dalam hal
tempeko, bahaso tempe nan kwalitas prima adolah yang hanyo ditumbuhi dek
fungy nan namo latinnyo Rhizopus oligosporus nan marakekan biji biji
kadeletu. Fungytu hanyo bisa tumbuah dengan baiak apabilo kadeletu
cuciannyo barasiah, kalau indak tempetu akan rendah kwalitasnyo. Wukatu
dulu urang kapau mambuek tempe dari kadele local nan bijinyo labiah
kaciak sahinggo fungy tu batua batua bisa maikek biji tu. Nilai nutrisi
tempe jauah labiah tinggi dari tahu, karena akibat fermentasi protein
menjadi sederhana ikatannyo hinggo tersedia dalam bantuak gampang
diabsorpsi oleh pambuluah darah. Sayang tempe macamtu indak ado kini
lai sabab kedeletu indak ado, nan ado cuma kedele import, padohal inyo
makanan sahari hari urang Indonesia.
Lah kama ambo batea tea, intermezo akhia pakan indak baa kan, parami
ramian lapau.
Salam Isna
On 10/03/2012 18:41, sjamsir_sjarif wrote:
Apo tu Buah Nago? Alun panah ambo mancaliak, apo lai mamakannyo. Apo khasiat jo
nimatnyo? Kok Gunuang Marapi nan Sagadang Talua Itiak iyolah panah ambo caliak
dan hayati.
Salam,
-- MakHgah
Sjamsir Sjarif
--- In [email protected], dchalidi@... wrote:
Buah naga yang bisa dibudidayakan di tapi pantai dagubungkan dengan
pemeliharaan itik petelor.
Powered by Telkomsel BlackBerryŽ
-----Original Message-----
From: Hayatun Nismah Rumzy<nismahrumzy@...>
Sender: [email protected]
Date: Sat, 10 Mar 2012 14:08:26
To:<[email protected]>
Reply-To: [email protected]
Subject: [R@ntau-Net] Usaha sesudah Pensiun
Saya dan ananda Darwin Chalidi serta beberapa orang Himpunan Pensiunan
Caltex/Chevron (HPC) baru kembali dari Jogya. Kita diundang untuk launchingnya
homestay seorang pensiunan. Kita menginap disana selama 2 malam. Di Jogya kita
reuni dengan HPC Jogya, melihat Merapi, melihat lahar dingin dan juga melihat
keberhasilan pensiunan bertanam buah naga serta berternak itik, serta
memelihara ikan. Disana kita juga pergi ke Jejamuran melihat keberhasilan
pengusaha jamur dan menikmati makanan serba jamur. Rasanya semua yang kami
lihat juga dapat dilaksanakan dikampung halaman. Pertama kali seumur hidup naik
kereta api malam. Berbelanja kepasar Beringharjo yang serba murah.
@Hayatun Nismah Rumzy#
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
