Assalaamu'alaikum. w.w. Dunsanak kasadonyo yang Insya Allah dimuliakan Allah swt. Mari kito sambuang baliak kaji kito. Kapatang sampai di siko, Kok barek... aa tingga ciek lai ... wash shaalihiinn... payah rasanyo ka dapek ... aaa… was shaalihiiin….
Jadi, Minan nabiyyin, wasshidiqiin, was syuhadaa’…was shaalihiin.. Jadi urang shaleh pun jadilah. Urang-urang nan beramal, melakukan amal baik. amar ma’ruf, nahyi munkar. mempertahankan perjuangan Islam, ikolah urang-urang shaleh. Memang para syuhada adolah urang-urang nan berjuang mampataruahkan nyao nyo, mako orang shaleh, bajuang juo, walaupun indak baparang, tapi bajuang untuak tagaknyo sebuah negara yang mengikuti hukum Allah. Urang-urang nan babuek baiak yang berakhlak tinggi. “Innal ladzii na aamanu wa’amilus shaalihaati”. Beriman dan beramal, memperbaiki keadaan, banyak karajo untuak manjadi urang shaleh. Urang-urang nan mengikuti jalan para Nabi, shiddiqiin dan syuhadaa. Jalan takah iko nan kito mintak, jalan nan dibaok dek para Nabi dan diwariskan ka para ulama. Prinsipnyo, “ani’budullah, waj tanibut taghuut” Sembahlah Allah dan jauhilah taghuut. ... Sutan, apo taghuut ko sabananyo ?. Baiak, kito singguang saketek. Taghuut nan partamo bermakna berhala. Nan kaduo bermakna Iblis, nan katigo bermakna pemimpin-pemimpin nan indak ikuik Al-Qur’an dan Sunah, yakni nan indak ikuik hukum Allah. Dari dulu banyak taghuut model pemimpin ko. Fir’aun salah satunyo, pemimpin nan manyabuik dirinyo Tuhan. Inyo ndak manyuruah urang manyambah Allah do, tapi nyo suruah manyambah dirinyo. Apo kato Asiyah isteri Fir’aun, Wahai Fir’aun engkau bukan Tuhan aku, engkau suami aku. “Faqalaa ana rabbakumul a’la” Akulah Tuhanmu yang sangat tinggi. Barek penderitaan Asiyah jadi isteri, makonyo tapiliah manjadi salah surang perempuan mulia. Fir'aun memang ndak tau diri. Pernah suatu katiko dulu nabi Musa as. masih ketek, nyo jujuik jangguik Fir’aun. Katiko sadang duduak di kursi disipaknyo kaki kursi tu dek nabi Musa, jatuah taduduak Fir’aun. Dek karano nabi Musa masih ketek ka dipangakan. Tapi ndak tapikia dek nyo do bahaso makhluk takah inyo bukan Tuhan. Akhirnyo mati juo Fir’aun ko. Allah swt. manyabuik dalam Qur-an “Begitulah kami selamatkan bangkai Fir’aun, supaya menjadi pelajaran bagi orang- orang yang di belakang.” Sampai kini bangkai Fir’aun tu masih ado di Mesir, dimummy kan. “Fa’tabiru yaa ulil absaar, la’al lakum turhamuun” Handaklah kito ma-ambiak pengajaran, ma-ambiak I’tibar. Iko adolah gambaran dari taghud nan ado. Banyak gambaran tentang pemimpin-pemimpin nan tergolong taghuut ko, tapi supayo kaji ko jan mengalewa dulu, kito bahas nantik. Nan pasti, pemimpin-pemimpin nan tergoloong taghuut ko rancak dijauhi. Jan sampai marusak iman kito, supayo peringkat urang-urang yang beriman dan beramal shaleh itu dapek dek awak. Ikolah keterangan jalan-jalan nan awak nio, jalan para nabi, shidiqiin, syuhada’ dan shaalihiin. Iko jalan Islam, kalau indak aa jan mati dulu, bak kato dulu. ... Sutan, kareh bana gandang jaan mati ko mah .... Eh, iyo lah, kan taruih dibaco dek katik jumaik tu. “Yaa ayyuhalladzii na-amanut taqullaaha haqqa tuqatih, walaa tamuutunna illa wa-antum muslimuun.” (Ali Imran 102.) “Wahai