Ajo Suryadi di nagari Bulando nan ambo hormati,
Nan ambo baco-baco Islam masuak ranah minang ado dari banyak sisi. Mulai dari Piaman, Sijunjuang, Pasaman & Limo Puluah Koto. Tariqat Satariah salah satu nan awal masuak ka ranah minang nan ko. Kudian disusul tariqat Naqsabandiyah nan awalnyo bakambang di nagari Malalo oleh tuanku Limo Puluah (Inyiak Malalo) nan usianyo mancapai 200 tahun. Nan satahu ambo, indak ado nan malarang tradisi Bakaua di ranah minang, hanyo indak banyak nagari nan melakukannyo kini, sabab indak banyak pulo nagari-nagari di ranah minang nan ko nan limbago adat nagari/urang ampek jinihnyo lai bafungsi. Ambo dari nagari Kubang, nan paham Muhammadiyahnyo agak kuek, lai pernah pulo shalat di surau-surau satari di Piaman Laweh nan ko. Bahkan salah satu karekan ado pulo nan mangaji di surau satari & sato ka nagari-nagari membantu kegiatan LPM Marapalam. Perbedaan kaji dalam agamo Islam adolah hal nan biaso, dek karano itu ijan pulo kito manampek diri sebagai nan Maha Kuaso untuak menilai amal ibadah seseorang ataupun suatu kaum. Ijan pulo beko disabuik Bakaua urang Sumpur Kudus ko disabuik sasek sabab dilakukan di makam Syekh Ibrahim. Insya Allah, akan cubo kito dokumentasikan pulo peninggalan rajo Ibadat di nagari Sumpu nan ko, masih ado stempel, brankas maupun tombak sarato tungkek nan dipacik dek ahli waris. Urang nan bakarajo jo rajo Ibadat nan ko (keluarga) kini malakok ka suku Kampai & suku Piliang di dalam tatanan adat Kanagarian Sumpu Kudus, nan dsabuik dengan Niniak Nan Batigo, indak ado rajo ka ganti rajo dimano Dt Rajo Gagah sebagai Rajo Alam, Dt Rajo Mangkuto sebagai Rajo Adat & Datuak Rajo Lelo sebagai Rajo Ibadat. Dari penuturan Dt Paduko Malano nan marupokan salah satu Niniak Nan Sapuluah Kanagarian Sumpur Kudus, Niniak Nan Batigo ko limbagonyo dibuek sajak salasai parang Padri sabab Rajo Nan Tigo Selo indak memiliki keturunan untuk meneruskan tugasnyo. Pernah pulo pak Azwar Anas Dt Rajo Sulaiman & Sutan Taufik Thaib mancubo bakunjuang ka Nagari Sumpur Kudus untuak mandapek pengakuan sebagai Rajo Alam dari Niniak Nan Sapuluah, namun ditolak sacaro elok, sabab dari nan diwarihkan Limbago Adat Nagari di Sumpur Kudus nan ko,sajak salasai parang Padri, Limbago Adat Rajo Nan Tigo Selo warihnyo indak bajawek lai. Ambo kiro,bilo-bilo ajo Suryadi mudiak ka Sumbar,ado rancaknyo bacaliak pulo nagari nan ko. Sabab saroman nan diwarihkan oleh urang-urang tuo di minangkabau, banyak bajalan banyak pulo nan dicaliak. Kunjungi ranah minang, tanah pusako bundo kanduang. wasalam AZ/lk/34th/caniago ________________________________ Dari: Lies Suryadi <[email protected]> Kepada: "[email protected]" <[email protected]> Dikirim: Kamis, 12 Juli 2012 4:48 Judul: Bls: [R@ntau-Net] Website Nagari Sumpur Kudus : Tradisi Bakaua Kanagarian Sumpur Kudus Ondeh, Sanak Armen, taragak pulo awak maliek acara Bakaua ko. Tampak e kato 'Bakaua' ko dari kato 'Berkaul' mah. Tabayang2 dulu wakatu di kampuang maliek urang ratik tagak di surau. Irama jo goyang badang tuanku2 tu sabana sero malieknyo. Sudah tu balanjuik lo jo Baikayaik sarato Sarafal Anam. Iyo kayo rono Islam di negara kito ko. Tapi ado lo nan malarang tradisi Bakaua ko ko ndak? Bid'ah ko ndak karajo sarupo ko? Wassalam, Suryadi -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
