Assalaamu'alaikum. w.w. Dunsanak kasadonyo yang Insya Allah dimuliakan Allah swt. Mari kito sambuang baliak kaji kito. Kapatang sampai di siko, Banyak carito Syuhada ko ko, mari kito taruihkan. Sasudah tu ado pulo ketentuan dari Nabi saw. bahaso kalau ado duo orang laki-laki dalam rumah, ndak buliah pai ka duo-duonyo sekaligus. Sorang mesti tingga di rumah. Dalam sebuah rumah tu ado duo orang, anak jo ayah. Batangka sia nan ka pai, lalu di undi. Namo anak nan kalua. Apa kato ayahnyo. “Kamu jangan pergi, biar saya yang pergi”. “Ndak bisa ayah, nama saya yang keluar” “Saya tau, tapi kita tukar saja”. “Ndak bisa ayah nama saya yang keluar” “Iya saya tau, kamu jangan pergi, kita tukar saja” “Ndak bisa ayah, ini sorga ayah, yang lain-lain boleh bertolak angsur ayah, sorga ndak boleh bertolak angsur ayah” Nampak ndak dunsanak baa urang dulu ...?
.... Iyo Sutan , padahal pai parang tu.... Iyo, dek mancaliak balasan nan akan ditarimo kalau syahid. Kok tibo di awak….? “Ayah ka pai, aa pai lah”…….:) Hanzalah, …. Baru kawin. Subuah-subuah rami urang di lua. “Manga urang-urang ko ko”, katonyo..dalam hati. Tau-tau, urang pai parang. Langsuang nyo ikuik, tingga bini di rumah. Matinyo,… baru kawin… Itulah para syuhadaa’… Urang Islam datang ka nagari Cino pai parang, Apo kato rajo Cino pulo,… “Tuan-tuan pulang se lah, muko-muko takah iko ka parang, rancak pulang…” Kato orang Cino menakut-nakuti urang Islam. Apo jawab mereka, “Kami datang wahai Tuan, kami datang kamari untuak mati, bukan untuak iduik” Pucek muko rajo Cino tu dibueknyo. Sadonyo baniek mati. Itu para syuhadaa…, banyak caritonyo… Carito lain katiko penaklukan spanyol. Dunsanak liek Thariq bin Ziad tu. Jibraltar tu, namo selat dakek spanyol itu sabananyo Jabal Tariq. Urang-urang kulik putiah manuka namo tu. Takah Portugal tu, sabananyo Burtuqal tu. Burtuqal dalam bahasa arab maknanyo limau. Nagari itu ditanami limau di jalan-jalan kota nyo. Batang limau itu banyak, buahnyo bisa diambiak. Di awak ?, aa nan batanam ?. Mahoni di tangah kota, untuk aa ?. kalau adopun untuak ubek kato urang, jarang nan ma-ambiak. Kalau batang limau sakuliliang kota kan rancak pulo tu. Tapi itu urang. Lamo-lamo dituka manjadi Portugal. Iko nan ditaklukan oleh urang Islam dulu. Tariq bin Ziad mambaok kapa manyubarang ka Spanyol, sampai di Spanyol nyo baka kapa tu. Apa katonya sudah tu ?. “Tuan-tuan sekalian, sekarang musuh dihadapan, dan laut di belakang, tuan-tuan pergipun mati pulang pun mati, pilih lah”. Kapa lah ndak ado lai, tu baa ?. …. Parang. Dapek Spanyol tu dek mereka. Kini kalau kito ingek Spanyol itu sadiah awak dinyo dek karano daerah tu kembali dikuasai kristen. Sasudah urang-urang Islam wakatu tu mabuak dunia dan lalai dari agamo ko. Katiko takluk tu urang-urang kristen tu mangatokan "Orang-orang Islam boleh tinggal di spanyol". Tapi sabulan sudah tu diburu-burunyo urang Islam dan dibunuah. Pembantaian keji sampai habis, tapi ndak pernah dikaji urang iko sebagai terorist. Baru-baru ko baru urang Spanyol bagaduru masuak Islam baliak, dek jaso-jaso Ahmad Deedat, Zakir Naik dan lain-lainyo dan akibat keruntuhan WTC. Banyak caritonyo syuhadaa ko, Ado pulo ciek kisah urang arab. Urang arab maimbau urang cadiak ko jo “yagada’ “ Yagada’ ko istilah Mesir aratinyo urang cadiak. Gada’ sabananyo bukan pandai, gada’ dari jada-a (jin di Mesir dibaca gin) Maknanya potong iduang. Atau iduang dipotong. Kalau urang ndak paham nyo sangko potong iduang. Sejarahnyo takah iko, ado sorang lelaki pulang parang karano diagiah maso istirahat. Istirahatlah nyo sabulan duo bulan. Habis maso istirahatnyo, nyo ndak pai lai do, barek ati ka pai. Aa kecek bininyo “Bang ndak pergi perang lagi ? “ “ndak, meninggalkan adik ndak sanggup rasanya” “Kenapa ?” “Adik cantik benar mau ditinggalkan” Memang bininyo rancak, iduang mancuang, ndak sampai hati maninggakan. “Bang, dimana letak cantik saya bang ?” “Cantik kamu di hidung itu letaknya” Pai bininyo tu ka dalam biliak dipotongnyo iduangnyo. Aa lai, rompong iduang tu. Maliek iduang rompong, "…baik aku pergi perang …." Pai juo parang. Sampai kini diimbau urang yagada, isteri yang cerdik. Itu sejarahnyo. Co itu bana isteri menggalakkan suami pai parang Kok tibo di awak ? .. Jaan kan pai parang, pai ka surau sajo susah … “Ndak ka surau ?” “Baru kawin….” …..:) ... itu carito urang-urang nan mati syahid, was syuhaadaa ... Lai takao ..? . ... iyo barek tu Sutan ... Kok barek... aa tingga ciek lai ... wash shaalihiinn... Tapi dek lah panjang pulo, barisuak kito sambuang ... kito tulih baliak (Bersambung) Bilaahil hidayah wat taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
