Assalaamu'alaikum. w.w. Dunsanak kasadonyo yang Insya Allah dimuliakan Allah swt. Mari kito sambuang baliak kaji kito. Kapatang sampai di siko, ... Siaa urang-urang nan Shiddiq ko Sutan ... ?, Nan jaleh nampak di muko mata adolah Abu Bakar as shiddiq, Makasuik nampak dimuko mata ko, nan jaleh-jaleh awak tahu urang ko diagiah gala asshiddiq. .... Baa mangko dapek gala ash-shiddiq Abu Bakar ko Sutan ?. .... Dek karano baa pun keadaan Nabi saw. nan inyo tatap mambanakan Nabi, walaupun iman urang diuji bana katiko tu. Katiko tu Nabi saw. baru pulang dari perjalanan Isra’ dan Mi’raj. Urang-urang Qurasy nan mandapek bahan untuak mampaolok-olokkan Nabi saw. lah menunggu-nunggu Abu Bakar nan baru pulang dari badagang. Baitu basuo jo Abu Bakar a kecek mereka pulo. “Wahai Abu Bakar, Muhammad mengatakan tadi malam ia pergi ke Palestin, dan sudah kembali malam tadi juga” Urang-urang ko yakin Abu Bakar ndak picayo karano perjalanan ka Palestin paliang indak makan wakatu sabulan. “Siapa yang berkata”, tanyo Abu Bakar “Muhammad yang berkata” jawab Qurasy Aaa kecek Abu Bakar sasudah tu sanak ? .... aa keceknyo Sutan ...? “Kalau Muhammad yang berkata, lebih daripada itu saya percaya” Kan paniang orang Qurasy, mereka yakin dan arok Abu Bakar akan mendustakan kecek Nabi saw. Tapi ruponyo indak, picayo juo Abu Bakar ko, ndak paguno do, panek mereka manunggu-nunggu. Nan Abu Bakar mambanakan pernyataan Nabi saw., tu mangko diagiah gala as-shidiq, yang membenarkan. Tibo di awak, lah jaleh-jaleh tatulih dalam Qur-an,... eh ragu juo baru ... Qur-an mangecek kok mancilok, korupsi,... karek tanganyo ... eh, ba-ambiak hukum lain... bapinjaro, bilo lo ka jaran. Urang nan alun babuek, nio babuek pulo jadinyo dek karano urang pinjaro bisa di atur jo pitih. ... antahlah Sutan...
Nampak dek sanak kan ?. Iko kelebihan Abu Bakar as-shiddiq ra. Abu Bakar ra. mempercayai apopun kecek Nabi saw. Cubo dunsanak bayangkan, Isra’ Mi’raj, iyo bana iman nan ditanyo, urang dulu tu…, urang kini lah labiah mudah picayo dek karano lah ado pesawat ruang angkasa. Urang dulu…..?, ... iyo barek yo Sutan ... Itu sababnyo berkembang imajinasi bahaso Buraq nan mambaok Nabi saw. tu digambarkan sarupo kudo bakapalo manusia dan basayok, dek karano transportasi nan paliang capek katiko tu adolah kudo. Kalau zaman kuretapi dulu, tantu bisa pulo berkembang imajinasi sarupo kuretapi bakapalo manusia, takah filem kereta api anak-anak, kereta api “Thomas”. …..:) . Kalau zaman oto nan paliang capek, tentu Buraq tu dibayangkan pulo sarupo oto ber- perangai manusia takah “Knight Raider”…..:) Kalau zaman kini tantu bantuak pesawat ruang angkasa “Columbia” tapi bakapalo manusia, bantuak aa lah kiro-kiro tu ? ….:) Hanyo Nabi Muhammad saw. nan tahu baa sabananyo bantuak Buraq tu. Tapi dek Abu Bakar inyo picayo. Iko iman nan paten bana, ndak bisa diago-ago doh. Sahinggo Abu Bakar nan kayo rayo tu, abih haratonyo untuak Islam. Sampai katiko parang Tabuk, di-infak-kan kasado haratonyo dek Abu Bakar. Katiko ditanyo sahabat “Apa yang tinggal padamu wahai Abu Bakar” “Allahu war rasuuluhu”, Allah dan rasul, itulah nan tingga dinyo lai, nan lain lah habis. Aaa