Assalaamu'alaikum wa rahmatullaahi wa barakaatuhu Pangalaman ketek ambo mauruih ZIS di musajik ketek di Jatibening..
Sajak ambo tingga di sabuah komplek perumahan tahun 1994, ambo sato aktif di musajik. Di bulan Ramadhan, panguruih musajik salalu manarimo untuak manyalurkan baliak ZIS ka nan barhak. Mulo-mulono bana, porsi nan agak gadang tu adolah zakat fitrah jo fidiyah, baiak dalam bantuak bareh atau pitih. Panitia ZIS musajik mambagikanno ka para mustahik nan tingga di parumahan panduduak di lua komplek. Sampai sakitar tahun 2000, biaso datang patugas dari Kelurahan mamintak bagian ZIS biasono jo mambao kupon-kupon dalam babarapo kabek (gepok), nan saandaino dipanuhi, mako kasadoan ZIS nan kami kumpuaantu indak sadang untuak Kalurahan do. Jadi kami ambia sajo babarapo halai, lalu kami agiahan pitih sabanyak nominal babarapo kupon nan kami tahan. Lai indak ado masalah lo jo Kalurahan do. Wakatu itu, kami punyo remaja musajik sabagai ujuang tombak untuak mambagi-bagiaan zakat tadi tu. Kami suruah mareka mandata, sia-sia sajo nan kiro-kiro patuik manarimo ZIS di kampuang di lua komplek. Di akhir tahun 1990an tu ado arahan dari Kecamatan untuak manyalurkan zakat ka BAZIS nan disampaikan ka masyarakat malalui DKM-DKM musajik. Babarapo kali kami panguruih musajik rapek untuak mambahas baa bana mustino pangalolaan ZIS ko. Katiko itu kami mamintak supayo BAZIS manunjuak-an talabiah dahulu kama dan baa badan ko ka manyalurkan zakat. Kami sampaikan pulo nan bahaso kami alah mambagikan langsuang kapado nan berhak. Faktano, gebrakan BAZIS ko hilang surang sajo. Kami tatap juo mambagi-bagiakan zakat nan kami kumpuan langsuang ka masyarakat di lua komplek. Panah pulo tajadi, antah dek remaja musajik kami lah jadi pamaleh, kupon ZIS dari musajik (kami salalu mamakai kupon), ditompangan sajo ka katua RT. Kudian kami tau, nan bahaso dek katua RT kupon ko dibagikan ka urang-urang tatantu sajo, karik karabaikno sarato sanak sudaro dakekno sajo. Padohal nan tingga di kampuang tu labiah banyak pandatang nan bakarajo sabagai tukang, tukang ojek, tukang sol sipatu, tukang becak, urang manggaleh bakso, pambantu rumah tangga dsb. Sajak sakitar 6 tahun tarakhir, kami bana lai, nan tuo-tuo, nan baumua di ateh 60 tahun nan pai mambagian kupon. Rato-rato, dari taun ka taun ado saribu kupon nan kami bagi. Kupon tu biko ditukaan jo amplop barisi pitih di musajik kami, di hari tarakhir puaso. Sarupo itu kami karajoan tiok tahun. Ado pulo usua dari jamaah supayo sabagaian dari dana ZIS tu dipakai untuak mambantu padagang sayua/bakso/asongan, untuak mamodali mareka dan pitih tu nantik dibayia sacaro maansua tanpa bungo. Jadi indak untuak sakali tarimo sudah itu abih sajo dek mustahikno. Sabab ciek amplop barisi paliang sakitar 50,000 rupiah, dibalanjoan sakali pai babalanjo habih. Sasudah kami rundiangkan bana, dek di antaro dana tu ado nan barupo infaq jo sadakah, mako kami cubo mangarajoan sarupo itu. Mulo-mulo lai bajalan agak lumayan. Salang 500,000 di ansua mambayiano sapuluah sampai duo puluah bulan. Tapi kudian-kudian alah banyak sajo nan mahilang. Panah sakali katiko ado