Pak ZulTan, bilo kito mancaliak esensi dari ulang tahun ko, iyo indak ado dalam Islam & hal iko murni budaya dari lua nan alah banyak kito pakai tanpa kito sadari, saroman hari ulang tahun diri sendiri, dies natalis kampus, hari jadi kota Padang dan sataruihnyo - dan sataruihnyo.
Pabilo ditelaah labiah lanjuik, almanak nan kito pakai untuak acuan mambuek hari jadi ko adolah almanak non muslim pulo, nan takadang kito indak juo hapa hari bilo kito lahia dalam almanak hijriah. Hal nan ko alah manjadi kebiasaan kito sebagai muslim di negara berpenduduk muslim terbesar di dunia wale ko antah sajak bilo lai. Batanyo ambo ciek, apo nan alah cubo apak lakukan untuak mahantikan kebiasaan manggunokan almanak masehi ko? Sabab nan ambo tahu almanak ko tadiri dari angko 1 hinggo 31 & dari angko 1 hinggo 12 nan di dalam perhitungan almanak hijriyah jumlah hari dalam sabulan hanyo 30 hari sajo. Mungkin ado pandapek & sarato tindakan nan alah apak lakukan dek sabab apak lai kodok baurusan jo angko-angko sahinggo bisa pulo disharing di palanta ko sahinggo bisa mulai kito ansua-ansua pamakaian almanak masehi ko. Kok di ambo hanyo mancaliak hari dari bulan sajo, itupun dek karano kabiasaan bakarajo di kapa salamo 2 tahun batahun-tahun nan lalu. Dek karano indak pernah jadi pagawai, kadang indak lo jaleh nan hari tu hari apo namonyo satiok ambo jago dari lalok , hanyo kutiko mancaliak ponsel jo komputer sajo baru jaleh kini ko hari apo, itupun almanak nan ado diperangkat adolah almanak masehi. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: ZulTan <[email protected]> Kepada: "[email protected]" <[email protected]> Dikirim: Kamis, 16 Agustus 2012 22:11 Judul: Re: Bls: [R@ntau-Net] Selamat Ulang tahun (juga kepada Hanifah) Diak Armen NAH, Hm..., mungkin (?) iyo juo sinyalemen Armen baso ultah ko labiah cocok untuak nan mudo-mudo. Mangko dek itu, timbua pertanyaan di ambo "apo masih paralu mangucapkan selamat ultah untuak urang nan tabilang indak mudo lai?" Ambo takana bana kecek Sutan Sinaro, "Saat kamatian nan paralu dikana...," kecek baliau. Antah hadits antah Quran lah ko nan dikutip dek Sutan. Ciek lai nan mambuek ambo panasaran, sapangamatan ambo baa urang-urang nan ambo nilai pamahan agamonyo labiah dari urang kabanyakan tarutamo ambo, indak panah (maaf kalau salah) sato maagiah ucapan selamat ultah. Co Mak Lembang, Sutan Sinaro, dan Ahmad Ridha. Tamasuak Boeya Mas'oed sendiri nan bahkan ndak panah mambaleh ucapan selamat ultah nan disampaikan ka bakeh diri baliau. Baa ko lah... Banyak maaf jikok ambo sasek. Salam, ZulTan, L, Bogor Action cures fear. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
