Inyiak Sunguik,
Mengenai hal mantun, banyak dari kito urang minang nan kurang jaleh satantang hal nan ko. Sobab pengetahuan satantang nagari-nagari dipalosok memang kurang dek memang indak pernah bajalang ka nagari-nagari wilayah nan palosok. Umumnyo naari-nagari nan diketahui hanyo nan barado disekitar jalan lintas sajo. Batang Sinama nan ko memang panjang, mulai dari pedalaman mudiak 50 Koto di Koto Tinggi nan kudian batamu jo batang Agam di Taram. Batang Sinama nan ko taruih mahilia ka Lareh Sago Halaban nan salanjuiknyo masuak wilayah Lintau. Kutiko masuak wilayah Tanjuang Ampalu, basuo pulo jo batang Ombilin nan indak jauah sasudah itu di Padang Laweh basuo pulo jo batang Sumpu. Batang Sinama ko kutiko sampai di Muaro Sijunjuang batamu jo batang Palangki. Kudian batang Sinama ko barubah namo manjadi batang Kuantan nan manuju Silokek - Durian Gadang - Padang Tarok taruih ka wilayah rantau Kuantan. Kutiko di Inderagiri barubah pulo namonyo manjadi batang Inderagiri nan akan bamuaro ka lauik sati di Tembilahan, Sungai Gutung. Kutiko masih kuliah di Panam, Pekanbaru, ambo sempat pulo ka Sungai Gutung kutiko banyak senior nan bakarajo di sinan. Kapatang ambo mancubo jalan nagari melalui jalur Padang Laweh - Sibolin - Sisawah - Tamparungo - Calau, manyubarang batang Sinama nan ado jembatan buai sapanjang 100 meter dan kondisinyo alah banyak nan lapuak kayunyo. Iyo agak gamang sangenek. Kudian ditaruihkan bajalan manyusuri batang Sumpu melalui jalan rabat beton nan lebanyo hanyo 1,5 meter. Kutiko basuo jo pengendara lain, harus baranti sabanta untuak bagantian lalu lalang. Kok alamnyo iyo sabana indah, dengan sungai nan janiah pulo. Batang Sumpu ko ado 2 di ranah minang, nan ciek iyo di Sumpur Kudus ko. Nan ciek lai ado di Pasaman nan bahulu di Talang Sinuruik kaki gunuang Pasaman. Pabilo kito susuri batang Sumpu di Pasaman nan ko, akan taruih mahilia ka Lubuaksikapiang, taruih ka Sundata, Panti, Galugua, kudian masuak wilayah Rao nan laweh kedatarannyo. Batang Sumpu nan ko akan taruih mahilia ka Pintu Padang, Muaro Taih taruih masuak ka wilayah rantau Rokan di provinsi Riau. Disiko batang Sumpu ko akan bagabuang jo batang Rokan nan akan bamuaro di Bagan Siapi-api. Kok baitu baa jaknyo jo batang Kampar? Batang Kampar nan ko wilayah hulunyo ado 2, nan ciek yaitu batang Kampar Kanan bahulu di bukik Gadang di wilayah nagari Muaro Sungai Lolo kudian taruih ka Maek. Nagari Muaro Sungai Lolo ko sabananyo indak jauah dari Lubuaksikapiang, hanyo bajarak 30 km dari Lubuak Sikapiang pabilo kito tarik garih luruih. Namun dek bukik Gadang di Pasaman ko iyo sabana gadang jo laweh (titik tertinggi adolah 2200 meter) & marupokan wilayah terisolir sahinggo sampai kini memang sarik ditampauh. Kutiko YPRN akan menyumbangkan seragam sikolah alah pernah ambo postingkan mengenai nagari Muaro Sungai Lolo ko di milis nan ko, silahkan disigi baliak bagi nan berminat. Batang kampar Kanan nan ko kudian masuak ka wilayah Muaro Paiti, taruih ka Pangkalan, Koto Panjang nan kini manjadi danau/waduk Koto Panjang nan wilayahnyo barado di perbatasan 2 provinsi, yaitu Sumbar & Riau. Taruih ka Rantau Baragin, masuak ka