Pak Anwar Jambak urang nan saadat salimbago nan balain pamarentahan nogori,
Urusan nogori ko indak disorahan niniak mamak sajo, sobab kito urang minang ko tasobuik Adat Basandi Syarak, Syarak Basandi Kitabullah. Mangko dek itu dalam limbago adat nogori ado urang nan ompek jinih atau disobuik pulo tungku tigo sajarangan. Nan urang dalam limbago mantun baanjuang pulo karano sakato kaum, sahinggo istilah kerennyo kini disabuik 'bottom up' atau jo urang sisuak basobuik mambusek dari bumi. Kok iyo tanah subarang mantun bataruko, tantu dari usaho nan sakaum pulo, lai bawarih jo bajawek takah pusako tinggi? Kok indak, iyo agak batanang awak manyobuik sobab nan pusoko iyp totap inyo pusoko, bawarihkan jo caro matrilineal menuruik garih katurunan ibu nan marupokan hak urang nan sakaum jo sasuku. Sadangkan nan bataruko di tanah subarang mantun inyo adolah harato faraidh, sahinggo indak bisa sumbarang kito sabuik itu pusoko pulo. Mangko itu disabuik kito urang minang, sabab ado basako jo bapusoko. Untuak itu ado hak & kewajiban nan harus dipanuhi sahinggo limbago bisa dituang. Saroman nan alah apak sabuik cako, sampai basiarak pulo masalah mantun, sahinggo paralu dikomunikasi basamo sambia batanang. Hal itu indak bisa dipakai manggunokan teknologi nan apak sobuik tadi, sabab komunikasinyo hanyo 2 arah & 2 person sajo. Paralu ado komunikasi nan labiah bisa mampasamokan saroman nan ado di milis nan ko, sobab ado nan bakato, ado nan mambaco ado pulo nan manyimak sahinggo indak ado nan mandanga dari nan lain & lansuang dari sumbernyo. Dek karano itu, paralu komunikasi nan intens, badunsanak, jaleh sia nan manyobuik dari sipangka nan ado. Takadang kito maraso alah salasai apo kewajiban kito sabagai anak nogori, namun kironyo ditimbang-timbang bona, iyo masih banyak pulo nan tabangkalai. Tantunyo adolah kewajiban dari kito basamo sahinggo untuak generasi mendatang bangkalai mantun indak manjadi silang sangketo dikamudian hari. Bilo-bilo pak Anwar Jambak pulang ka kampuang, basilau juolah limbago adat nogori kito, sahinggo apo nan ado bangkalai salaruik salamo nan ko bisa juo diansua-ansua, kok indak anak nagari nan salimbago, indak ka mungkin urang lain pulo masuak ka rumah kito kamanyalasaikannyo. Adat di minangkabau adolah tatanan nan maatur masyarakat nagari, sahinggo masyarakat nagari sasuai jo apo nan disabuik dalam ABS SBK, sasuai jo ajaran ugamo, jo caro budaya urang minangkabau. wasalam AZ/lk/34th/caniago Aia Manggih, Lubuaksikapiang Pasaman asa nagari Kubang, 50 Koto babako ka Canduang Koto Laweh, Agam ________________________________ Dari: AnwarDjambak <[email protected]> Kepada: "[email protected]" <[email protected]> Dikirim: Senin, 21 Mei 2012 8:48 Judul: Re: Bls: Bls: [R@ntau-Net] Re: Pak Mochtar dan Pak Saaf Re: TANGGAPAN MOCHTAR NAIM II Re: [R@nt Dinda Armen, Satontang bajalan bakuliliang Nagori-Nagori ya katuju bona dek ambo tu. Akhia bulan Ompek potangko lai ambo pulang sabonta sajo sambia mambaok rombongan urg Malaysia nan bakarajo di Telekom Malaysia balimo urg. Ambo baok manginap di rmh amai di kampuang, ndak alang sonang hati mereka dow. Tapi dek tigo hari pulang baliak sajo yo ndak sempat bajalan banyak dek lah ka poi boli ole-ole pulo ka Bukiktinggi. Insya Allah kalau ado kotu salanjuiknyo kito basuo di kampuang. Satontang Sako jo Pusako itu kan kesepakatan Adat atau Niniak mamak awak sajo. Kan bisa sajo manaruko daerah baru, sabagaimano nenek moyang awak saisuak datang manaruko nagori2 nan ado kini. Cuma lah banyak bona Niniak Mamak nan lah hilang/indak baperanan kini, ijankan mauruih anak kamanakan (kok anak lai lah) apolai sako jo pusako. Mambangkik Batang tarondam bona malah awak kini. Tipak di ambo, Datuak kami, Dt Rajo Malano, lah hampia duo taun terbaring sakit, indak bisa manga2, rayo puaso potang ko lah kami piliah panungkeknyo, itu pun basiarak pulo dek indak cukuik anak kamanakan nan hadir, walau lah jo sms dan bbm bagai acaranyo. Baitu pulo Dt Rajo malano nan ketek (kami ado 2 Datuak/Penghulu dek krn Datuak nan Godang ijok ka hutan maso PRRI indak pulang2 bataun-taun dan indak babarito mako bapiliah Datuak/Panghulu ciek lai) lah maningga dan sampai kini alun bagonti. Sbb banyak suaro anak kamanakan nan mamintak spy di ciekkan baliak. Dan balahan kami juo adolah Dt Rajo Malano nan di Kubang, sajak dulu sampai kini ambo olun pernah mengenali baliau. Baa pandapek Dinda jo sanak sadonyo utk manyalasaikannyo? Manyo Mak Azmi Dt Bagindo , Dt Bandaro Labiah, jo nan lain2nyo? Mohon pandapeknyo....... Sangenek, Alhaqirwalfaqir-AnwarDjambak44-, kamanakan Dt. Rajo Malano (Maulana) Pyk-Mudiak,,KL, "Maminteh Sabalun Hanyuik!" Sent from BlackBerry® smartphone powered by U Mobile -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
