Iyo agak babedo jo pemahaman ambo pak Anwar Jambak.
Paratamo, Malaysia mantun babedo jo Indonesia, dimano Malaysia mantun sistem pemerintahannyo samo jo penjajahnyo daulu, yaitu monarki parlementer. Sadangkan Indonesia nan ko adolah Republik nan menganut Presidensial. Nan Malaysia mantun gandang wilayahnyo hanyo 17 % wilayah Indonesia, dimano hal iko babandiang luruih jo jumlah suku bangsanyo. Kapado satiok kawan ambo nan barasa dari Eropa selalu ambo sabuikan, Indonesia ko wilayahnyo laweh, hampia samo jo Eropa nan terdiri dari puluhan negara, sabab panjangnyo samo dari London hinggo ka St. Petersburg di Rusia mangko dek itu disabuik Bhineka Tunggal Ika nan mengacu pado banyaknyo suku bangsa di Indonesia (bukan kapado banyaknyo agamo). Kudian, nan di Yogyakarta mantun juo babedo jo di Pagaruyuang. Baa kok bitu? Nan pagaruyuang nan ko alah indak ado lai salamo 107 tahun sajak Indonesia merdeka, alah indak eksis lai. 107 tahun mantun indak pulo singkek, sabab negara nan ko sajo baru baumua 67 tahun 9 bulan 7 hari. Sadangkan Kesultanan Yogyakarta nan ko tatap eksis kutiko NKRI dibantuak, malah pado awal-awal negara nan ko tagak, manumpang ka Kesultanan Yogya dalam hal finansial. Mangko dek itu dibari status Daerah Istimewa (DI). Sadangkan Aceh nan daulu dibarikan status nan samo sabab sumbangannyo kapado pemerintahan awal NKRI untuak perjuangan managakan negara nan baru nan ko. Dan kamudian status Daerah Istimewa di Aceh disamparonokan jo Otonomi Khusus nan disepakati tahun 2006 nan lalu antaro pemerintahan NKRI jo GAM. Mengenai sumbangan mantun sabananyo dilakukan pulo oleh Sumatera Tengah di Bukittinggi & kito indak juo buliah lupo PDRI mantun eksisnyo di Sumatera Tengah nan wilayah pergerakannyo ado di nagari-nagari Sumbar kini. Satantang hal mantun alah ambo lakekkan pado blog pribadi ambo supayo urang minang nan sabana santiang ko, nan tasebar dipenjuru Nusantara hinggo ka mancanegara indak lupo jo sumbangan nagari-nagari untuak mempertahankan NKRI nan ko pado maso perjuangan PDRI. http://armenzulkarnain.wordpress.com/2011/12/26/pdri-mata-rantai-republik-indonesia/ Pado link diateh mantun indak ado disabuikan bahasonyo Kerajaan Pagaruyuang ataupun keluarga kerajaan mambantu memperjuangkan NKRI maso agresi militer bulando I & II. Nan ado adolah eksistensi nagari-nagari di ranah minang dengan limbago adat nagarinyo nan basatu padu mandukuan PDRi pao maso itu tarutamo pado file video nan ka 5. Jadi baa kok indak talakek status Daerah Istimewa ka Sumatera Tengah (Sumbar khususnyo)? Ambo kiro hal iko berkenaan jo paham politik nan basubarangan antaro Soekarno jo Moh. Hatta. Hal iko ditambah pulo jo adonyo PRRI nan kudian manambah pitanah baru dalam polemik perpolitikan Soekarno jo urang-urang nan barasa dari Sumbar saroman Buya M Natsir, Buya Hamka dll. Padohal, setelah peristiwa PRRI mantun, indak lamo sasudahnyo, yaitu 7 tahun kudian yaitu tahun 1965 apo nan diprotes PRRI mantun tabukti bana, yaitu upaya kudeta nan diprakarsai PKI. Sadangkan tuntutan nan lain yaitu otonomi daerah akhianyo dimangarati juo dengan diselenggarakannyo otonomi daerah tahun 1999 (42 tahun kudian - baa kok lamo bana? Dek ngangak ambo kiro). Mungkin apo nan dilakukan PRRI akan menyingguang perasaan hati Inyiak Zubir Amin Dt Rajo Jambi satantang hal iko, sabab alah baulang-ulang kali baliau manyampaikan bahasonyo PRRI mambuek maso ketek baliau sabana padiah. Namun bagi ambo nan mudo matah ko, mungkin kok indak padiah maso ketek Inyiak Buyuang nan ko, indak jadi rang sumando rang nagari Koto Gadang saroman kini, mungkin sajo masih ado di IV Angkek Padusunan Piaman Laweh, bahkan manjadi tukang paambiak karambia dek karano maso ketek nan sanang nan biasonyo manjadikan kito balalai-lalai sajo. Baliak ka pangka kaji, pabilo pak Anwar Jambak masih mandukuang satantang paham Rajo Nan Tigo selo mantun, tarutamo Rajo Alam di Pagaruyuang mantun, sarancaknyo pabilo mangamukokan pandapek bacaliak-caliak pulo sakaliliang urang nan akan mandanga. Kok tadanga jo dunsanak