Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Salanjuiknyo tatulih ”Maka apabila imam itu ‘adil, ya’ni berjalan ia dan menghukum ia akan rakyatnya dengan hukum yang disuruh oleh Allah dan rasul-Nya dan jauh ia daripada menurutkan hawa nafsunya dan syahwatnya”
Mukasuiknyo pemimpin nan disabuik ‘adil itu adolah pemimpin yang menghukum, melaksanakan kepemimpinannyo menurut hukum yang diperintahkan oleh Allah dan rasul-Nya, aratinyo hukum Islam, bukan hukum lain. ... aa kan ?, ndak picayo jo ambo ?. Aratinyo jo hukum-hukum tu indak saketekjuo inyo mengikuti hawa nafsu dan syahwatnyo, tetapi memberi pimpinan-pimpinan sasuai jo nan alah ditetapkan dek Allah swt. Kan jaleh tu dunsanak, ... Selagi pemimpin tu indak mamakai hukum Islam dalam mamarintah, salamo itu pulo inyo diukua indak 'adil. Tahu selah dunsanak apo kasudahannyo isuak di akhirat pemimpin nan indak 'adil ko. Nah itu kesimpulan dari paragraph nan ciek tu. Jan berang ka ambo. Iko bukan ambo nan mangecek, iko kitab Bahrul Mazi nan manjadi rujukan ulama- ulama gadang-gadang kito daulu, sabuik se lah sia. Kok ka ditafsirkan lain, silahkan sajo, tapi sia awak ?, lai ka talawan ulama-ulama muktabar daulu, urang-urang nan jaleh kafaqihannyo dalam agamo alun kok disabuik keshalehannyo, sahinggo urang- urang manyabuik mereka salafus shaleh. Baiak, mari kito lanjuikkan, ”Niscaya didapati segala yang dibawah pemerintahannya tu tenang dan sukacita serta makmur dan sesedap-sedap masa ialah saat imam yang ‘adil” Mukasuiknyo, kalau pemimpin tu ‘adil, melaksanakan hukum Allah, indak mengikuti hawa nafsunyo maka rakyat merasa nikmat, akan merasa tenteram, akan menikmati dalam pemerintahannyo tu keamanan. Dan wakatu tulah dirasokan bahaso kepemimpinan nan ‘adil tu dapek dinikmati basamo dek rakyat. Kalau awak ikuti sejarah lamo, katiko zaman Umar bin ‘abdul ‘Aziz. Baliau adolah pemimpin nan ‘adil sahinggo wakatu tu indak ado urang nan layak manarimo zakat. Bajalan surang urang ka mambaia zakat, “Tolong terima zakat saya”, dijawek dek urang lain tu “Maaf saya pun lah 4-5 hari mencari orang untuk menerima zakat” … eh inyopun sadang mancari urang nan amuah manarimo zakatnyo. Nampak dunsanak, iko disebabkan dek pemimpin mambagikan harato sacaro ‘adil. indak inyo ambiak kesempatan jo harta negara tu walaupun ‘Umar bin ‘Abdul ‘Aziz adolah urang mudo katiko tu, tapi saketekpun inyo indak barani ma-ambiak harato negara. Pernah tajadi suatu hari anaknyo nan baumua 4-5 tahun ma-ambiak buah tamar (buah kurma dek awak) saincek dan dimakannyo, maliek tu dirampehnyo dek Umar, dibukaknyo muluik anaknyo tu dan diambiaknyo baliak. Katiko ditanyo urang persoalan tu ka inyo, kecek baliau pulo "Rasa hendak pecah hatiku, tak sampai hati aku mengambil kembali buah tamar yang sudah dikulum oleh anakku tu, tapi ini hukum Allah ta’ala, aku takut nanti ditanya Allah di padang mahsyar. Hmm saincek tamarpun ndak barani do dunsanak, kalang kabuik bininyo pai ka kadai mambali buah tamar untuk diagiahkan ka anak nan baru baumua 4-5 tahun tu. Saincek tamarpun indak barani, tibo di awak… huh… ratusan miliar bahkan triliunan. Tenang-tenang saja Bah. Kito lanjuikkan mambaco ”Menjaga ia akan maslahat dunia dan agama daripada kebinasaan dunia dan akhirat, untuk disuruhnya dengan yang ma’ruf dan mencegah dari yang munkar” Pemimpin nan ‘adil akan manjago maslahat dunia, manjago agama, manjago rakyatnyo dari kebinasaan, dunia pun dijagonyo akhiratpun dijagonyo. Kemakmuran dijagonyo, Islam tu ndak manyuruah sumbayang sajo do, dunia juo dimakmurkan tapi jaan sampai malupokan akhirat. Akhiratpun dipedulikan, jaan sampai malupokan dunia. Banyak urang ma-anggap bilo disabuik Islam aaa sumbayang sajo, ndak paralu makan, rileks, makan roti sen. Eh, ndak bitu do. Kalau diliek sejarah, dunsanak ingek sejarah zaman kecemerlangan Islam ?. Di zaman kerajaan Bani Abasyiah, kemajuan lah banyak dicapai, teknologi berkembang, teropong bintang lah ado di zaman tu. Harun ar rasyiid menghadiahkan sebuah jam ka rajo Rum (Romawi), jam dibuat manganduang aia, gerakannyo jo aia. Katiko talatak di dalam suatu Dewan (balairung) Rum tu, bilo lonceng babunyi, lintang pukang urang Rum lari. “Hantu mana pula ni” kecek mereka. Co itu hebatnyo urang Islam katiko tu. Zaman pemerintahan al Makmun disebut zaman sains dan teknologi. Artinyo Islam katiko tu maju, pitih banyak dan makmur. Islam ndak manyuruah wirid-wirid sajo do. Kalau awak baco sejarah kapa tabang, nan partamo mambuek kapa tabang adolah urang Islam, ‘Abas namanyo, tetapi sejarah ko ditutuik dek barat. Namanyo ‘Abas al fannas. Artinyo Islam tu maju, tapi anggapan urang bilo Islam sajo,.. aaa carito soal dunia ndak bisa, Islam kan hanyo zuhud, qana'ah, tasawuf dan sebagainyo dunia ndak paralu. Ikolah anggapan-anggapan nan selalu salah taradok Islam. Pitih, cukuik penting tapi bukan nan utamo. Ka mambuek sanjato kan paralu pitih, untuak manggaji tentara kan paralu pitih. Nio ka Makah, mambuek musajik kan pakai pitih, untuak sumbayang sajo paralu pitih. Jaan anggap bilo Islam.. pitih ndak paralu… salah. Banyak urang salah menduga. Jadi duniapun dipedulikan, akhiratpun dipedulikan. ‘Amar ma’ruf, nahyil mungkar. Kito taruihkan mambaco,.... Tapi dek lah panjang pulo, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
