Jikok di agak di kana kana Negara kito indonesia Sajak muloi kito mardeka Ndak baranti rakyat manderita
Kok lai buliah kito ba misa Baa tingkahnyo pejabat negara Sajak dari istana Sampai ka lurah desa desa Ibarat urang main bola Piala asean piala dunia kompetisi galatama Liga prima liga utama Dek ingin jadi juara Ingin dipuji jo di puja Dapek hadiah dapek piala Ba halalkan sagalo cara Tantu basuo salah jo jangga Batamu sasek jo gawa Kanai tungkai kanai ganja Kanai tinju kanai tunja Dek wasit kurang seksama Kurang teliti kurang waspada Hakim garih sato talena Lah sato pulo ma angkek bendera Lah jaleh urang talanca Bakatokan bola bakaca Katiko di ajak batangka Karatu kuniang nan kalua Ikolah nan ma rusak citra Heboh alek kacau acara Panek sajo barencana Manyusun jadual jo agenda Nan korban tantu panitia Bakarajo lillahita’ala Kanai caci kanai laga Kanai upek kanai puga Panonton nan labiah kecewa Karicih abih tajua Lah babali maha maha Tanyato mainnyo kasa Jikok di agak dipikia bana Ikolah potret Indonesia Bukan carito sandiwara Tapi manjadi kisah nyata Tingkah laku manusia Moral dan etika Nan kini samakin sirna Akhlak samakin puda Barabuik mancari tahta Mancari harta dan wanita Manjari kurisi jo meja Akhianyo hilang wibawa Lah heboh hakim jo jaksa Manunjuak tersangka jo tadakwa Lah sato pulo pengacara Nan salah nan nyo bela Dicaliak polisi jo tantara Lah batinju jo mahasiswa DPR lah hiruak jo KPK Mamparabuikkan pitih Negara Korupsi lah mambudaya Maliang rampok marajalela Asset negara tandeh nyo jua Tagadai pulau ka malaysia Mentri kanai pidana Pejabat kanai perdata Nan mudo kanai narkoba Rakyat kanai bala Lai banyak nan sarjana Tapi jarang nan baraja Sikola indak ijazah ada Nan paralu di wisuda Ado bana nan sikola Manyimak anciak maleh baraja Nan paralu ba hura hura Hiduik ba foya foya Batalingo indak mandanga Sarupo urang tea Disuruah sumbayang ka mushola Nyo manyanyi ka gereja Kok didanga bunyi ota Bunyi sarupo gandang tansa Bak cando tambua di gua Takah bak cando alek pesta Kadang nyo azan cando bila Pakai mik pakai toa Ma himbau urang ka mushola Urang sumbayang nyo kalua Bacaramah cando buya Bak takah alim ulama Babicaro haram jo hala Kalua parintah jo fatwa Tapi...bak cando agen pasa Agen oto pai ka jawa Ma ajak urang tiok sabanta Urang barangkek inyo tingga Ndak jaleh cacing jo ula Antah kabau antah cikaka Indak babeda baluik jo bada Dima awak indak tasama Di buek musajik keceknyo gereja Kuciang ba ulah anjiangnyo laga Mancik nan salah lumbuangnyo baka Ayam nan tabang itiak nyo kaja Jikok di agak dipikia bana Dibaco kisah manusia Sajak dari adam jo hawa Muloi turun kadunia Di baco akhlak jo etika Sopan santun jo norma norma Lah ditunjuak jo di aja Asa kito amuah baraja Tapi kito banyak nan engka Banyak lupo banyak alpa Lah tuo baru manyasa Cakak abih silek takana Untuak kito di palanta Marilah kito samo badoa Mintak ka Tuhan Yang Maha Esa Babalaiak indonesia jaya Amiiiiiiiiiiiiiiiiiiin.........! 26062012.y.jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
