MAAJUAK PANDAPEK NYIAK WALI PAKAN SINAYAN BANUHAMPU Mochtar Naim Malalui internet ambo batanyo ka Inyiak Wali Pakan Sinayan. “Inyiak Wali tagak kama: masuak kota Bukik Tinggi, setuju pemekaran Kabupaten Agam, atau tataok spt kini?” Lamo ndak dijawab. Lalu ambo tukeh.“Baa mangko anok sen Inyiak Wali? Ndak bajawaok partanyaan ambo?” Lalu tadi baru dijawab. Jawab Nyiak Wali: “Pakan Sinayan ndak setuju masuak kota pak mukhtar .. tetapi setuju bagabuang ....” Nah, iko permainan semantik atau nan sabanano. Jawek ambo cando iko: ... Sacaro terminologis, ‘bagabuang’ seperti nan Nyiak Wali PS inginkan tu berarti samo jo manyatu. Sabaok bagabuang juo berarti samo jo manyatukan duo teritori nan badakekan manjadi satu kesatuan teritorial dan administratif. Bukan bagabuang namono kalau indak manyatukan diri baiak sacaro teritorial maupun administratif. Lain dengan ‘bakarajo-samo.’ Kalau bakarajo-samo identitas awak tetap utuh. Dan awak dalam posisi nan seimbang dan setara. Makonondak mungkin Pakan Sinayanbagabuang jo Bukik Tinggisandirian. Samo juo jo Kenagarian Ladang Laweh, seperti nan disampaikan Wali Nagari no di pertemuan warga Banuhampu di pakarangan Musajik Sunda Kelapa di Jakarta baru2 ko, ingin masuak kota tanpa batanyo dan bamusyawarah dulu jo nan lain2 sasamo Banuhampu. Samantaro Taluak Ampek Suku nan mahalangi no sacaro geografis ndak masuak kota, walaupun ano nan jolong tasongoh basabalahan jo kota. Kecuali kalau nagari2 di antarono ataupun Banuhampu sacarokasaluruhanno bagabuang sadono jo Bkt. Itu berarti identik dansamo jo masuak kota dan manyatu dengan kota Bkt.Dan dengan bagabuang tu Pakan Sinayan lalu baranti manjadi bagian dari Kecamatan BH dan sekaligus Kabupaten Agam. Kalau bakarajosamo lain. Bakarajosamo ndak harus bagabuang, jangankan masuak kota. Dan ndak dikaikkan dengan penyatuan teritorial. Dengan tetap mempertahankan teritorial masiang-masiang kito bakarajosamo di bidang apopun nan saliang manguntuangkan. Itu nan ambo contohkan dengan konsep Jabodetabek, Yogya-Sleman, Surabaya-Sidoarjo, dsb.Dengan tidak bergabung dan tidak masuk kota, sandirino PakanSinayan tetap manjadi bagian nan integral dari Kec BH dan Kab Agam. Tingga masalah internaldi Agam, mau dimekarkan jadi duoKabupaten atau tetap seperti salamo ko. Kalau tetap, efisiensi, efektivitas dan produktivitas terganggu, tarutamo dek karano hambatan geografis, kelok 44 nan terjal, dan karanono hambatan transportasi dan komunikasi. Kecuali kalau dimekarkan, sahinggoKab Agam Tuo bisa bana dan seharusno bakarajosamo jo kota Bkt. Terlalu banyak hal nan bisa dipasamokan untuk keuntungan kaduo balah pihak dan semua pihak.Dan juo bisa saliang mamanfaatkan. Misano lapangan tabang Gaduk dibuka baliak. Kampus universitas bisa di Kik Tinggi, bisa di Baso, bisa di ma sajo. Sikola2, terminal2, pabirik2, pasa2, dsb, bisa dima sajo untuak dimanfaatkan sacaro basamo. Dan Kabupaten Agam Tuo nan baru ndak ka kalah gesit no dari kota Bukik Tinggi dalam mamacu pambangunan di sagalo bidang. Di sisi pandangan sabaliakno, andai seluruh nagari di Agam Tuo masuak kota BkT atau bagabuang jo kota Bkt, ndak tabayangkan,wilayah kota akan manjadi sagadang dan salaweh tu bana. Bara hektar luasno sadono tu, nan pantas untuk sebuah kabupaten seperti nan diusulkan tu. Bayangkan, kasaluruhan dataran tinggi Agam, salingka G Marapi jo Singgalang, sampai ka Malalak, Matua, jo Palembayan, sampai ka Palupuah, Gaduk, Magek, Kamang, Pakan Kamih, Kapau, sampai ka Baso jo Canduang, Ampek Angkek, sampai kateh ka Bukik Batabuah, Sungai Pua, Sariak, Batu Palano, baliak pulo ka Banuhampu dan Ampek Koto. Nan fisibel dari alternatif nan ado nampakno, pemekaran Kabupaten Agam manjadi duo: Agam nan di bawah jo Agam nan di ateh. Agam nan di ateh, Agam Tuo, mangaliliangi kota Bukik Tinggi. Aratino, kota Bukittinggi talatak di tangah-tangah Kabupaten Agam Tuo. Dan karano itu, logis dan wajar sekali kalau kota BT dan Kab Agam Tuo malakukan hubungan karajosamo nan saling manguntuangkan untuak kepentingan kaduo balah pihak. Sahinggo tarealisasi impian urang Agam jo urang Kurai sajak saaisuak, “Bukik Tinggi koto ‘rang Agam.” Sacaro fisik, seperti di katigo lokasi contoh tu, bisa samo2 bakambang, samo2 maju, tapi tetap dalam teritori masiang2. Alasan, pemekaran ndak dimungkinkan kini. Indak melah. Nanti akan ado wakatuno pemekaran dima2 akan manjadi tuntutan di banyak daerah di Indonesia ko. Iko cuma soal ukatu. Co bandiangkan jo nagara tetangga nan ketek, Filipina. Filipina punyo labiah 70 provinsi, sadang di awak cuma dan baru 34. Ndak sampai saparono. Lalu baa caro karajosamo antaro Kota jo Kabupaten? Atur senlah. Baa mauno. Kan banyak contoh2 nan ka diambiak. Nan jaleh, dengan karajosamo, bukan sajo saliang manguntuangkan dan saliang mandapek, tapi juo sisi-sisi sosial-budaya dari daerah2 di luar kota tataok babantuak Nagari nan adat dan budaya no utuh. Kalau masuak kota, nan paratamo nan ka hilang adolah struktur, fungsi dan peranan Nagari. Di kota nan ado adolah Kalurahan nan Lurahno diangkek dan batangguangjawab ka Wali Kota. Esensi banagari tu bana nan hilang. Kalau awak ingin nak melestarikan identitas Nagari, iyo tatap di Nagari. Dan Nagari bisa tetap mamanfaatkan kemajuan kota. ***
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