Kuok nan adolah asa nagari pak Fachrul Rasyid wartawan senior nan kini bamukim di Padang. Diwilayah nan ko batang Kampar Kanan batamu jo batang Kampar Kiri nan hulunyo ado di nagari Lipek Kain nan masuak dalam wilah administrasi kab. Kampar Provinsi Riau. Nan uniknyo, niniak Mamak di Kanagarian Sumpur Kudus memiliki perjanjian jo niniak mamak di Lipek Kain mengenai batas wilayah. Memang jarak antaro Sumpur Kudus jo Lipek Kain indak terlalu jauah, saroman jarak antaro Lubuaksikapiang jo Muaro Sungai Lolo di Pasaman, sekitar 25 km pabilo kito tarik garih luruih. Namun dek karano diantaro nagari nan ko tadapek rimbo Lisun nan sabana laweh & marupokan rimbo Gadang sahinggo agak sarik manampuahnyo bagi nan indak biaso manampuah jalan rimbo. Batang Kampar nan ko akan bamuaro di wilayah administrasi Pelalawan nan tasabuik Bononyo pado musim-musim arus gadang tibo. Apo itu Bono? Silahkan searching di google sabab banyak dunsanak kito nan marilis tulisannyo. Pado youtube bisa dicaliak pulo videonyo satantang Bono nan ko. Manaruik hipotesa ambo urang nan mudo matah ko, dari 3 muaro nan alah dipaparkan cako, muaro di Bagan Siapi-api nan paliang dakek jo wilayah rantau Negeri Sembilan di Malaysia. Di Pasaman banyak pulo perantau-perantaunyo nan alah bamukim baratuih tahun di Negeri Sembilan nan ko. Dikabakan dalam sejarah pulo, komandan terakhir perang Padri yaitu Tuanku Tambusai mundur ka Negeri Sembilan kutiko alah tasuduik jo kepungang Bulando. Kok kito pernah ka wilayah Rao nan sajak daulunyo terpusat di Pintu Padang & Muaro Taih (bukan nan Rao kini di Galugua) akan memahami baa kok wilayah nan ko sabana padek penduduknyo. Mungkin itu sajo nan bisa ambo tukuak dari curito Inyiak Sunguik, sambia mancubo mamapakan pentingnyo jalur sungai pado kehidupan masyarakat minang tempo dulu. wasalam AZ/lk/34th/caniago Sumpur Kudus - Sijunjuang ________________________________ Dari: sjamsir_sjarif <[email protected]> Kepada: [email protected] Dikirim: Senin, 9 Juli 2012 22:35 Judul: Re: Bls: [R@ntau-Net] Sahring Foto : Mancari Bilalang, Kampuang Pulai, Jorong Taratak Tangah, Kanagarian Sunpur Kudus - Sijunjung Maa Angku Armen Zulkarnain jo Angku JB Dt Rajo Jambi sarato Rang Lapau nan Basamo, Mengenai persamaan dialek di daerah nan labiah lawehnyo taraso di MakNgah "Dialek Daerah Aliran Batang Sinama" tabantang dari jauah di Utara Baruah Gunuang, Suliki, tamasuak Mudiak Liki, Suayan, Batuampa dan sekitarnyo) Pek Mudiak, Lereng Sago Ampalu Halaban, Lintau Buwo, Kumani, Sisawah, Sumpur Kudus. Daerah Lereng Gunuang Sago di Barat dan Selatannyo malingkupi Salimpauang, Sungayang, Sumaniak, lawehnyo daerah Tanah Data Timur. Itu dapek dijadikan hipotesa untuak panambah riset bagi angkatan nanti. Baitu juo mengenai pentingnya Daerah Sumpu Kumani Buo dalam Sejarah lah MakNgah katangahkan dalam Hipotesa Sjamsir Sjarif "Triangle Pagaruyuang - Buo - Sumpu Kudus". Silahkan caliak untaian (thread) posting MakNgah sekitar Sun, 24 Feb 2008 20:36:15 -0800] Banyak nan tasuruak dalam hipotesa tu: http://groups.yahoo.com/group/RantauNet/message/65316 Salam, --MakNgah Sjamsir Sjarif Di Tapi Riak nan Badabua Santa Cruz, California, July 9, 2012 --- In [email protected], Armen Zulkarnain <emeneschoobie@...