Assalamualaikum wrahmatullahi wabaraktuhu, Sanang pulo ati awak mangikuti sabagian ketek kuliah Kareke Geologi 101 ko.
Angku Lembang, Dek tasabuik kaadaan geologi di Kamang, takana daerah-daerah nan lah ambo rancah, apokoh bukik-bukik kapua ko nan saroman di Kaluang atau Ngalau Kamang? Apokoh lingkaran buki-bukik ko sampai malinteh a Bukik Tanjua di Sungai Janiah dan babega ka Simarasok? Apo bedano antaro kaadaan kapua di Kamang tu jo lereng Ngarai Sianok? Apokoh samo prosesno? Takana pulo dindiang-dindiang bukik di Harau, tampakno indak saroman dindiang Ngarai Sianok doh, agak kareh dan terjal dari itu, mungkin saparasaian jo Bukik-bukik di Kamang? Agak ka Selatan saketek di daerah aliran Batang Sinama di Selatan Halaban, Batu Bulek jo Lintau tampak lo di ambo Bukik-bukik kapua ko. Salah satu nan takana ado nan disabuik lokal Bukik Mansiu karano dalam parang urang mancari bahan mansiu ka sinan. Sudah tu kok diparatikan Bukik-bukik Aliran Batang Sinama di sebelah timur Lintau Buo nan disabuik juo Bukik Saribu kamungkinan bakataruihan dari porses kapua ko? Rasonono sampai-sampai ka Selatan Kumani, Sisawah banyak lereng-lereng bukik kapua bangalau ko. Kok ka mancaliak Bukik Saribu baarak-arak Utara Selatan di Lintau Buo tu, rancak dinikmati pamandangan dari Puncak Pato dakek tugu nan dinamokan urang kini tugu Marapalam nan baru dibuek kini tu. (Waqkatu ambolalu-lalu sinan sisuak satangah abad nan lalu, alun ado tugu tu lai). Jauah di Timur, dibaliak Bukik-bukik Saribu ko dapek pulo dibayangkahn Lambah Aliran Batang Sumpu dari Unggan - Silantai - Sumpu Kudus -Siwawah taruih mamuaro ka Batang Sinama-Kuantan. Tapi di lereng Aliran Lambah Sumpu ko rasono indak ado tampak di ambo bukik-bukik kapua doh. Salam, --Nyiak Sunguik --- In [email protected], ajo duta <ajoduta@...> wrote: > > Alaikumsalam sanak ambo Tan Lembang. > > Kuliah geologi sanak mambuek jaleh bagi ambo nan awam soalko. Tantu > batu batu tu ado ado juo nan dilambuikkan oleh gununng barapi nan > malatuih kan? > > Kampuang ambo Gasan Gadang, Piaman dialiri Batang Gasan nan banyak > kareke bulek, dari sagadang tinju sampai sagadang bareh. > > On 4/22/12, Muhammad Dafiq Saib <stlembang_alam@...> wrote: > > Assalaamu'alaikum wa rahmatullaahi wa barakaatuhu > > > > Mangko ajo, > > > > Pasia di Piaman tu asa usuano dari batu-batu di 'darek' di bukik-bukik, di > > gunuang-gunuang, nan pacah dek pangaruah umua jo pangaruah ujan jo paneh, > > sudah itu dibao anyuik ka tampek nan labiah randah malalui sungai-sungai. > > Istilah seologino ta'transporatsi' dari tampek asano bapindah ka tampek > > jauan manuju muaro sungai di tapi lauik. Pacahan batu-batu cako dek lauik di > > asah sampai bantuakno 'rounded' alias bulek-bulek. > > > > > > Ado lauik nan bapasia sarupo Piaman, dek asa usua pasia tu dari batuan nan > > manganduang kuarsa dan asano cukuik jauah dari bukik atau gunuang. Sainggo > > salamo proses tarnsportasi alah cayia manjadi haluih. Tapi ado pulo nan > > jarak transportasino relatif dakek sainggo nan tampak di awak adolah nan ajo > > sabuik kareke tu. > > > > > > Batu-batu putiah nan ajo fotokan kamungkinan adolah batu kapua, atau gamping > > atau limestone, nan tajadi di lauik dek karano proses kimia dari larutan > > ayia lauik nan manganduang zat kapua nantun. Lapisan batu kapua tu tajadi > > bajuta-juta taun nan lapeh, dan banyak di antarono kini talatak di darek > > sarupo di Padalarang, atau di kampuang awak di Indaruang nan dijadian urang > > semen padang, atau di dakek kampuang ambo di Kamang. Kalau batuko pacah pulo > > dek umua, lalu dihanyuikan pulo dek ayia ka muaro, mako jadilah no sarupo > > nan ajo caliak tu. Aratino, kalau ano kareke, bararati jarak asano relatif > > indak jauah bana dari pantai. > > > > Mantun kiro-kiro jo. > > > > Wassalamu'alaikum > > > > > > Muhammad Dafiq Saib Sutan Lembang Alam > > Suku : Koto, Nagari asal : Koto Tuo - Balai Gurah, Bukit Tinggi > > Lahir : Zulqaidah 1370H, > > Jatibening - Bekasi > > > > > > Sent via BlackBerry from T-Mobile > > > > -----Original Message----- > > From: dutamardin@... > > Date: Sun, 22 Apr 2012 12:23:19 > > To: Rantau<[email protected]> > > Reply-To: dutamardin@... > > Subject: Asa Kareke di Taplau > > > > Assalaamu'alaikum sanak, > > > > Ambo tahu ado beberapo geologist di milis awakko. Kalau bisa batanyo > > asa muasa batu kareke di pantai macam difotoko. > > > > Besan ambu urang putiah tingga di semenanjung Long Island, NY State. > > Pantai disinan bukan kasiak cando di Piaman, tapi kareke rato2 > > sagadang kalereang. Nampaknyo ombak mandorong kareketu dari lauik. Baa > > kok banyak kareke dilauik. Baa pulo kok kareke tu bisa bulek atau > > lonjong bantuaknyo dan licin. > > > > Tarimo kasih kalau tanyoko kalau bajawek. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
