Assalaamu'alaikum. w.w. Dunsanak kasadonyo yang Insya Allah dimuliakan Allah swt. Mari kito sambuang baliak kaji kito. Kapatang sampai di siko, Kito baliak baliak... Jadi jalan nabi-nabi, jalan nan ditampuah dek para nabi tu kito ikuik. dari nabi Adam as. sampai nabi Muhammad saw. Tibo di awak nan kito ambiak adolah syari’at nabi Muhammad saw. Syari’at orang dulu-dulu indak dipakai lai. Tapi tauhid dari nabi Adam sampai nabi Muhammad sama sajo. Nah, Kalau iko lai taturuik-an dek awak mako awak ummaik nan berbahagia dek karano awak ummaik nan paliang dulu masuak sarugo baru ummat-umaat nan lain. Kalau lai masuak ...:) ....kok baitu Sutan ..?.. Sebab ummat Nabi Muhammad saw. diistimewakan dari ummat sabalunnyo. Itu makonyo Nabi saw. pernah manyabuik, “Tuubaa liman ra-ani wa-aamanabi”, “tsumma tuuba tsumma tuuba tsumma tuubaa liman aamanabi walam yaraani”. ... aa mukasuiknyo tu Sutan ..?.. Aratinyo, Berbahagialah orang-orang yang melihat aku dan beriman akan daku. Kemudian berbahagialah, berbahagialah, berbahagialah orang-orang yang beriman padaku tapi tidak melihat akan daku. Nabi saw. sabuik berbahagia itu sakali untuak urang-urang nan beriman ka baliau dan basuo jo beliau, tapi Nabi saw. manyabuik berbahagialah tu tigo kali untuak urang- urang nan indak pernah maliek beliau tapi beriman ka beliau. Dan awak memang ndak pernah maliek atau basuo jo Nabi. Masalahnyo kini, awak lai bariman ka Nabi tu ?. lai baturuik jalan Nabi tu ?. Itu masalahnyo. .... antahlah Sutan ... Dan Nabi saw. sampai menyebut, “Aku rindu kepada saudara ku” Kato sahabat, “Kami bukan saudaramu yaa rasulullah ?” Kato Nabi saw. “Kalian sahabatku” Kato sahabat “Lalu siapa saudaramu yaa rasulullah” Kato Nabi saw. “Orang yang beriman denganku tapi tak melihat akan daku”
Awak urang nan jauah dari zaman Nabi saw tapi Nabi saw. rindu ka awak. Sia urang-urang nan dirindui dek Nabi saw. tu ?. ... tantu urang nan ikuik jalan beliau tadi Sutan ... Iyo, Kalau lai ikuik beliau, nah, jalan iko nak awak mintak siang jo malam. ... tapi awak kan ndak sarupo jo Nabi-nabi tu do Sutan... ?. Iyo lah, ndak bisa disamokan, Nabi-nabi ibadahnyo tinggi, lai talok dek awak ma-ikuik-inyo ?. Tantu indak, tapi ndak dapek mambuek 100%, 30% pun jadilah. Nabi bangun tiok-tiok malam sumbahyang. Tagak, duduk, rukuak jo sujuik Nabi saw. samo panjangnyo. Kalau tagak 20 minik, rukuak 20 minik, sujuik 20 minik pulo. Sampai ‘Aisyah ra. mancubik kaki Nabi saw, Takuik-takuik kalau-kalau Nabi saw. lah wafat. Sadang sujuik tu ndak bangkik-bangkik. Bangkak kaki Nabi saw. karano itu . Katiko Nabi saw. baumua 60 tahun, lah uzur, sumbahyang saraka’at tagak saraka’at duduak. Awak ?, dapek jago sumbayang 2 kali saminggu pun jadilah. Ndak bisa ?... aaa sakali seminggu, ndak juo bisa ..aaa sabulan sekali, ndak juo bisa aaa .. satahun sekali, ndak bisa juo ?, …aaa…..ndak usahlah …malempem se lah he he.. ... antahlah Sutan kadang dek maleh ... Aaa iyoo, sabananyo awak bisa jago, tapi dek maleh. Kalau ado niaiak bisa sajo. Jadi dari segi ibadat sajo jauh tatingga awak dek Nabi. Itupun Nabi nan alah banyak beribadah itu masih mangatokan “Masih sedikit amalanku”. Iko nan aneh. Nabi alah dijamin masuak sarugo tu, banyak amalannyo, masih mangatokan amalannyo saketek. Awak nan alun jaleh masuk sarugo ko