Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Baitu kehebatan ‘Umar bin Khattab. Memang beliau pemimpin nan ‘adil. Suatu hari, katiko peresmian kota Kaherah (Kairo) di Mesir, saidina ‘Umar pai jo khadamnya naik himar tapi sikua (baa mangko ndak duo ikua ndak dijalehkan). Naiak sakali baduo bisa patah pinggang binatang itu. Kecek ‘Umar "tidak apa-apa, kita bergiliran. Kalau engkau penat, engkau naik aku turun, kalau aku penat aku naik engkau turun". Lalu bajalanlah mereka, katiko sampai dakek kota Kaherah, giliran Umar ra. nan bajalan. Sampai di Kaherah, urang rami maliek “Mana yang khalifah ni, … tidak kenal,… tidak akan mungkin khalifah jalan kaki”. Begitulah ‘adilnya saidina ‘Umar.
Suatu hari anak ‘Umar lah babuek salah,…. bazina. Kecek ‘Umar “Hukum…” Dihukum dera, hukum Allah diberlakukan. Didera… sampai hampir habis, ..anaknya bakato “Ayah,.. beri saya segelas air ayah”. kecek ‘Umar “tidak,… sudah habis aku beri”. Didera baliak… tingga sakali lai “Ayah .. peluk saya ayah”, kecek Umar “tidak, nanti aku peluk”. Didera sekali itu nan kasaratuih, …Umar memeluk anaknya…. Meninggal dunia. Masuak surugo anaknyo,… . Memang inyo basalah, tapi hukum Allah diberlakukan. Allah ta’ala lah ma-hukumnyo,… habih dosonyo. Ado pulo kajian sains di Mesir, urang nan kanai aids itu bilo dirotan (didera), … hilang aidsnyo. Tapi urang nan lah kawin ndak cegak, ndak hilang, karano tu harus dirajam sampai mati. Baitu ‘adilnyo hukum Allah ta’ala. Tapi urang ndak paham, ndak mangarati,… iko nan payah. Dan labiah payah lai ndak amuah mangarati, ndak amuah baraja, dek kemoderenan dan kebebasan berpikir, harusnyo ka mereka ko disuruah baco "Quo vadis akal merdeka" tulisan buya Natsir dalam dalam buku "Kebudayan Islam dalam Perspektif Sejarah". Itulah gambaran ‘adilnyo saidina ‘Umar. Begitu hebatnyo. … carito saidina ‘Umar ko panjang. Kalau inyo naiak kudo, dipaciknyo talingonyo, diam kudo itu, ndak babunyi lai, takuik jo saidina ‘Umar. Sabalun beliau Islam, Nabi saw. bado’a “Yaa Allah, Islamkan salah satu diantara dua ‘Umar”. Ya’ni Umar bin Khattab dan ‘Amru bin Hisyam (Abu jahal). (‘Umar jo ‘Amru, samo-samo tigo huruf ‘ain mim raa, ditalingo dan tulisan awak ndak samo, tapi bagi urang Arab kaduonyo samo,.. samo-samo ‘Umr atau ‘amr). Umar bin khattab nan tapiliah. Sabalun Islam inyo adolah penentang paliang kuek. Suatu hari nyo bajalan mambaok pedang terhunus, basuo jo kawan “Kemana engkau wahai Umar”, “Aku mau mencari Muhammad”… “Alaaa engkau hendak mencari Muhammad, adik engkau masuk Islam sudah”. Umar taruih ka rumah adiaknyo, katiko tu adiaknyo sadang mambaco Al-Qur-an, ditampanyo…badarah… Sasudah itu agaknyo inyo manyasa, keceknyo pulo “Mana yang engkau baca tadi”, kecek adiaknyo “mandi dulu baru layak membaca al-Qur-an”. Umar patuah pai mandi, salasai mandi di bacanyo “Thaahaa….. maa anzalna ‘alaikal qur-aana litasqaa…..dst”. Sudah tu keceknyo, “alangkah indahnya al-qur-an”. bilo nyo sabuik takah itu, adik ipanyo kaluar…. tadi manyuruak. “Mana Muhammad ?” keceknyo. Umar ra. nan kareh mambaco surek Thaha manjadi lambuik. Awakpun kalau ka mambuek anak atau isteri manjadi lemah lembut sopan santun, baco surek thaha, ambuih tangah malam. Tapi kalau urang rumah lah tahu, nyo ambuihnyo pulo awak beko, lambiak pula awak dinyo ha ha. “Mana Muhammad ?”, keceknyo. Lalu ditunjuakkan tampek Nabi saw. di rumah Arqam bin al arqam, ‘Umarpun pai. Sampai di sinan Nabi saw. sadang ma-aja, para sahabat lari manyuruak dek ‘Umar lah tibo, takuik, ndak