> wrote: > > > Inyiak Buyuang Dt Rajo Jambi niniak mamak dari nagari IV Angkek Padusunan di > Piaman Laweh nan ambo hormati, > > Dialek Sumpu nan ko hampia samo jo Lintau, sabab wilayahnyo basabalahan. Kok > dibandiang jo dialek Pikumbuah, hampia samo juo. Bedae sacaro umum dalam > pelafalan vokal 'e' nan babeda, dimano kalau di Pikumbuah penyebutan vokal e > labiah kareh, sadangkan di siko lamah bunyie. > > Saroman iko contohe : > > Ule masuk bonde (Lintau/Sumpu/Sijunjuang) ket : dengan lafal e lemah. > Ula masuak banda (Agam/Padangpanjang) > Ule masuak bonde (Pikumbuah) ket : dengan lafal e keras. > > Dialek Lintau/Sumpu/Tanjuang Ompolu/Sijunjuang nan ko (Tanjuang Ampalu > mukasuiknyo) memang kurang umum di masyarakat minang, sobab jalur wilayah nan > ko nan dimulai dari Sijunjuang - Muaro Sijunjuang - Tanjuang Ampalu - Kumanih > - Sumpu Kudus - Lintau memang jarang dilalui/dilintasi oleh urang awak. Hanyo > urang Pikumbuah nan merantau di Jambi - Palembang - Jakarta ataupun Bengkulu > sajo nan selalu melalui daerah nan ko pabilo pulang ka kampuang. Selain > mantun, tofografi wilayah nan ko iyo agak rumik sabab babukik-bukik & agak > tatingge dari kabupaten nan lain saroman Luhak Nan Tigo. > > Mungkin Inyik Sunguik bisa pulo mancuritokan pengalaman baliau sebagai > operator sender PRRI maso itu mengenai wilayah nan ko. Sabab dari nan ambo > donge dari niniak mamak sarato nan tuo-tuo di Sumpu salaruik salamo nan ko, > ado banyak peninggalan kepurbakalaan saroman prasasti (batu basurek) di > sepanjang batang Sinama, batang Kuantan, batang Ombilin & batang Sumpu. > > Bisa dikatokan urang minang umumnyo memang agak kasulitan manyabuik vokal e > lemah, sahinggo mirip jo urang Tapanuli mengenai hal iko. Namun dunsanak kito > di wilayah nan ko sabana fasih penyebutan vokal e lemahnyo. > > Angku, mamak, bundo sarato dunsanak sapalanta, ka inyak la ka inyak, kito > dangakan pulo curito Inyiak Sunguik mengenai kondisi Lintau -Sumpu - Kumanih > - Muaro dimaso lalu. Ambo yakin suasana alamnyo jauah labiah barasiah > dibanding kini (nan kini sajo masih cukuik tajago apolai dulu) & paralau > diketahui, makam Syekh Ibrahim & makam Rajo Ibadat daulunyo manuruik urang > tuo-tuo disiko acok manggaga saroman gampo pabilo tajadi hal nan sumbang di > Sumpu Kudus. Mungkin Inyiak Sunguik pernah pulo mengalami hal mantun. > > wasalam > > AZ/lk/34th/caniago > Sumpur Kudus - Sijunjung > > Sore cako ambo mancubo jaur Padang Laweh - Sisawah - Tamparungo - Calau > sepulang dari Muaro Sijunjuang basamo wali nagari Sumpu manamui kabag > Pemerintahan Nagari & Kabag Infokom kab. Sijunjuang untuak mangabakan rencana > pendampingan website nagari. Alam & panoramanyo iyo sabana segeh, indak bisa > dilukiskan jo kato-kato. Insya Allah foto jo video ambo lewakan indak lamo > lai. > > > ________________________________ > Dari: "zubir.amin@..." <zubir.amin@...