nan dari Kubuang Tigo Baleh, alah kanai pituro pulo beko pan Anwar Jambak deknyo. Baa gak ati? wasalam AZ/lk/34th/caniago Sicincin asa nagari Kubang, 50 Koto babako ka Canduang Koto Laweh, Agam Dek ambo, indak ado kaitan antaro keluarga permasuri nan barasa dari Taratak Kubang mantun dibandiang paralu bana komunikasi nagari-nagari di ranah minang maupayokan tagaknyo baliak marwah limbago adat nagarinyo sahinggo tatanan masyarakat adat minangkabau ko punyo marwah baliak. Bagi ambo pribadi, baitu pulo umumnyo pandapek pengurus KAN nan ambo tamui di nagari-nagari, labiah samparono pabilo pucuak adat di Minangkabau mantun adolah LKAAM Sumbar. Namun proses perwakilannyo nan paralu disamparonokan, sahinggo seluruh pengurus LKAAM Provinsi & LKAAM Kabupaten/Kota memang mewakili limbago adat nagari masing-masing. Dek karano limbago adat nagari nan ko 80 % labiah alun pulo samparono, paralu dipatauikan antaro anak nagari nan tasebar dimano sajo barado di penjuru nusantara hinggo ka mancanegara agar tahubuang lansuang jo pemerintahan nagarinyo sahinggo bisa mampasamokan apo-apo sajo nan patuik dipasamokan dalam biliak sanagari salimbago.Salah satu caro adolah mambangun jaringan nagari-nagari cyber (sabab itu nan bisa ambo cubo ikhtiarkan), selain peran lansuang Pemprov & pemkab/pemko basamo-samo parlemennyo (nan indak bisa ambo lakukan) membuek perda sarato melakukan aplikasi perda mantun ka nagari-nagari. ________________________________ Dari: AnwarDjambak <[email protected]> Kepada: "[email protected]" <[email protected]> Dikirim: Senin, 21 Mei 2012 11:24 Judul: Re: Bls: [R@ntau-Net] Re: Pak Mochtar dan Pak Saaf Re: TANGGAPAN MOCHTAR NAIM II Re: [R@nt Dinda Armen nan taliti, jo sanak sapalanta nan di muliakan, Dek indak namuah picayo jo tulisan nan dibaco sajo mako ambo bakasimpulan demikian. Apo nan dinda Armen sampaikan tu manuruik ambo adolah upaya Penjajah utk mamacah balah antaro nagari2 di Minangkabau jo Rajo2nyo supayo mudah ditakluki. Baitu juo perang Paderi nan asalnyo Pembaharuan agamo katonyo, adalah upaya mamacah balah dlm hal agamo, nan terkenal antaro kaum tuo jo kaum mudo nan didalangi dek panjajah juo. Kan lah terkenal politik Panjajah tu mamacah balah, devide et impera atau devide and rule, sajak saisuak sampai kini (Pilkada dan Pilpres itu pun lah mamacah balah awak kini sa hancua-hancua nyo dan mancari pitih sabanyak-banyaknyo indak paduli halal haram utk acara kaduonyo), dan ingek juo Snough Hugronje nan mangaku sebaga Syech Abdul Ghaffar di Aceh, itu dulu lah sademikian hebat caronyo mangacau agamo awak dari dalam, baa kini? Tantu labiah hebat!! Ambo yakin kito akan babaliak ka Kerajaan baliak dan bukan barati manantang NKRI sbb ado nan labiah tuo dari NKRI yaitu Nusantara (sbgmna Sumpah Maha Patih Gajah Mada, di zaman Majapahit dulu). Bahkan kini Pemerintah lah mangakui beberapa kerajaan lama nan buliah dicari dan dilantik Rajo nyo baliak. Masak Dinda alun tau? Kesempurnaan baliak ba nagari dan ba surau tantu sampai ka pucuaknyo. Bisa sajo kito sasuaikan dgn NKRI seperti halnyo Yogya atau Bali. Satantang Kerajaan Pagaruyuang dan Katurunannyo ambo yakin Kerajaan Negeri Sembilan adolah kesinambuangannyo dan indak salah kalau kito urg Minangkabau saluruah dunia mangakuinyo sabagai Rajo Alam awak, (makonyo disabuik Rajo Alam bukan manuju ka sasuatu tampek)walaupun nyo barado di Malaysia sbb memang katurunan langsuang dari pagaruyuang. Bahkan Permaisuri nan kini adolah katurunan dari Taratak Kubang. Sahinggo banyak dunsanak awak nan dari Taratak Kubang dibaok /sikolah di Malaysia kini khususnyo di Negeri Sembilan. Maaf ka Tuanku nan dari Istano Basa kalau ambo salah tolong di luruihkan. Sbb iko hanyo angan-angan ambo surang hasil mancaliak Alam Takambang jadi Guru... Eit...lah tapanjang pulo sangenek, Alhaqirwalfaqir-AnwarDjambak44-, kamanakan Dt. Rajo Malano (Maulana) Pyk-Mudiak,,KL, "Maminteh Sabalun Hanyuik!" Sent from BlackBerry® smartphone powered by U Mobile -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
