Pak Saaf urang gaek ambo nan ado ditanah subaghang,
Indak rancak takah itu doh, sabab kito urang minang nan basako jo bapusako dek karano itu baadat balimbago. Itulah tatanan adat urang minang nan usalinyo. Kok si Kutar nan babuek, iyo indak ka di caliak bana oleh nan lain sabagai contoh. Nan pak Saaf mantun kan manjadi contoh di nan mudo-mudo, apo indak tasabuik di hati sabab nan tuo ko manjadi contoh di nan mudo-mudo. Tasabuik di kampuang ambo, urang pai marantau dek karano ingin berhasil. Hanyo sajo arati keberhasilan talalu sampik inyo mancaliak, sabab hanyo dari segi materi sajo nan tabaco. Sadangkan Rasullullah nan manjadi contoh bagi kito indak manyuruah mancari dunia wale nan ko, dek indak ado arartinyo dibandiang apo nan dibarikan Allah azza wajalla di akhirat kelak. Mangko dek itu lah abih longang kampuang dibueknyo. Dimaso otonomi daerah nan ko, akan samakin sarik paluang karajo bagi anak kamanakan nan ka marantau baharok karajo ka provinsi lain. Nan wiraswasta batambah padiah sajo dek ekonomi negara ko samakin manurun. Baa ka tagak ABS SBK mantun kalau masyarakatnyo sakik dalam perekonomian. Untuak hiduik wajar sajo bapendidikan jo kesehatan paralu perekonomian nan stabil. Baru nan limbago adat akan tagak basamo-samo alim ulama mamaga akhlak masyarakat. Ambo kiro pak Saaf tahu bana, babaliak ka sistem pemerintahan nagari mamaralukan peran serta seluruh elemen masyarakat. Dek kito basako jo bapusako, seluruh urang nan memiliki sako jo pusako di nagarinyo paralu turut serta sahinggo limbago adat nagarinyo bisa ka tagak baliak. Cubolah pak Saaf ranuang-ranuang kan surang, sabab cadiak pandai ko dalam kaidah budaya minangkabau sarato dalam agamo awak punyo tanggung jawab moral disinan, untuak manjaweh warih dari daulu, sahinggo bisa kito barikan pulo pado generasi salanjuiknyo. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: Dr Saafroedin Bahar <[email protected]> Kepada: Rantau Net Rantau Net <[email protected]> Dikirim: Sabtu, 28 Juli 2012 11:33 Judul: Re: Bls: [R@ntau-Net] OOT, sebuah visi tentang bung Ahok.- andi Bung Armen dan para sanak sapalanta . Bana sakali, ambo nan mandorong agar ABS SBK tu ditulihkan, dibahas basamo, dan disepakati. Sasudah disepakati bulan Desember 2010, bahan tu alah mulai dilewakan, dan nampaknyo lai ado manfaatnyo. Tarimo kasih ateh bantuan Bung Armen dalam penyelenggaraan KKM/SKM GM 2010. Tantu sajo ambo indak tahu banyak soal nagari niniak muyang ambo di Kampuang Dalam, Pariaman, karano ambo indak lahia dan indak gadang di sinan. Dek diarak parasaian, ambo malah labiah banyak mancari rasaki di tampek lain, sampai ambo tuo iko, kini baumua 75 tahun. Kok kini ka dimintak mulai mandalami masalah nagari niniak muyang ambo tu, rasonyo alah talambek. Agenda ambo kini adolah baa mauruik badan nan alah rangkik-rangkik iko. Ambo haragoi tinggi dedikasi bung Armen - nan sadang tagok-tagoknyo dalam umua 33 tahun - dalam mambangun nagari di Sumatera Barat, dan ambo doakan sumago sukses. Wassalam, SB. Saafroedin Bahar. Taqdir di tangan Allah swt, nasib di tangan kita. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