malah maraso lah banyak amalan, kan aneh. Dalam terjemahan buya Hamka Nabi saw. mangatokan ka Aisyah ra., katiko ditanya manga banyak-banyak bana amalan tu kan lah dijamin masuak sarugo, aa jawek Nabi saw. pulo. “Afala akuunu ‘abdan syakuura”, Apakah aku tidak mau menjadi seorang hamba yang pandai berterima kasih”. Iko jalan nan ka dituruik, lai takao dek awak ?. .... ndak takao do Sutan ... Jankan takah Nabi saw, takah para sahabat sajo alun tantu awak mampu lai. Sahabat yang mulia ada 4, Abu bakar meninggal umur 63 tahun, Umar meninggal umur 63 tahun, Usman meninggal umur 80 tahun, Ali meninggal umur 63 atau 64 tahun. Umur mereka 60-an saja. dan memang ummat Muhammad 60-an saja (baina sittin wa sab'iin). ... Tapi Sutan ado nan labiah 70 80 bagai ... Aaa, nan urang-urang nan sarupo itu harus basyukurlah diagiah umua panjang, berarti ado mukasuik Allah swt. ka inyo. Bak kecek Yusha Evans, mualaf nan baru masuak Islam, "God has purpose to him", Tuhan ado mukasuik ka inyo, nah kalau iko indak dipagunokan, iyo rugi gadang. Baiak,.... kito caliak pulo para sahabat, antah lai kataturuik antah indak dek awak. Salain nan disabuik 4 urang tadi, ado 6 lai nan dijamin masuak sarugo yakni “Thalhah bin Ubaidilah, Zubeir bin Awwam, Abu ubaidah bin al Jarrah, Abdurrahman bin ‘auf, Saad bin abi waqas, dan Said bin Zaid”. Sia sahabat-sahabat ko sabananyo ?. .... iyo Sutan, dan sia pulo Tabi'in....?. Sahabat adolah urang-urang nan iduik di zaman Nabi saw, basuo jo Nabi saw dan baiman ka Nabi saw. Sasudah itu Tabi’in, yakni urang-urang nan basuo jo sahabat. Ada pandapek nan mangatokan kasado shabat masuak sarugo. Nabi pernah bapasan, “Laa tasuubu ashaabii” “Jangan kalian menyumpah sahabatku, mencerca sahabatku”. Jan sampai awak maremeh-ramehkan sahabat, takah nan pernah dilakukan dek babarapo orang wanita Amerika, nan mangaku masuak Islam dan lah lamo pulo dalam Islam, sudah tu lah maraso pintar pulo, lalu memperjuangkan emansipasi wanita, mungkin mereka masuak kelompok nan dinamokan Islam moderat, mahino Abu Hurairah ra, nan meriwayatkan hadits. Jaan ikuik pulo awak meremeh-remehkan sahabat. Sebab kalau mereka basidakah sacupak gandum, tamar, lalu awak basidakah sagunuang ameh, ... aaa ndak samo, indak ka sagadang mereka pahalo awak. Dek karano para sahabat ko yo bana-bana ikhlas. Awak ? .. alun tantu lai. Alun manga-manga lai aaa. ..Tulih namo…tulih namo …… Kalau gadang sidakah… tulis namo. Kalau ketek…. Hamba Allah….. ... haha iyo takah itu Sutan ... Hmmm...barani mangaku hamba Allah, tapi panceke alahurabi ...?. Baa pulo ka manuruikkan para sahabat tu. Lai ka taturuikkan dek awak ?. Saidina Usman sembahyang 2 raka’at, 30 juzu’ Qur-an dibaconyo. Kayo saidina Usman ko ko, bisa tatiru ?. .... kok indak Sutan ?... Tatiru agak saketek pun jadilah Kalau indak,….aaa nan diurutan berikut nyo. Apo tadi ?, …. "Minan nabiiyyin, was siddiqiin, was syuhada was shalihiin." Kalau indak bisa nabi-nabi… Was shiddiqiiin. Jalan urang-urang nan Shiddiq, urang nan membenarkan Nabi saw. ... Siaa urang-urang nan Shiddiq ko Sutan ?, Nan jaleh nampak di muko mata adolah Abu Bakar as shiddiq, tapi dek lah panjang pulo, kito sambuang bisuak, kito tulih baliak (Bersambung) Bilaahil hidayah wat taufiq. Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
