Assalaamu'alaikum. w.w.

Dunsanak kasadonyo nan Insya Allah dimuliakan Allah swt.
Mari kito sambuang baliak kaji kito.
Kapatang sampai di siko,

“Maka patutkah engkau pula hendak memaksa manusia supaya menjadi orang-orang 
yang beriman ?”

Kito taruihkan jo Bismillaahir rahmaanir rahiim

…aaa.. tafsirannyo..

Tugas seorang rasul hanyalah manyampaikan perintah-perintah Allah….. itu sajo…
Mukasuiknyo baa ?... Mukasuiknyo disampaikan bahaso nan haram dikatokan haram,
nan wajib dikatokan wajib,… badoso dikatokan badoso…. Itu..sajo… 
dalam khotbah awakpun nan itu sajo… ndak perlu disabuik namo sia-sia..
Jadi tugas seorang rasul hanyo manyampaikan perintah-perintah Allah, tantang
ba-iman atau indaknyo manusia terserahlah ka kahendak Allah dek karano Allah 
juo 
lah nan ma-agiah hidayah dan pitunjuak manuruik undang-undang dan peraturan-Nyo.

Baitu dunsanak… awak harus ikuik caro nan Allah kehendaki baru dapek
 petunjuk…
Baa ?... diantaronyo iyolah melatih diri awak datang mandanga kuliah-kuliah 
agamo.
Dima pulo awak bisa dapek hidayah kalau ndak namuah mandanga.
Nio jadi elok ?

" wa may yuridilahu bihi khairun yufaqqihu fiddiin…. "
Hadits sahih hadits Muslim,

Barang siapa yang Allah kehendaki menjadi baik, Allah pahamkan ia dalam agama.

Nio jadi elok dunsanak harus paham agamo,… untuak paham agamo dunsanak mesti 
duduak dalam majlis-majlis ilmu (agamo).  Kalau awak duduak dalam majlis ilmu 
itu baru tabukak pintu hati…. Ooo rupanyo ko haram ko…. yang iko halal.. 
baru dapek hidayah…Baru dapek pitunjuak…
Ndak pernah duduak dalam majlis ilmu,… duduak di Coffe shop (kadai kopi) mintak 
teh talua … kongkow-kongkow, maota nan indak paralu kaniak ka nin..
baa lo ka dapek hidayah ?... sudah tu datang-datang ka surau mahantam ustad…
Makonyo datanglah dan danga majlis ilmu…. di musajik-musajik di
 surau-surau…
atau forum-forum Islam nan memang manyabuik namo Allah di dalamnyo.  

Kito taruihkan...
  Jadi tugas para rasul hanyo manyampaikan,… baitu juo sataruihnyo tugas para 
ulama ustad-ustad guru-guru. Masalah urang baiman atau ndak… adolah urusan 
Allah.
Awak ulang baliak… 
Abu thalib ko.. nan mambela nabi saw. dari ketek, tingga sarumah,  baa kok inyo 
mati 
kapia ?. ndak mungkinlah inyo ndak maliek nabi saw. dari ketek sampai dewasa 
sampai 
manjadi rasul, inyo nan mandukung Nabi saw. tanpa mamikiakan bahayo nan manimpo,
sampai musyrikin Makkah ndak barani manyentuh kamanakannyo. 
"Kalau mau mengganggu Muhammad langkahi mayat aku dulu…"
Urang ndak barani. Abu lahab, Abu Jahal pun ndak barani… 
Tapi sayang inyo mati kapia … dek aa ?.  apo kasalahannyo ?..
Ado kasalahannyo....
 Abu thalib ko ado duhud, sifat duhud ko maknanyo ndak amuah 
dilecehkan urang,.. karano banyak pengikut nabi saw. wakatu tu adolah urang 
susah. 
inyo urang terhormat ndak mungkin rasonyo inyo ikuik,… tapi inyo sayang ka 
Nabi saw.  Beliau basadiah hati karano pamannyo mati kapia.

“innaka laa tahdi man ahbabta walakinallah yaHdi may yasyaa’ waHuwa a’lam bil 
muhtadiin” 

al-Qasas surah 28 ayat 56, turun ayat itu untuk ma-hibur hati Nabi Muhammad 
saw. 
"Urusan Hidayah bukan urusan engkau tapi urusan Allah."

  Kasimpulonnyo, sia sajo berda’wah, al-Qur-an wajib disampaikan kasadonyo,
kasadonyo nan 6236 ayat itu wajib disampaikan ka manusia tamasuak nan bukan 
Islam. Awak takuik ditanyo isuak "kamu berda’wah hanya pada orang Islam, yang 
bukan Islam ?".
Cubo awak liek di Indonesia ko, ndak ado nan mancubo bada’wah ka urang nan 
bukan Islam. Kasadonyo takuik jo urusan toleransi agamo, isu sara, samantaro 
mereka enak-enak mangirim missionaris-missionaris ka rumah-rumah sampai awak
kelabakan, lalu jo caro kasa pulo jo caro manghamili perempuan-perempuan Islam.
Bahkan sampai hari ko kristenisasi masih tetap bajalan jo manjua Yanuardi 
“Koto” 
nan alah jadi penginjil. Awak ?... masih batahan, padahal nan mereka baok 
adolah 
pakaro bathil…. Awak jo nan haq lo nan takuik… batahan karano takuik, takuik 
ditangkok, atau patuah,… padohal nan dipatuhi bukan negara Islam, tapi negara 
taghut … akibatnyo lah banyak urang nan dimurtadkan, antah lah bara ribu urang 
awak ndak tahu. Itu nan nampak di mato, alun lai urang-urang nan sacaro indak 
sadar alah dimurtadkan.

... aa lo mukasuiknyo tu Sutan, urang-urang nan secaro indak sadar...?

Mukasuiknyo urang basangkutan ndak tahu kalau inyo sabananyo lah murtad dari 
Islam.
Tapi dek lah panjang pulo, barisuak kito sambuang dunsanak.. 
Kito tulih baliak.
(basambung)

Billahil hidayah watr taufiq

Wassalam

St. Sinaro

-- 
-- 
.
* Posting yg berasal dari Palanta RantauNet, dipublikasikan di tempat lain 
wajib mencantumkan sumber: ~dari Palanta R@ntauNet 
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
  1. E-mail besar dari 200KB;
  2. E-mail attachment, tawarkan di sini & kirim melalui jalur pribadi; 
  3. One Liner.
- Anggota WAJIB mematuhi peraturan serta mengirim biodata! Lihat di: 
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti 
subjeknya.
===========================================================
Berhenti, bergabung kembali, mengubah konfigurasi/setting keanggotaan di: 
http://groups.google.com/group/RantauNet/



Kirim email ke