itu Abu Bakar as shiddiq. Lai talok dek awak ? ... ... Iyo barek tu Sutan, apo lai zaman kini ... Ndak talok takah itu, wasshidiqiiin ....aaa …..Was syuhadaa’…... sambuangannyo. Baa tadi bunyinyo tadi ?, .....minan nabiyyiin, was shiddiqiin, was syuhadaa', was shaalihiin. aa was syuhadaaa, ..urang-urang nan mati syahid…. Hidayah takah iko nan awak mintak, jalan takah iko nan awak tampuah. ...Baa syuhadaa’ ko Sutan .. Eh, iko payah juo ko, Bayangkan urang-urang pai parang nio mati. Parang fi sabilillah. Urang dulu barabuik-rabuik nio mati syahid, dek karano lah nampak balasan tu dek nyo. Rami barabuik-rabuik. Urang kini, rami juo nio pai parang, tapi pai parang nio iduik. ..hmm… banser-banser…tu…:). Kasadonyo manuntuik ilmu kebal, batayangan pulo di tv tu. Sadonyo nio iduik, ndak nio mati. .... tantu iyo nio iduik juonyo Sutan ... Hei hei yoo… pai parang nio iduik ndak usah pai parang. Kecek ahli falasafah, takuik mati tu ndak bisa mamanjangkan umua, berani mati itu ndak bisa mamendekkan umua. Khalid bin walid ra. pai parang ndak mati-mati, parang ndak pernah kalah. Eh, Bisa pulo nyo mati di rumah. ..ooo iyo Sutan ? ... Iyo. Suatu hari, parang, musuah banyak bana, 10.000 urang lawan 200.000 urang. Aa kecek Khalid, baiaklah, awak baliak baliak, istirahat dulu. Aa gunonyo dek nyo ?, untuak ma-atur strategi, baa jo laskar nan saketek bisa manang parang. Akhirnyo menang. Dari segi hukum perang, babaliak … salah. Lari dari medan perang … salah. Rambuik putiah, haram hukumnyo ma-itamkan kecuali tentara, gunonyo untuak menakuti musuh. Kalau putiah sadonyo beko musuah jadi berani. “Hmm... lah gaek-gaek ma” kecek mereka, mako buliah ma-itamkan rambut dalam keadaan parang. Dalam keadaan normal ndak buliah, walaupun nan hitam tu inai. Itu sababnyo mancabuik uban tu hukumnya makruh. Karano uban tu, “fainnahu nuurul mu’min”, Uban tu cahaya urang-urang beriman. Tapi nan mudo-mudo jaan mintak pulo capek ba-uban….:) ...ha ha Sutan ado-ado sen ... Eh, kan ado pulo urang mancabuik uban supayo nampak mudo. Nan mintak mudo sabalun mati ko jin sajo nyo. Tuhan mengabulkan. Sabalun mati jin bisa mudo baliak. Kalau ada pulo nan mintak mudo, aaa adiak beradiak jin lah tu….:) ...garah tu Sutan, tu baa Syuhaada ko lai Sutan ...? Awak baliak baliak,…. Was syuhadaa. Urang zaman Nabi pai parang memang nio mati sadonyo. Anak-anak di zaman nabi, kalau nio pai parang, ma-injek-injek kan tumiknyo supayo nampak lah gadang, karano dek Nabi saw. anak-anak ndak buliah pai parang. Ada pulo surang ayah, cacek kakinyo nio pai parang. Batangka jo anak “Ayah jangan pergi ayah, kaki ayah cacat” “Ndaak, saya pergi juga” “Jangan ayah,…kaki ayah cacat” “Ndaak, saya pergii” Batangka anak baranak, pai ma-adok Rasulullah saw. Aaa kecek Nabi saw, “Jangan pergi kaki engkau cacat” “Tidak yaa Rasulullah, aku pergi juga, walau kaki aku cacat, tangan aku tidak”. Pai juo nyo parang, mati nyo…. Itulah nan nyo kehendaki. Dek karano maliek balasan tu. Banyak carito Syuhada ko ko, tapi dek lah panjang pulo kito sambuang bisuak. Kito tulih baliak. (Bersambung) Billahil hidayah wat taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