orang-orang yang beriman, bertaqwalah kepada Allah dengan sebenar-benar taqwa, dan jangan kamu mati melainkan sebagai seorang Islam.” Iko adolah wasiat untuk seluruh ummat nabi Muhammad saw. Dalam Qur-an dicaritokan Allah swt. dalam suratul Baqarah ayat 132. katiko nabi Ibrahim as berada di ambang maut, ka maningga, ka wafat, beliau bawasiat “Wawasha bihaa Ibrahiim baniy wa ya’qub, yaa banii, innalaahastafa lakumuddiin, fala tamuutunna illa wa-antum muslimuun.” “Telah berwasiat nabi Ibrahim kepada cucu-cucunyo..”, katiko ka wafat diimbaunyo kasado anak cucunyo, baitu juo nabi Ya’qub, cucu nabi Ibrahim sendiri, katiko ka wafat membuat perkataan yang samo. Wasiat sebelum meninggal dunia. "Innalaahas tafa lakumuddiin", sesungguhnya Allah swt. telah memilih agama ini bagi kamu, "falaa tamuutunna illa wa-antum muslimuun". Maka janganlah kamu mati melainkan sebagai seorang Islam. Duo ayat, Ali Imran 102, Al-Baqarah 132. Samo-samo membicarakan pakaro nan samo. Itu sababnyo kito harus pastikan kematian kito ko sebagai seorang Islam. Dek karano urang Islam lah nan dijanjikan sarugo dek Allah swt., bukan Minang, bukan Jawa, bukan Indonesia, bukan Malaysia, bukan Amerika, bukan Arab, tetapi sia nan Islam, inyolah nan ka memasuki surga Allah swt. Sebagai dalilnyo surat Al-Baqarah ayat 111-112. 111. "Dan mereka (Yahudi dan Nasrani) berkata pula: Tidak sekali-kali akan masuk Syurga melainkan orang-orang yang berugama Yahudi atau Nasrani. Yang demikian itu hanyalah angan-angan mereka sahaja. Katakanlah (wahai Muhammad): Bawalah kemari keterangan- keterangan yang (membuktikan kebenaran) apa yang kamu katakan itu, jika betul kamu orang-orang yang benar. 112. (Apa yang kamu katakan itu tidaklah benar) bahkan sesiapa yang menyerahkan dirinya (Islam) kepada Allah (mematuhi perintahNya) sedang ia pula berusaha supaya baik amalannya, maka ia akan beroleh pahalanya di sisi Tuhannya dan tidaklah ada kebimbangan (dari berlakunya kejadian yang tidak baik) terhadap mereka, dan mereka pula tidak akan berdukacita. Dalam tafsir Professor Mahmud Yunus dijalehkan apo makna Islam. Islam memberi pengertian urang-urang nan tunduak dan patuah mengikuti perintah-perintah Allah. Yahudi mandakwa Nasrani mandakwa bahaso mereka sajo nan layak masuk sarugo Tuhan. Tuhan memberi jawaban yang tegas. “Bala man aslam wajhahu lillah”. Urang nan masuak sarugo tu iolah orang Islam, urang nan wajah mereka tunduak dan patuah ka Allah swt. Artinyo mereka tunduak dan patuah ka perintah-perintah Allah swt. Kalau Yahudi tunduak dan patuah, Nasarapun baitu, Minang pun baitu, Jawapun baitu , "masuklah ke dalam surga-Ku" kata Allah. Tapi kalau Arab indak tunduak, Yahudi indak tunduak, Minang indak tunduk, jan arok ka memasuki sarugo Allah swt. Nan ka masuak sarugo Allah swt. hanyolah urang-urang Islam yakni urang-urang yang tunduak dan patuah mengikuti perintah-perintah Allah. .... Sutan, baa awak bisa memastikan awak mati sebagai seorang Islam tu ... Baik, baa awak bisa memastikan awak mati sebagai seorang Islam?. ndak nio mati kapia. Mari kito bukak ciek-ciek tapi, dek lah panjang pulo .... kito sambuang barisuak ... Kito tulih baliak (Bersambung) Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
