Itulah masalahnyo mak Asmardi,
Limbago Adat Nagari nan ko kan barasa dari kaum/suku nan ado di nagari. Satiok urang minang diateh dunia ko tantu basako jo bapusako (kok indak, paralu disigi keminangannyo), sahinggo jaleh nan saharusnyo bahwa limbago adat nagari nan sabananyo maurus seluruh hal nan manyangkuik hal sako jo pusako di nagari, termasuk pengaturan masyarakat di nagari nan kito sadari hal mantun berlandaskan ABS SBK. Satiok urang minang pasti basuku, dimano suku mantun pasti babuah paruik & kaum. Dimano urang nan ampek jinih ataupun nan tungku tigo sajarangan nan ko lah nan mengatur seluruh tatanan adat masyarakat di nagari-nagari. Tantunyo untuak menjalankan Limbago Adat Nagari nan ko, diparalukan peran aktif seluruh anak nagari baiak nan di kampuang baitu pulo nan diperantauan. Nan tabedo, hinggo kini kito 'tenang-tenang saja', bantuak indak ado kendala nan tajadi. Ado pulo nan bawawasan sampik bahasonyo Limbago Adat Nagari nan ko hanyolah diisi oleh para datuak niniak mamak pangulu kaum sajo, padohal jaleh urang nan ampek jinih mantun adolah niniak mamak pangulu kaum, malin, manti jo dubalang, ataupun nan kini disabuik pulo urang nan tigo tungku sajarangan, yaitu kalangan niniak mamak pangulu kaum, cadiak pandai & alim ulama. Nan tapikia sajak dulu dibanak ambo, pak Saaf adolah salah satu pengurus LKAAM Sumbar periode paratamo. Kok baliau indak jaleh komunikasi dengan Limbago Adat Nagari baliau di Nagari Campago, apokah hal iko indak disabuik manyimpang dari adat nan sabananyo, sabab indak mewakili Limbago Adat Nagari asa sendiri. Iyolah batele-tele kito urang minang ko, sabab nan cadiak pandai sajo alah bantuak itu, kunun pulo urang nan badarai. Manuruik pandapek ambo pribadi, baitu pulo nan ambo tanyo di nagari-nagari nan alah bajalang di ranah minang, seluruh masyarkat nagari nan alah akil baligh mempunyai hak & kewajiban untuak managakan Limbago Adat Nagari nan ko. Sia juo lai nan akan managakan marwah limbago adat nagarinyo kalau bukan anak nagari sendiri? Tantunyo nan duduak dalam LKAAM Kabupaten/Kota & LKAAM Provinsi adolah marupokan perwakilan dari KAN nan ado di nagari-nagari. Sabab nan manjadi urang nan ampek jinih ataupun nan tigo tungku sajarangan nan marupokan isi dari Limbago Adat Nagari marupokan urang nan barasa dari nagari mantun. Dek karano itu ijan baharok sisiak ka limbek juo, sabab tagak atau rabahnyo minangkabau ko tapulang dari niek & kemauan kito sendiri, nan maikuik alua jo patuik sarato jalan nan pasa. Ambo kiro, pabilo komunikasi organisasi perantau nan berbasis nagari nan ko memang memiliki komunikasi dengan pemerintahan nagari masing-masing, akan tapiliah wakil-wakil rakyat nan memang mangarati tentang tatanan adat minangkabau & memperjuangkan kepentingan masyarakat nagari. Indak saroman kini, nan alah jaleh kito caliak baa kondisinyo, banyak maaf. wasalam AZ/lk/34th/caniago Padang Kok ado juo nan manyabuik Pemkab/Pemko/Pemrov harus menentapkan anggaran untuak Limbago Adat Nagari, ambo kiro urang ko indak mangarati baa nan sabananyo tatanan adat di ranah minang. Sabanta lai kito akan menyambut bulan suci Ramadahan, sudah hal nan biaso, organisasi perantau (IK) selalu merencanakan kegiatan pulang basamo & marundiangkan apo sajo nan bisa dilakukan untuk meningkatkan pembangunan di nagari. Kok iyo kito urang minang walau hiduik di rantau, capeklah kontak IK nagari asa kito, sahinggo bisa sato sakaki untuak membantu pembangunan di nagari sahinggo bisa diansua-ansua bangkalai nan ado salamo nan ko. ________________________________ Dari: Asmardi Arbi <[email protected]> Kepada: RantauNet <[email protected]> Dikirim: Minggu, 1 Juli 2012 19:10 Judul: Re: [R@ntau-Net] Re: Pakai Dana Forum Kerjasama Polisi dan Masyarakat Nakan Armen nan kami andalkan, Sebagai info dari Nagari kami Kambang dan hampia kasadonyo Nagari di Pessel iyo alun ado nampak Limbago Adat Nagari nan bafungsi sabagaimano mestinyo. Kegiatan KAN hanyo nampak basifat seremonial sajo, tapi alun ado nan basifat manyalasaikan masalah2 Adat jo Agamo dalam kahidupan sehari-hari. Wassalam, AA 010712 -------------------------------------------------- From: "Armen Zulkarnain/lk/34th/caniago" <[email protected]> Sent: Saturday, June 30, 2012 6:28 PM To: "RantauNet" <[email protected]> Subject: [R@ntau-Net] Re: Pakai Dana Forum Kerjasama Polisi dan Masyarakat > > Mak Muchlis Hamid nan ambo hormati, > > Parik paga nagari nan ko organ dalam Limbago Adat Nagari. Pertanyaan > dari ambo adolah, bara bana Limbago Adat Nagari nan ko nan lai > bafungsi? > Mungkin dari angku, mamak, bundo sarato dunsanak sapalanta RN nan ko > bisa manyabuikan Limbago Adat Nagari asanyo nan lai bafungsi, sahinggo > hal iko bisa jaleh datanyo untuak dilakukan tindak lanjuik untuak hal > mantun. > > Nan ambo tahu, sampai kini pak Saaf sendiri kurang jaleh baa sabananyo > kondisi nagari asa baliau di Nagari Campago, V Koto Kampuang Dalam, > Piaman Laweh. Baiak Limbago Adat Nagari maupun parik paga nagari, > kunun pulo bacurito mengenai hal nan ko. > > wasalam > > AZ/lk/34th/caniago > Padang -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
