Syukurlah Angku Armen. Sanang awak mandanga Ribo Lisun masih alun banyak ditabeh urang. MakNgah khawatir mancaliak pandangan arah kaBarat (ka Sumpu) dari Loge rimbo-rimbo saroman agak tarang. MakNgah lah panah marancah mancari ikan jauah ka hulu Batang Sami, 1959. Kecek Angku Harun Malik, alm, senior MakNgah asli Sumpu, kalau awak taruih awak sampai ka Rimbo Lisun, Rimbo Gadang nan dapek dijadikan satu kabupaten lawehnyo.
Badak nan MakNgah basuo dan caliak dahulu di rimbo arah ka suduik barat utara Koto Sumpu arah Silantai. Satu kenangan nan indak lupo mancaliak damainyo badak tu di rimbo lingkuangannyo. Mudah-mudahan indak habih dibunuahi urang pulo. Kalau Inyiak, banyak disekitar Kincia di Lubuak Pandakian tampek MakNgah mandok batapa. Mareka acok main-main sekitar gaduang kami disekitar polak gatah jo polak gambia. Jalan tapak kami dari Kincia ka Koto banyak jajaknyo tiok pagi. Syukurlah pulo masih ado tampek retreat bagi dunsanak awak Urang Talang Mamak nan Rimbop merekadi arah timur selatan Ria-jambi lah tandeh dibalak dilatehi urang. Kini lai pulo mangikuti pakambangan komunikasi baru baHP di tangah rimbo. Baru-baru ko lai lo tadanga di Koran, ado rombongan mereka nan pai manuka ka Pasa Solok. Tantang HP. Iko ado lo gambar salah seorang kanti awak, mungkin acok maakses Lapau awak sacaro anonim. Dek asyik pakai blackberry acok bana lupo manguduang ikua postiang nan sambuang basambuang bajelo-jelo ... :) http://s468.photobucket.com/albums/rr49/WandieAlhafiz/?action=view¤t=BaruakAng.jpg&newest=1 -- MakNgah Sjamsir Sjarif Rang Bunian Rinbo Sumpu --- In [email protected], Armen Zulkarnain <emeneschoobie@...> wrote: > > Inyiak Sunguik, > > Manuruik carito urang di Sumpu, badak ko masih ado di Lisun. Sampai kini > rimbo gadang ko masih utuh batang kayunyo. Masyarakat nagari hanyo mancari > ikan garian untuak disalam sarato mancari buruang di sinan. Dari pertemuan > KAN sabalun puaso kapatang, diperoleh informasi bahasonyo kini di Lisun ado 1 > keluarga suku anak dalam (urang kubu) nan bamukim di Lisun, nan sacaro rutin > turun ka Manganti untuak pai manuka. Kironyo, urang kubu kini alah bahape > pulo untuak mangontak dunsanaknyo nan baserak dek rimbo alah banyak nan habih > di provinsi Riau jo Jambi. > > wasalam > > AZ/lk/34th/caniago > Tanjuang Ipuah, VII Koto Talago, Mudiak Pikumbuah > > > asa nagari Kubang, 50 Koto > babako ka Canduang Koto Laweh, Agam > > > > ________________________________ > Dari: sjamsir_sjarif <hambociek@...> > Kepada: [email protected] > Dikirim: Jumat, 10 Agustus 2012 11:01 > Judul: [R@ntau-Net] Badak Sumatra > > Angku Armen, > > Samantaro di Sumpu, tolong danga-danga masih adokoh urang nan dapek mancaliak > Badak di Sumpu? Tahun 1959 Makngah pernah basuo Badak di Rimbo Sumpu. > Mudah-mudahan masih ado sehat-sehat anak cucunyo di sinan kini. > > http://www.suarapembaruan.com/nasional/setelah-26-tahun-badak-sumatra-berhasil-diabadikan/23346 > > Salam, > -- MakNgah > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