urang buto nan tingga agak bajarak saketek datang manyalang pitih sarupo itu. Katiko kami kecek-an pasyaratanno, musti dibayia baliak sacaro ansuran, nan jano iyolah pak, pasti ambo bayia. Tapi tanyato indak panah no datang-datang sudah itu lai. Sajak tigo tahun tarakhir, kami ambiak sabagian dari ZIS nan takumpua tu untuak beasiswa anak-anak nan indak mampu, nan tingga di dakek komplek, nan basikola di SD/SMP. Tadi ambo sabuik bahaso mulo-mulo dulu nan banyak takumpua adolah zakat fitrah jo fidiyah. Taun-taun kabalakang ko samakin banyak pulo nan manitipkan zakat maal ka amil zakat musajik. Jadi sampai kini alun ado kami manyalurkan zakat nan takumpua baiak ka LAZIS, atau daulu BAZIS. Bahkan patugas kalurahan nan mambao kupon alah lamo sangaik indak datang lai ka musajik kami. Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: Mochtar Naim <mochtarn...@yahoo.com> To: "rantaunet@googlegroups.com" <rantaunet@googlegroups.com>; Ambiar Lani <rang_k...@yahoo.com>; Farhan Muin <farhanm...@ymail.com>; "su...@yahoogroups.com" <su...@yahoogroups.com>; Dr.Saafroedin BAHAR <saaf10...@yahoo.com>; M. C. Baridjambek <bess...@rad.net.id>; basri mangun <basri_man...@yahoo.com>; "ba...@yahoogroups.com" <ba...@yahoogroups.com> Cc: MOCHTAR NAIM <mochtarn...@yahoo.com> Sent: Thursday, September 6, 2012 12:03 PM Subject: Re: JWB MN: Re: Bls: [R@ntau-Net] MOCHTAR NAIM: "KRITERIA KAYA/MISKIN DALAM MENGHAPUS KEMISKINAN MATERIAL DI BUMI MINANGKABAU" Sdr Ambiar Lani, dkk Semua yang Anda kemukakan itu benar adanya. Dengan program pengangkatan kemiskinan di tengah-tengah masyarakat kita di tingkat akar rumput di Jorong dan Nagari yang selama ini terbiasa berfikir konsumtif daripada produktif dalam hal pemberian ZIS itu, sendirinya ada sesuatu yang baru yang harus kita robah, yaitu kebiasaan berfikir untuk tujuan konsumtif menjadi bertujuan produktif. Namun pada dasarnya tidak ada yang salah jika yang selama ini kita berfikir konsumtif, sekarang, di samping itu, juga produktif. Apalagi kita punya contoh sejarah yang sangat tepat sekali: Khalifah Umar bin Abdul Aziz dari Bani Umayyah yang berhasil mengangkatkan kemiskinan hanya dalam waktu 3 atau 4 tahun saja. Apalagi yang kita kumpulkan ini bukan hanya Z saja tapi ZIS dan semua macam potential resources yang ada, dari manapun datangnya. Makanya usaha LAZIS ini perlu didukung .oleh semua unsur dan institusi masyarakat, termasuk sendirinya pemerintahan dari provinsi ke kabupaten/kota dst ke bawah. Makanya LAZIS adalah bahagian yang integral dari administrasi pemerintahan Nagari dan Jorong di seluruh Sumbar. Yang perlu kita lakukan sekarang ini adalah mengetok pintu dan pintu hati Gubernur dan Wakil Gubernur serta Bupati dan Wako seluruh Sumbar dan pimpinan DPRDnya agar program pengentasan kemiskinan melalui program pemberdayaan ZIS dan LAZIS ini menjadi program kita bersama di Sumbar. Dan kita pertaruhkan nama baik kita sebagai bersuku dan berbangsa di sini dalam kita mengimplementasikan ajaran agama dan adat kita yang luhur itu. Bagaimana pendapat Anda dkk semua. MN 6Sep12 -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
