Mak Ngah,
Onde mande... malu pulo awak jadinyo dek mambaco pangalaman mak Ngah iko mah.
Alun samiang pun kito tahu dunia KA iko dibandiang pangalaman Mak Ngah iko...
Bak kecek urang di Jawa iko, aji mumpung, baa nyo kalau kito 'dakwa' sekalian
Mak Ngah sbg Penasihat Luar Biasa MPKAS...? Setidaknya kito bisa konsultasi dan
minta saran2 ttg dunia KA khususnya utk di Sumbar.
Baa mangko ngotot bana urang ka mambangun jalur KA iko Mak Ngah...? Kan
biayanyo maha tu...? Apo carito nan sabananyo dibaliek itu...? Rasonyo tantu
indak sekedar nostalgia sajo...? Ado juo nan mangecekkan bahwa jaan sampai
talambek membangun jalur KA utk mendorong perekonomian. Pd hal utk membangun
sajo, biayanyo maha...? Baa caro mendorong perekonomian...? Baa
hitung-hitungannyo tuh..?
Mohon pencerahan dari Mak Ngah yg sudah kuliliang dunie mancubo kureta api...
Soalnyo kito2 cuman modal dengkul dan semangat sajo nyo... Tarimo kasih.
Wassalam,
Nofrins
hambociek <[EMAIL PROTECTED]> wrote:
Maa Rang Lapau nan Basamo,
Soal koretapi ko, bagi ambo iyo agak emosional. Nan mambawo ambo
baliak ka Lapau ko tigo minggu nan lalu wakatu komentar ambo ka angku
Mantari Sutan tantangan sadiahnyo ambo ditimbuninyo jalan koretapi,
diporowaikkan ka Lapau.
Sudah tu, postiang Rangkayo Nismah tantangan perjalanan Group SGA
Payokumbuah angkatan kami salasai wisuda 1955 dari Payokumbuah ka
Biaro, 30 urang gadih-gadih rancak jo bujang-bujang elok budi, calon-
calon Guru umua 19 tahunan, nostalgia nan indak dapek baliau lupokan
mangunjuangi rumah amak ambo di Biaro dan rumah kawan kami di Pasia
malalui sawah-sawah sapanjang duo kilo di udara sejuk. Sadonyo maimbau
kenangan ambo ka maso lalu. Kunjungan group tu marupokan kenangan bagi
urang kampuang kami nan alun panah mancaliak anak-anak mudo sabanyak
tu segeh-segeh malalui pimatang sawah babarih-barih elok. Urang
kampuang impressed, manjadi carito kenangan lamo lamo sasudah tu.
Ambo kenal jo koretapi sajak umua ketek masih Bulando lai, mungkin
sajak umua 2 tahun, 1937, acok dibawo ayah ka pasa dari Biaro ka
Bukittinggi pulang baliak. Karano rumah amak hanyo sakilo jarak
pancaliakan dari jalan koretapi, pemandangan tu marupokan bagian alam
ambo sajak ketek. Umua 8 tahun ambo dibawo ayah jo amak jo adiak naiak
koretapi ka Padang, malalui Lambah Anai, sudah tu malalui batang-
batang badaun rumbio kiri kanan lah talampau Sicincin; taraso
parubahan udaro Bukittinggi jo Padang, suatu kenangan tamasya indah
nan indak panah ambo lupokan.
Lah gadang, ambo lah panah naiak koretapi ka Sawah Lunto, ka Aceh tu,
ka Banduang, ka Purwokerto. Di Eropah dalam pajalanan 3 bulan, ambo
naiak koretapi balangganan Eurail salamo 2 bulan turun naiak
salamaknyo dari Scandinavia sampai ka Switzerland ka Madrid ka
Granada, Cordova, Sevilla di Andalusia, Spanyol. Di Malaysia kanyang
pulo ambo naiak koretapi kuliliang. Ampek tahun nan lalu ambo
mangumbara lo di Myanmar (Birma) naiak koretapi dari Yangoon ka
Mandalay (26 jam) sudah tu dari Mandalay ka Mytkinya di ujuang jalan
koretapi paliang utara lah dakek ka nagari Cino, di Myanmar (29 jam).
Itulah kenangan pancandu koretapi ko, indak sudah-sudahno.
Baliak ka Amerika, kanyang pulo ambo jo Koretapi nan dimodernisasi
manjadi AMTRAK. Trip dari San Jose, CAlifornia sampai ka Seattle,
Washington panuah jo pamandangan nan saliang mangatokan indahnyo,
dapek dicaliah dari dek koretapi nan pakai restoran pulo, sahari
samalam pajalanan. Baitu juo di Kanada jo Meksiko. Sadangkan dakek di
tampek tingga kini di Bay Area, sistem koretapi dipermodern lai dengan
sistem "bullet" koretapi capek San Jose - San Francisco. Baitu urang
gigiahno maintensifkan sistem koretapi ko. Sahinggo kalau ambo ka San
Fransisco, acok ambo naiak koretapi, labiah murah dan aman daripado
manyetir, karano diateh koretapi ambo dapek mambaco, manyiapkan karajo
sabalun ka Sidang Pengadilan, atau mangirim SMS jo HP bolak baliak ka
Indonesia atau kama sajo.
Sakitulah dulu sakadar kenangan pancandu bakoretapi. Mudah-mudahan
impian Rang Lapau untuak baliakno Koretapi ka Kampuang awak, labiaha
moderen dari nan sudah-sudah, dapek manjelma di hari nanti ...
Salah satu pantun Rang Dagang nan bairiangan jo bunyi Koretapi ko acok
takana di Rantau Urang:
Marakiak Koreta Padang,
Manyauik Koreta Solok.
Marakiak Dagang nak pulang,
Baju lah barek dek panumbok.
Salam,
--MakNgah
--Sjamsir Sjarif
--- In [EMAIL PROTECTED], Yulnofrins Napilus
wrote:
>
> Satu lagi tambahan, sekedar penghangat suasana diskusi saja...
Semoga Tsunami tidak akan pernah melanda di Sumbar, tetapi KA juga
bisa hidup lg... Utk scope kita MPKAS/MAPPAS, cukup KA Wisata saja
dulu.
>
> Salam,
> Nofrins
>
---------------------------------
Looking for last minute shopping deals? Find them fast with Yahoo! Search.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Mematuhi Peraturan Palanta RantauNet, lihat di
http://groups.google.com/group/RantauNet/web/peraturan-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Peraturan yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---
