Wa'alaikumussalam wa rahmatullaahi wa barakaatuhu Sasuai ambo jo nan disampaikan dek mamak Asmardi Arbi ko.
Mik pangareh suaro ko nampak di ambo iyo saroman jadi pamenan di samantaro patugeh mesjid. Alaik teknologi ko sabanano paralu no bana adolah untuak manggantian pamakaian manaro musajik untuak mangumandangkan azan. Daulu, kan iyo naiak ka ateh manaro ko angku bila atau muazin untuak azan. Tapi dek alah ado hasia teknologi, jo ilimu nan datangno pasti dari Allah, tibolah masono ado mik. Nan maherankan, banyak urang nan takagum-kagum jo alaik teknologi ko lalu manjadianno saroman pamenan. Dipakai indak untuak kaparaluan azan sajo lai tapi untuak bamacam-macam, nan walaupun tampak saolah-olah untuak 'syiar' tapi jaleh salah pakai. Di bulan puaso, ado urang nan mangaji pakai mik tangah malam antah aa lah mukasuik no. Nan pasti banyak urang tagaduah jo 'amalan' sarupo iko. Ado nan bagageh-gageh azan di wakatu subuah, sudah tu bagageh-gageh pulo shalat sunat. Duo minik sajo sasudah itu, bahkan mungkin kurang dari itu, dipupuahno bashalawat badar kareh-kareh jo mik. Padohal di musajik tu banyak jamaah nan sadang shalat sunat qabliyah subuah dan barusaho khusyuak, jadi tagaduah. Ado nan mangaji kareh-kareh pakai mik sajak pukuah satangah ampek, padohal wakatu subuah pukuah satangah limo lewat. Bahkan ado nan mamuta kaset urang mangaji, sajak pukuah satangah ampek itu pulo disambuanganno ka mik. Nan awakno sandiri bagolek-golek baliak. Kalau disampaian ka baliau-baliau ko nan bahaso amalan-amalan sarupo itu kurang tapek, salah tarimo baliau. Nan jano baliau, nan dikarajoan tu untuak syiar. Kalau batanyo pulo awak, apokoh ado dalil nan jaleh dari Quran atau sunnah Rasulullah SAW nan maajaan nan sarupo itu, bakaruik kanyiang no ka awak. Dianggap no awak sabagai urang nan suko manyalah-nyalahan. Jadi kasimpulan ambo, walaupun iko hal tetek-bengek tampakno, iyo paralu fatwa ulama sarato sato urang pamarintah mamelok-i saketek. Cukuiklah mik tu dipakai untuk panggilan azan sajo. Bahkan iqamat pun, karano asumsi no nan dipanggia alah hadir di musajik, indak paralu lai pakai mik. Atau kalau ka pakai mik juo, cukuiklah jo mik untuk ka dalam ruangan musajik sajo. Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Asmardi Arbi <[email protected]> To: [email protected] Sent: Saturday, April 28, 2012 9:58 PM Subject: Re: [R@ntau-Net] Fwd: Wapres kurang kerjaan Assalamu'alaikum wr.wb. Sanak Afdal jo dunsanak sapalanta NAH, Sasudah ambo baco kutipan Pidato Wapres dari DetikNews dibawahko baulang kali, dima latak salahnyo Wapres ko. Baliau memberikan sambutan dalam acara Pembukaan Muktamar IV DMI memang pekerjaan beliau karena diminta Panitia mewakili Presiden. Barangkali juga konsep Pidato dibuat dengan masukan dari Panitia. Nan baliau minta agar DMI membahas pengaturan Pengeras suara, khususnya yang terlalu keras. menyentak dan dekat telinga. Yang sayup-sayup , mungkin nan dimukasuik baliau nan lemah lembut, lagunya enak didengar yang merasuk kesanubari ambo raso sesuai jo firman Allah SWT dalam Surat Al Imran 159 dalam kata2 ( linta lahum = lemah lembut kepada mereka ) dan jangan ( fadzan ghalidza qalbi= bersikap keras dan berhati kasar ). Komentar "ide kafir" rasonyo terlalu keras dan kasar buat Wapres termasuk judul Wapres kurang pekerjaan. Adzan termasuk seruan,himbauan,dakwah kalau dilantunkan dengan lemah lembut dan lagu yang enak akan menyejukkan hati dan menggugah yang mendengar untuk segera sholat bagi nan muslim dan bagi non muslim juga terasa sejuk dan tidak akan semakin menjauh dari Islam yang rahmatan lil alamin. Mungkin juga termasuk mengaji yang suaranya terlalu keras apalagi lagunya tak enak. Maaf kalau ndak sasuai. Asmardi Arbi 70+, Kampai, Tangsel. . -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
