Dunsanak kasadonyo yang Insya Allah dimuliakan oleh Allah swt. Manunggu pencerahan Kakanda Asmardi Arbi urusan ESQ, kito lanjuikkan dulu mangaji kito ko, mohon maaf malam kapatang takalok. Pak Zul Tan, nan nomor 1 iyo lanjutan dari thread sabalunnyo, tapi nan nomor 2 jo sataruihnyo lah thread baru tu. Assalamu'alaikum. w.w. Lah sampai kito di "Ghairil maghduu bi 'alaihim", di urusan jalan luruih ko nan manunjuak urang Yahudi sebagai bangsa yang dimurkai oleh Allah swt. ...ooops Sutan tunggu dulu... kok ado urang Yahudi nan kudiannyo masuak Islam baa ?. kanai kutuak juo nyo tu ?.... Dunsanak, disinanlah latak mulianyo Islam. Barang siapa (inidvidu mana saja) yang bertaubat, Allah swt. akan menerimanya dengan senang hati. Malah dalam satu hadits( ambo lupo hadits Qudsi atau bukan) dikatokan, Allah swt. sangat senang melihat orang yang bertaubat dari ketersesatannya, bak kecek urang Minang, salah diujuang jalan babaliak ka pangka jalan. Dan claim Allah swt. taradok urang Yahudi ko indak pulo sadonyo do, dalam Qur-an disabuik, sebagian dari Yahudi ko ado yang elok, tapi kebanyakannyo (majority) malawan ka Allah swt. ... ooo bitu Sutan... Iyo, ..samo pulo jo carito saudara-saudara Nabi Yusuf as., abak Nabi Yusuf ko kan Nabi Ya'qub as. ... Iyo Sutan... Nan digala jo Israel ko adolah Nabi Ya'qub, Israel aratinyo urang yang bajalan malam. ... Iyo Sutan kami lai tau tu ... Bani Israil atau urang-urang Yahudi ko adolah anak-anak atau turunan-turunan nabi Ya'qub. Memang diantaro mereka tu banyak nan jaek tapi ado pulo nan elok. Katiko Nabi Yusuf kadibunuah dek saudara-saudaranyo tu, ado nan elok nan malarang jan dibunuah, tapi dek suaro nan jaek labiah banyak ... aaa... disuruah sajo, masuakkan sajo ka dalam sumua ko, bia diambiak-e dek urang, sudah tu dijua urang tu, indak ka basuo-suo jo ayah lai tu doh. Baitu, ado nan elok. Bahkan kini ko, diantara sekian urang Israel nan menguasai Tepi barat tu, banyak juo nan mambela urang-urang Palestina tu malawan pemerintahannyo surang. Tapi bak kecek tadi, arus kuek tantu indak talawan. Makonyo sakali lai, kalau mereka bertaubat dan menerima Islam mako hilanglah kutukan ka inyo (pribadi). Baitu mulianyo Islam. ...ooo baitu ... Haa iyo baitu, kalau kito danga pulo pengalaman Abdurraheem Green, urang Kristen nan masuak Islam, katiko basuo dan badiskusi jo urang Yahudi dan ditanyo dek Abdurraheem Green ko. "You know Muhammad as the prophet, why you don't embrace Islam" (Kalian tahu Muhammad itu sebagai Nabi, kenapa kalian tidak memeluk Islam). aaa jawek Yahudi ko. "Yes, but we Jews, we never change our religion" (Ya, tapi kami orang-orang Yahudi, tidak menukar agama kami). kecek Abdurraheem Green ko sudah tu. "But half of the rabbi of Medina, accept Islam". (Tapi setengah dari rabbi(pendeta Yahudi) di Madinah, menerima Islam) jawek Yahudi tu. "Yes, but still we Jews, we never change our religion". (Ya, tapi tetap, kami orang-orang Yahudi tidak menukar agama kami) ... baa lo tu Sutan, sebagian dari Yahudi di Madinah alah masuak Islam tapi Kami Yahudi tidak menukar agama kami... aa lah mukasuik nyo tu...? Dunsanak, itu baru sebagian gambaran urang-urang Yahudi nan kareh kapalo. Bagi mereka kalau lah batuka agama, berarti indak Yahudi lai doh. Sekian urang Palestina tu kan ado nan Yahudi dulunyo tapi lah Islam, tapi indak dianggap Yahudi lai. Itu sababnyo tatap "We Jews, we never change our religion". (Kami orang-orang Yahudi tidak menukar agama kami) ... kareh kapalo bana yo Sutan ... Baitulah mereka, sasudah dibebaskan dek Nabi Musa as dari Fir'aun, lah nampak dimuko mato apo nan tajadi, jo tando-tando kebesaran Allah swt., nampak dimuko mato seluruh nagari Mesir di serang dek Bilalang, Kutu jo Koncek, dek permintaan Nabi Musa pulo bilalang, kutu jo koncek tu pai. Sudah tu dikaja dek Fir'aun sampai ka tapi lauik merah. Jo pertolongan Allah swt. Nabi Musa as. mambalah lauik merah jo tungkek. Nampak dimuko mato dan sato manyubarang mangikuti Nabi Musa as. Tapi kudian, katiko Nabi Musa as. pai 40 hari ka bukik Sinai,... aa nan dibuek mereka ?. ...aa tu Sutan ... ? Eh,... nyo buek patuang anak jawi, nyo sambah patuang anak jawi tu bakuliliang- kuliliang bantuak urang tawaf . Kan mambuek berang nabi Musa as. Lah nampak pertolongan Allah swt. taradok mereka, buliah dalam 40 hari amuah manyambah patuang anak jawi tu baliak. ... kan pakak bana tu yo Sutan... Eh dikecekkan pakak, nyo bi santiang-santiang,... bahkan di dunia modern ko, ciek jo duo urang lain nan bisa mangalahkan kepintaran urang Yahudi ko nyo. Katiko pak Said D. Jeni (kini almarhum), urang kaduo sasudah Habibie di IPTN dulu, lulus dari MIT dengan prediket "Cum Laude", tapi walaupun baitu inyo nomor duo. Sia nomor satu ?. ... Sia Sutan ...? Nomor Satu urang Yahudi. Aaa.. kan, dikecekkan pakak, oppss tunggu dulu. Sekian rencana matangnyo manguasai dunia ko sulik dibaco dek urang kini-kini ko. Tapi dek lah panjang pulo,... kaji ko kito sambuang barisuak... kito tulih baliak (Bersambung) Billaahil hidayah wat taufiq Wassalam St. Sinaro
-- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