amuah mancari masalah. Tingga Nabi surang. Begitu hebatnyo ‘Umar, tapi Nabi saw. labiah hebat. Kecek Nabi saw “Inkunta khairan fataqaddam, wa inkunta syarran fantaziru” Nabi labiah hebat, ndak takuik dan gentar saketek juo. “Inkunta khairan fataqaddam” Kalau angkau kababuek baik, aa datanglah. “Wa inkunta syarran fantaziru” Kalau angkau ka babuek jahat, jaan masuak. Nabi labiah hebat…, ‘Umarpun masuak “Asyhadu alla ilaaha ilallaah, wa-asyhadu anna Muhammadar rasulullaah” para sahabatpun takbir “Allahu akbar” Makbul do’a Nabi. Begitu hebatnyo ‘Umar ko. Umar marupokan saurang pemimpin nan banyak mambuek pembangunan negara. karano zaman Abu Bakar ra. sibuk jo parang. Umar ra. nan mambuek pembaharuan. Uang pensiun awak itu dibuek Umar ra. katonyo, “adalah menjadi suatu kezhaliman kita mengambil tenaga mereka di waktu muda dan membiarkan mereka terlunta- lunta di masa tua”. Lalu diberikan pensiun. Diperintahnyo sekretarisnyo, “siapa saja rakyat yang ingin berjumpa silahkan masuk, jangan ditahan-tahan”. Di awak, kadang-kadang sekretaris pulo nan ngawur.. ndak buliah masuak. Bos ndak co itu sekretarisnyo nan labiah. Sampai kini urang Arab takah itu. Kalau rami nan datang, yoo masuak sadonyo. Kalau awak ?... baru jadi lurah… aa payah.. apolai camat… atau bupati dst. Baitu saidina ‘Umar menjadi pemimpin. Keceknyo “kita ini khadam kepada ummah” artinyo pelayan masyarakat lah. Suatu hari nyo sadang lalok-lalok istirahat di musajik, datang urang manjagokannyo. “… hei .. bangun-bangun..” ”kenapa ?” “..antarkan saya ke rumah khalifah” Umarpun bangkik bajalan, urang tu ndak kenal. Sampai ka rumahnyo kecek urang tu “Saya bukan mau ke rumah anda, saya mau jumpa khalifah” “..eh,.. sayalah khalifah”. Takajuik urang tu,.. nyo ndak kenal toke nyo. 'Umar memang ndak ado pengawal, ndak ado sekuriti, ndak ado gad (guard). Salain barani dan gagah, urang takuik jo inyo, inyo ‘adil. Urang kalau ka mambunuah, .. bunuahlah.., dima-dimapun bisa mati. Tapi urang kini takuik mati. Dulu katiko ambo ketek-ketek, katiko partamo kali Presiden Soeharto datang ka Padang, babarih lah kami manunggu di sapanjang jalan. Sakolah sangajo dihantian, pakai bendera merah putiah ciek sorang. Bapaluah-paluah bapaneh-paneh manunggu, dan kebetulan SD di Dama. Bajalan pulo ka simpang ujung gurun. Hampia duo jam menunggu, bapaneh-paneh bapaluah-paluah, nan ditunggu ruponyo lewat jo oto kancang, hampia indak nampak mukonyo. Nan hebatnyo lai, tentara hampia satiok sapuluah meter dari Tabiang sampai ka Gubernuran, jo senjata lengkap. Ndak hanyo di pinggir jalan, tapi sampai ka parak-parak di balakang rumah ado tentara.‘Umar ndak takah itu doh, kalau lah aja, ndak dapek dijago dek tentara bagai doh. Itu sababnyo Abu luk-luk dengan mudah manikamnyo katiko jadi imam shalat subuah dan nyo syahid. Kito taruihkan **”Dan pada suatu masa, terjadilah gempa bumi dalam negeri Madinah, seolah-olah mau runtuh gunung-gunung, maka ditampar oleh Amirul Mukminin ‘Umar bin Khattab akan bumi, maka katanya “Diam engkau hai bumi”. ‘Umar bin Khattab ada dalam ‘adil, dan berhentilah gempa itu”** Artinyo suatu hari tajadi gampo di Madinah,… ‘Umar tapuak bumi. Umar managakkan keadilan,.. baranti gampo tu. Di awak baa ?... bisa agak-ati ?. Ditapuak bumi… diam hai bumi… diam bumi tu. Kalau gampo baliak di Padang, Gubernur bisa buek takah itu ?... he he … bisa kalau ‘adil.. ndak bagarah tu do dunsanak, nan jano duah. Aaaa tapi dek lah panjang pulo, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
