Assalaamu'alaikum. w.w. Dunsanak kasadonyo nan Insyaa Allah dimuliakan Allah swt. Mari kito sambuang baliak kaji kito. Kapatang sampai di siko,
Ka mambuek sanjato kan paralu pitih, untuak manggaji tentara kan paralu pitih. Nio ka Makah, mambuek musajik kan pakai pitih, untuak sumbayang sajo paralu pitih. Jaan anggap bilo Islam.. pitih ndak paralu… salah. Banyak urang salah menduga. Jadi duniapun dipedulikan, akhiratpun dipedulikan. ‘Amar ma’ruf, nahyil mungkar. Kito taruihkan ”Dan dirinya sendiri memimpin segala perkara itu, ya’ni dirinya mengerjakan yang disuruh Allah dan dirinya juga yang mencegah dari berbuat munkar.” Pemimpin nan adil akan menjalankan syari’at pado dirinyo dulu sabalun manyuruah urang lain. Inyo akan sumbayang, puaso, zakat, aurat ditutuik, dan sebagainyo, sudah tu baru nyo manyuruah urang lain mangarajokan hal nan samo. Kalau pemimpin manyuruah urang, dirinyo surang indak melakukannyo,.. kan payah. Memang ado jenis urang, inyo indak babuek, inyo indak manyuruah ado juo nan nyo suruah urang, sadang inyo ndak babuek. ado juo nan inyo babuek, tapi inyo ndak manyuruah ado juo nan inyo buek, dan inyo manyuruah urang. nan terakhir ikolah nan pemimpin nan 'adil. Sebab iko adolah tanggung jawab pemimpin ka rakyatnyo. Nan disuruah dan nan dilarang inyo patuah. Jaan mamimpin sasuko hati, dek karano isuak satiok pemimpin akan ditanyo taradok apo nan dipimpinnyo. “kullukum ra’in, wakullu ra’in mas-uulun ‘an ra’iyatihi”… Setiap kamu adalah pemimpin dan kelak setiap pemimpin akan ditanya apa yang ia pimpin…. Aaa… kan ditanyo. Kalau dibukak kitab Bey Arifin “Hidup sesudah mati”, nan bacarito mengenai hari akhirat, dikatokan bahaso pemimpin adolah urang nan partamo nan paling banyak ditanyo dek Allah swt. Bamacam-macam hal akan ditanyo. Jadi ndak murah-murah se jadi pemimpin tu doh, kok ka mangicuah urang se karajo, aa rasailah bisuak azab Allah swt. Azab di dunia labiah ringan daripado azab di akhirat dunsanak. Kok ndak tahan, aaa mati. Tapi azab akhirat isuak ndak ado mati lai do, indak kama ka lari do. Labiah padiah dari azab dunia ko. Kito taruihkan, ”Adapun dirinya menjauhi yang dilarang oleh Allah dan dirinya mencegah orang lain dari berbuat kemungkaran” Pemimpin nan ‘adil akan menjauhi apo nan dilarang dan mencegah urang lain dari babuek nan dilarang itu. ”Adapun jikalau dirinya tidak mengerjakan yang disuruh oleh Allah dan orang jua yang disuruhnya atau ia mengerjakan yang dilarang oleh Allah dan orang jua yang dilarangnya, maka yang demikian itu imam atau gantinya (wakilnya) yang membelot dan keluar ia dari yang bernama ‘adil” Makasuiknyo, inyo ndak babuek, disuruhnyo urang babuek atau inyo mambuek nan dilarang, urang lain dilarangnyo, iko sifat pemimpin nan indak ‘adil. Jadi awak harus tahu apo nan namanyo ‘adil itu. ‘Adil bagi urang awak ndak barek sabalah, iko definisi urang awak, ataupun ndak menyebelahi pihak manapun. Kalau awak bukak kamus bahasa Indonesia, arti ‘adil itu iolah ndak manyubalahi pihak mana pun, atau ‘adil itu adolah sama rata. Dalam Islam ndak sasuai jo arti nan takah itu tu doh. Makna ‘adil dalam Islam adolah malatakkan sesuatu pado tampeknyo. Artinyo, kalau ado urang mancilok , hukumnyo dipotong tangannyo… itu hukumnyo. Urang bazina.. di dera(cambuk, rotan) atau dirajam… itu hukumnyo… barulah ‘adil. Kalau urang mancilok itu dipanjaro…. Eh ndak ‘adil tu do. Tapi banyak urang menganggap lain. Dikatakannyo … kasihan lah urang nan mancilok tu….. iko persoalannyo… inyo ndak ibo jo urang nan kanai cilok tu, inyo malah ibo jo urang nan mancilok kan.. aneh. Manga lo inyo ibo jo urang nan mancilok ?, ndak ibo jo urang nan kanai cilok ?. Ciek lai awak harus bapikia, manga awak takuik jo hukum ‘hudud’ itu ?. awak mancilok ?. nan takuik urang nan mancilok la, nan ndak mancilok manga pulo takuik ?.... anehnyo banyak urang nan ndak setuju. Justru awak khawatir urang ko nan ka melakukan perbuatan itu, itu sabab inyo takuik. Kalau sempat korupsi sekian miliar ketahuan… aa… habis inyo. Tantu takuik inyo kanai karek tanganyo, iko nan awak khawatir, urang nan ndak setuju itu mungkin inyo akan bisa leluasa melakukan kesalahan tu. Cieklai dunsanak, bilo hukum Allah ta’ala bajalan, jaan dicaliak hukumnyo tu. Di sikolah latak kesalahan banyak urang. Jaan dipandang hukum karek tangan tu, jan dicaliak bareknyo hukum rajam itu,… tapi caliak-lah keamanan akibat hukum itu diberlakukan, takah data statistik Arab Saudi jo New York nan awak sabuik kapatang. Itu nan acok salah pandang, banyak urang salah, dek karano ndak pernah mangaji, ndak pernah mengikuti majlis ilmu, ndak pernah mengkaji. Urang nan mengkaji- pun banyak nan ndak paham. Nan mangaji dan mengkaji ndak paham, kunun pulo nan indak mangaji. Makonyo pai lah mangaji, urang nan mangaji satahun bab negara Islam alun juo paham seluruhnyo lai, alun ‘alim lai, kunun pulo urang nan indak mangaji. Urang kan aneh, nyo hanyo mandanga berita, nyo danga-danga berita, nyo baco koran lalu inyo bakomentar “hukum Allah ta’ala zhalim..” Eh... urang takah iko apo hukumnyo ko ?. Ingek,.. isuak ba-urusan di akhirat. Manga awak sumbayang, puaso, pai haji dan sagala macamnyo ?, dek karano apo ?. Dek karana nio sarugo lah. Kalau awak kecekkan hukum Allah ta’ala zhalim, ndak usah sumbayang lah, ndak usah puaso, ndak usah pai haji, mambuang ukatu. Guno ceramah ko untuk ma-ajak awak masuk sarugo, untuak mengetahui iko salah iko bana. Kalau salah batua-kanlah. Ditarangkan iko supayo ummat Islam di Indonesia ko jaan sekali-kali mancubo manulak hukum Allah ta’ala, menghujat hukum Allah ta’ala. Buang wakatu sumbayang, buang wakatu awak ber ‘aqidah. Rusak ‘aqidah dunsanak, jaan main-main. Tapi dek lah panjang pulo, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