> > Kepada: [email protected] > Dikirim: Senin, 9 Juli 2012 6:23 > Judul: Re: Bls: [R@ntau-Net] Sahring Foto : Mancari Bilalang, Kampuang Pulai, > Jorong Taratak Tangah, Kanagarian Sunpur Kudus - Sijunjung > > > Kanakan Armen Zulkarnain nn baik n sanak paanta. > Mokasih penjelasannyo n selamat berkiprah bagi negeri2 kito di ranah > Minangkabau. > Njiak JB,DtRJ,73thn kurang 17hari,bulan ini.sk > Mandahiliang,Padusunan,Piaman,kini di Bonjer,Jakbar. > NB. Ditulih panjang alamaik ko,untuaak > mamanuhi tuntunan rang DAPUA.Karano,ruponyo Armen di palanta RN ko,ado nn > alergi(gata2 bulu idung 'e) kalau Inyiak,manulih lengkap adres tu.He 3x. > Sent from my AXIS Worry Free BlackBerry® smartphone > ________________________________ > > From: Armen Zulkarnain <emeneschoobie@...> > Sender: [email protected] > Date: Sat, 7 Jul 2012 21:31:08 +0800 (SGT) > To: [email protected]<[email protected]> > ReplyTo: [email protected] > Subject: Bls: [R@ntau-Net] Sahring Foto : Mancari Bilalang, Kampuang Pulai, > Jorong Taratak Tangah, Kanagarian Sunpur Kudus - Sijunjung > > > Inyiak Buyuang Dt Rajo Jambi nan ambo hormati, > > Nan acok disabuik adolah nagari Sumpu Kudus sesuai dengan dialek disiko. > Saroman kato rumah gadang, nan labiah banyak pelafalannyo di nagari-nagari di > ranah minang adolah rumah godang, namun kaduonyo batua & indak ado nan salah. > > wasalam > > AZ/lk/34th/caniago > Sumpur Kudus - Sijunjung > > ________________________________ > Dari: "zubir.amin@..." <zubir.amin@...> > Kepada: [email protected] > Dikirim: Sabtu, 7 Juli 2012 14:34 > Judul: Re: Bls: [R@ntau-Net] Sahring Foto : Mancari Bilalang, Kampuang Pulai, > Jorong Taratak Tangah, Kanagarian Sunpur Kudus - Sijunjung > > > Kanakan Armen Zulkarnen nn baik.Tolong agiah pancerahan senek ka Inyiak soal > namo nagari:"Sunpur Kudus" or "Sunpua Kuduih" or Sunpu Kudus"Maa nn batua > namo nagari kito tu.Makasih! > Sent from my AXIS Worry Free BlackBerry® smartphone > ________________________________ > > From: Armen Zulkarnain <emeneschoobie@...> > Sender: [email protected] > Date: Sat, 7 Jul 2012 10:39:52 +0800 (SGT) > To: [email protected]<[email protected]> > ReplyTo: [email protected] > Subject: Bls: [R@ntau-Net] Sahring Foto : Mancari Bilalang, Kampuang Pulai, > Jorong Taratak Tangah, Kanagarian Sunpur Kudus - Sijunjung > > > Bundo Evy, > > Ambo hanyo maagiah saran sajo, pabilo ingin bajalan ka nagari-nagari di ranah > minang, rancak dibantu samo nan tau jo nagari. Dengan adonyo guide, kito bisa > mengetahui keunikan nagari nan indak pernah terekpos. Sebagai contoh, ambo > kutiko menjadi guide indak pernah menyarankan turis menginap di Bukiktinggi. > Ado banyak homestay & cottagge nan labiah segeh dibandiang hotel-hotel nan > ado di Bukiktinggi, misalnyo Aia Angek Cottage di nagari Aia Angek & Lawang > Park Homestay di nagari Lawang. > > Kok hanyo ka Sumpu Kudus, mak Dutamardin, pak Aprijon Ponggok jo pak Darul > Makmur alah sampai kasiko ambo bao bajalan. Bilo-bilo ka Sumbar kontak > sajolah ambo, insya Allah bisa disusun jadwalnyo. Wali Nagari Sumpu ko konco > palankin ambo mah. > > wasalam > > AZ/lk/34th/caniago > Sumpur Kudus - Sijunjung > > ________________________________ > Dari: "hyvny07@..." <hyvny07@...