Pak Dt Manyalo Basa, Siapo Datuak nan indak ba anak buah? Ambo kiro di palanta nan ko ado urangnyo, yaitu pak Rainal Rais Dt Rajo Satie Nan Mulie. Silahkan batanyokan ka baliau via japri satantang hal mantun. Sakali lai, ambo kiro usah dicikarau pulo limbago adat nagari masing-masing sabab beko jadi salah biliak pulo pak Datuak ambo, kacuali pabilo alah pernah dibuek kesepakatan antar KAN di ranah minang seperti memorandum ataupun kesepahaman antar limbago adat nagari-nagari di ranah minang satantang ketentuan mambarikan gala sako jo gala kehormatan. (Koreksi pulo bagi nan lain, gala pusako indak pernah ado, sabab pusako mantun bantuaknyo nyato ataupun sifatnyo kebendaan).
Paralu bana manyigi sesuatu mantun sampai-sampai, kok indak, indak elok pulo beko nan tasabuik. Kalau gala dari LKAAM ataupun Pagaruyuang, iyo kurang jaleh dek ambo siriah supadannyo. Kok ado saurang datuak batanyo ka palanta baa kaba LKAAM, iyo tagalak ambo manbaconyo, sabab LKAAM mantun mangaku adolah perwakilan KAN nan ado di nagari, sadangkan saurang pangulu adolah bagian dari KAN nan ado disuatu nagari. Apokah komunikasi dari LKAAM ka nagari nan indak jaleh, atau pangulu kapado KANnyo. Nan tabedo, tajadi pulo kaduo-duonyo. wasalam AZ/lk/34th/caniago ________________________________ Dari: Masdar TGM <[email protected]> Kepada: [email protected] Cc: Masdar TGM <[email protected]> Dikirim: Selasa, 29 Mei 2012 6:50 Judul: [R@ntau-Net] Datuak Honoris Causa jo Doktor Honoris Causa Assalamualaikum Wr Wb. Sabantako mbo cubo mautak atik, apo bisa diidem ditokan istilah honoris causa antaro gala datuak jo gala doktor. Istilah honoris causa itu sandiri jaleh-jaleh asanyo dari penghargaan yang tersebab. Kalau untuak gala doktor honoris causa, gala tu iyo doktor (DR) bana ditambah dengan istilah HC. kalau satantangan jo gala datuakko, indak sakadar gala "datuak" (DT) sajo, tapi ditambah jo "ikua" nyo nan panjang, indak lo ditambah jo istilah HC, malah ditambahlo jo gala datuak "bagala" nan pada gilirannyo iyo bana indak jaleh dek awak baa caro mambedakannyo jo datuak nan punyo suku, punyo kamanakan, punyo kampuang, punyo pusako. Akibatnyo datuak HC tadi (nan indak basuku, indak tau diadat Minang) nan kalamak dek we e je mamasang gala datuak di balakang namo e, seolah-olah we e jadi datuak iyo bana lo. Padohal, we e cuma datuak mainan alias datuak bagarah-garah, antahlah yuang antahlah piak, lah baguluang-guluang, baguluang lapiak. Awak rang Minang nan mambuek karajao, tapi awak rang Minang juo nan dibuek paniang kapalo. Apo ado bagian LKAAM tampek masuak koha?. Ngomong2 baa kaba LKAAM kini? Tarimo kasih banyak ditujukan ka mamak2, bundo kanduang, para pemuda harapan bangsa. Wassalam, TGM, 52/LL, Bkl -- . * -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
