Dunsanak kasadonyo ... Dek disuruah taruihkan dek pak Saaf, niak ambo taruihkan. .. buliah nak jaleh dima tampek tagak nan sabananyo nan rancak. Dek ari lah dakek bulan puaso, iyo rancak kito mangaji. Baco dan simak elok-elok. (judul thread dituka). Assalaaamu'alaikum. w.w. Mari kito mangaji mampaluruih jalan, supayo jan takelok dari nan ditunjuakkan dek Allah swt. A nan ka kito kaji di urusan ko ?. Jalan nan luruih. Baa dek bitu ?.
Dek karano urang nan bajalan luruih ko nan kasalamaik (Salvation). Baa kok itu lo nan kasalamaik ?. Dek karano itu nan di firmankan Allah swt. ka kito. Baa kok Allah pulo nan ka dituruik ?. Dek karano kito yakin sayakin-yakinnyo ka Allah swt. Allah swt sebagai Pencipta dan Penguasa alam semesta dan tiado tuhan kecuali Allah swt. Kalau ndak yakin ....... ?. Kalau ndak yakin aratinyo lah kalua dari Islam. Buek lah suko ati awak. Kalau lai yakin ?. Kok lai yakin, iyo jalan Allah swt. tu nan kadituruik. Kalau baitu, indak ado jalan lain salain jalan Allah swt. nan ka salamaik ..tu do Sutan.. ?. Iyo indak ado do dunsanak. Ciek tu jalannyo nyo. Jalan nan ma tu .... ?. Jalan nan diajakan dek Allah swt. ka Rasulullah saw. dan disampaikan ka awak. Jalan lain ndak ado .... ?, Iyo ndak ado do sanak. Eh jalan nan takah kecek Dalai Lama tu bagai, kan akhlakul kharimah pulo tu ....?. Oopss tunggu dulu. Sia nan mangakui itu sebagai akhlakul kharimah tu ?. Eh banyak urang nan mangecekkan di dunia ko .....? Ok, lai ado pengakuan Penguasa jagad raya ko ndak ?. Allah mukasuiknyo ? ....Iyo kurang jaleh di ambo..... Hmmm.... walaupun sadunia ko urang mengakui sebagai akhlakul kharimah, kalau indak ado pengakuan Allah swt. sebagai penguasa jagad raya ko, indak laku tu doh, indak inyo tu doh. Indak itu nan ka dituruik tu doh. Ok pulo Sutan, nan Rasulullah tu lai diakui dek Penguasa jagad raya ko ?. Hmmm... itu lah nan inyo, itu nan ado, surang tu nan diakui di ateh dunia ko nyo. Allah swt. mengakui akhlakul kharimah yang di punyoi dek Nabi Muhammad saw. Di ayat 4 surek 68 (Al-Qalam) "Wa innaka la'alla khuluqiin 'azhiim" Dan Sesungguhnya engkau mempunyai akhlak yang mulia. Kato " 'azhiim" tu labiah gadang dari sekedar mulia sajo caro awaknyo. Ooo...barek tu Sutan.. Sudah tu dikecekkan dek Allah swt. ka awak. "Laqad kaana lakum fii rusulillaahi uswatun hasanah". (QS : 33: 21) "La" tu artinyo sungguh, "qad" tu sungguh juo, jadi Sungguh-sungguh bagimu pada diri Rasulullah itu terdapat suri teladan yang baik. Aratinyo, indak buliah lai diambiak contoh ka nan lain dek karano yo itu sajo nan samparono nan ka ditiru. Jan cubo pulo mampabandiang-bandiangkan jo nan lain lai, takah Umar bin khattab ra. mamacik lembaran Taurat. Berang Nabi saw. ka inyo (al-Hadits). Bahkan tokoh Kristen nan mangarang buku "The One hundred" (Seratus tokoh) malatakkan Muhammad saw. sebagai tokoh nomor satu dalam dunia ko, tiada tandingan. Urang kapia tu (mungkin kini alah Islam agaknyo), kunun pulo awak. Tu baa lai ko Sutan .... ?. Eh, baliak lah ka pangka jalan baliak, co itu jalan nan luruih. Apo nan bamintak 17 kali tiok sumbayang, Eh lai sumbayang ko ?. Kok ndak sumbayang iyo bedo kaji. Eh sumbayang lai, ndak tingga tudo ..... !. Kalau baitu lai mangarati jo apo nan bamintak 17 kali tiok ari tu ?. Ha ha kalau indak mangarati, ... iyo rancak baraja bana urusan sumbayang ko. Dek iko nan partamo ditanyo isuak di padang mahsyar. Laiii... mangarati..... , jalan luruih nan basabuik-an tadi ma.... Aii,... kok lai mangarati baa kok co itu bana tanyo tadi tu ?. Aaa ... indak, panggaduah-gaduah Sutan sen. Aii yayai ...yo, ok lah, kalau baitu jalan luruih nan baa nan bamintak 17 kali tu ?. "Ihdinash shiraathal mustaqiim"...tu ma .. Tunjukkilah kami jalan yang lurus.... Iyo lah, jalan luruih nan bantuak aaa ...? Ooo... "Shiratal ladzii na an'amta 'alaihim". Jalan yang Engkau beri nikmat ke atas mereka. Santiang,.... tapi ... mereka tu siaa ?. ..aaa... agak kurang jaleh diambo ...sabab sudah tu ... "Ghairil maghduu bi 'alaiHim". ... bukan jalan orang yang Engkau murkai ... aaa... danga eolok-elok ... Iko tafsir Qur-an bil Qur-an. Jadi indak sumbarang urang bisa mantafsir kecuali urang -urang nan memang layak untuak itu. Apo tafsir Qur-an bil Qur-an nan disabuik dek ulama tafsir tantang iko. Sia-sia nan diagiah nikmat atas mereka tu dek Allah swt, danga elok-elok. "Minan nabiyyin, wash shidddiqiiin, wasy syuuhadaa, wash shaalihiin" (QS:4:69) yakni dari para Nabi, orang-orang shidiq, dan orang-orang yang syahid serta orang-orang yang shaleh. Ooo.... bitu.... Iyo baitu, jalan urang-urang tu nan kadituruik supayo salamaik. Itu nan bamintak 17 kali sahari samalam tu tu. ..ai yayai... jadi salamo ko ?. Salamoko babaco bitu se nyo.... Ai yayai yo, dek itu sumbarang jalan se nan baturuik tumah, jalan kaum proletar lah, jalan kaum spartan lah, jalan kaum liberal lah, jalan sekuler lah, bamacam jalan ..... Indak ka manjadi ato ciek juo tu do. Tu baa lai Sutan ...? Aii lah panjang pulo ... bisuak kito sambuang ... malam lah laruik... kito tulih siko (Bersambung) Billaahil hidayah wat taufiq Wassalam St. Sinaro ________________________________ From: Dr Saafroedin Bahar <[email protected]> To: Rantau Net Rantau Net <[email protected]> Sent: Sunday, 8 July 2012 11:05 PM Subject: Re: [R@ntau-Net] OOT : Fwd: [GELORA45] Which religion is the best Silakan lanjut, Sanak Sutan Sinaro. Ambo manyimak. Bak kato Sanak, tampek tagak kito balain, tantu balain pulo nan nampak. Wassalam, SB. Saafroedin Bahar. Taqdir di tangan Allah swt, nasib di tangan kita. ________________________________ From: Sutan Sinaro <[email protected]> Sender: [email protected] Date: Sun, 8 Jul 2012 06:52:15 -0700 (PDT) To: [email protected]<[email protected]> ReplyTo: [email protected] Subject: Re: [R@ntau-Net] OOT : Fwd: [GELORA45] Which religion is the best Ha ha, ... iyo sabana balain bana pancaliak-an balain tampek tagak ko yo pak Saaf. Urang nan bijaksana kecek urang, uran nan peduli jo pakaro ketek tapi efeknyo gadang dan kurang peduli jo pakaro gadang tapi efeknyo ketek. Ambo raso pak Saaf tahu tu. Pak Saaf mancaliak urusan aqidah adolah urusan urang sorang-sorang, urusan ketek, tapi sacaro Islam, urusan aqidah adolah urusan gadang. Indak buliah dianjak saketek juo doh. Kalau bicara soal efek, bara banyak beko urang yang agak-agak kurang iman dan pengetahuannyo maiyokan sudah tu mangecekkan agamo ko samo se kasadonyo (caliak se judul thread di ateh). Kan batambah pulo karajo mayakinkan urang-urang tu baliak, alun doso nan katibo dek nyo lai. Samo lo jo urusan ABS SBK, mungkin bagi pak Saaf ABS SBK urang Minang hanyalah sebutir dari urusan hukum adat dari sekian banyak hukum adat di Nusantara ko nan pak Saaf urus. Tapi bagi urang Minang, iko urusan filosofi hidup, way of life, nan indak buliah dituka sabananyo, cupak indak buliah dituka rang panggaleh. Baitu pulo urusan tujuh kata,... alaah.. apa sih tujuh kata saja. Tapi bisa awak caliak efek dan akibatnyo sampai kini, ndan susahnyo mengembalikan ka tampeknyo. Sahinggo nagari ko manjadi nagari sarang koruptor kecek urang. Cubo dikarek tangannyo tu, disiarkan ka seluruh Nusantara, lai ka talok juo korupsi ko lah. ...aaa...kan baliak ka aqidah juo tu.... Banyak maaf. Billaahil hidayah wat taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