> > Kepada: milis rang minang <[email protected]> > Dikirim: Sabtu, 7 Juli 2012 6:22 > Judul: Re: [R@ntau-Net] Sahring Foto : Mancari Bilalang, Kampuang Pulai, > Jorong Taratak Tangah, Kanagarian Sunpur Kudus - Sijunjung > > > Waalaikum salam, bung Armen. > > Waduh, ambo tertarik bana dan akan ambo jadikan destinasi wisata Nagari > berikutnza. Insya Allah. > > Berapa km jarak/jam perjalanannya dari kota Padang. > Dari mana dan ke arah mana arah perjalanannya. ? > > Mudahan kok lai razaki bisa pulang kampung, nanti habis lebaran. Mudahan ambo > tidak kecewa seperti saat melihat g. Papan di Sulik Aie, dek karano kawan > perjalanan indak paham dengan rencana perjalanan ambo. > Doakan ya.. > > Terima kasih infonya, > > Wassalam, > > > Evy Djamaludin > > > Sent from my AXIS Worry Free BlackBerry® smartphone > ________________________________ > > From: Armen Zulkarnain <emeneschoobie@...> > Sender: [email protected] > Date: Sat, 7 Jul 2012 06:31:56 +0800 (SGT) > To: [email protected]<[email protected]> > ReplyTo: [email protected] > Subject: [R@ntau-Net] Sahring Foto : Mancari Bilalang, Kampuang Pulai, Jorong > Taratak Tangah, Kanagarian Sunpur Kudus - Sijunjung > > > > Assalammualaikum wr wb > > Angku, mamak, bundo, sarato dunsanak sapalanta nan ambo muliakan, > > Berikut ambo sharing foto di Kanagarian Sumpur Kudus satantang tradisi lamo > setelah musim manyabik padi usai, yaitu mancari bilalang di malam hari untuak > dijadikan bahan samba randang bilalang nan menjadi kuliner khas di nagari nan > ko. Ingin mancubo? Silahkan kunjungi nagari Sumpur Kudus, sambia mancubo > durian nan kini mulai tibo musimnyo. Ijan lupo, sakalian baziarah ka makam > Syekh Ibrahim nan menyebarkan agamo Islam di nagari nan ko pado abad ka 15 > sarato mangunjungi masajik & makam Rajo Ibadat Sultan Alif. Sebagai panutuik > wisata nagari, bisa dinikmati aie tajun Lubuak Pandakian nan aienyo sabana > janiah di batang Sami jo panorama Bukik Lantiak nan menyajikan gugusan bukik > Sangkak Ayam, gunuang Sago, gunuang Marapi sarato gunuang Talang. Bagi nan > suko adventure, bisa menjajal tracking sarato bamalam di rimbo Lisun nan > masih perawan manggunokan guide nan ado di nagari. Untuak nan suko jo budaya, > talempong Unggan, Tari Piriang, Tari Pijak Galeh, Randai > jo Canang bisa jadi pilihan. Indak lupo untuak nan gadih jo induak-induak, >ado kain tanun Unggan nan bisa dijadikan oleh-oleh > > Kunjungi ranah minang, tanah pusako bundo kanduang. > > http://www.faceofindonesia.com/wak-emen/photo/6171/mancari-bilalang > > .: Mancari Bilalang :. > Kampuang Pulai, Jorong Taratak Tangah > Kanagarian Sumpur Kudus - Sijunjung. > Ketika musim panen selesai, petani-petani di nagari kami melakukan suatu > tradisi unik, yaitu mencari belalang ketika malam tiba. Belalang ini bisa > dijadikan lauk yang gurih untuk dinikmati keluarga keesokan harinya. Salah > satu kuliner unik di Sumpur Kudus adalah sambal randang bilalang, yang tahan > disimpan selama sebulan & kerap dijadikan lauk pauk pelajar yang menuntut > ilmu di kota atau untuk dunsanak yang bermukim diperantauan. Kunjungi ranah > minang, tanah pusako bundo kanduang. > > > wasalam > > AZ/lk/34/caniago > Sumpur Kudus - Sijunjung -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
