[R@ntau-Net] Re: Sia nan paling berkepentingan jo ABSSBK

[Dr.Saafroedin BAHAR]

Waalaikumsalam w.w. Nanda Wita Abidin, Indak ado nan paralu ambo komentari tantang posting Nanda nan di bawah ko. Ambo satuju panuah. Memang nan saroman Nanda tulih tu keaadannyo. Nan jadi tantangan nan dihadoki kini dek para pakar adat, pakar agamo, dan pakar hukum  adolah: baa manulihkan pokok-pokok kombinasi ajaran Islam nan disatukan jo  'Urf sahih ' Minangkabau nan sasuai jo ajaran Islam tu untuak dipakai dek kito urang Minang nan awam adat dan awam Islam dalam kehidupan kito sahari-hari, dan bisa pulo dipakai dek saluruah hakim pengadilan negeri jo pengadilan adat. Rasonyo kalau Kompilasi Hukum ABS SBK ko alah salasai, alah labiah jaleh ma nan atah ma nan bareh, sahinggo kito indak paralu batangka sarupo salamo ko.Manuruik pancaliakan ambo, urang awak nan awam adat dan awam agamo ko marupokan sabagian gadang urang awak. Mandalami adat dan mandalami agamo kan paralu sacaro sungguah-sungguah dan rasonyo akan makan wakatu panjang. Indak sadonyo urang awak bisa manyadiokan wakatu jo tanago untuak itu. Apolagi kalau kito alah mamiliah profesi di bidang lain.  Ambo tamasuak kalompok ko. Kito basyukur momennyo kini adalah timbo. Dalam rangkaian wacana baminang-minang alah timbua samacam konsensus bahaso 'Kompilasi Hukum ABS SBK' memang paralu; Sairiang jo itu babarapo pakar di Fakultas Hukum dan Fakultas Sastra Universitas Andalas alah siap turun tangan marumuskan, didukuang panuah dek pak Rektor. Pak Gubernur, pak Ketua DPRD Provinsi, dan Sekdaprov Sumbar satuju dan mandukuang. A juo lai nan kito tunggu ? Sasuai jo pepatah kito, karajo elok ko rancak dipapagehkan, sabab kalau liwat momentum ko, misalnyo kalau baganti pejabat, dan kalau pejabat baru nanti tu indak baminat ka masalah ko, tapaso pulo masyarakat Minangkabau mananti timbuanyo momentum baru. Samantaro tu nan mudo tacangang-cangang sajo jo 'claim' bahaso ABS SBK adolah 'jati diri Minangkabau'. A nan dapek kito buek sabagai urang awam ? Saran ambo: mulailah mambuek daftar apo nan paralu diatur dalam Kompilasi Hukum ABS SBK tu, ba baa rumusannnyo nan lugas dan  sacaro hukum nan bisa kito tagakkan basamo. Apo tujuan disusunnyo Kompilasi Hukum ABS SBK ko ? Supayo Ranah Minangkabau bisa dikambangkan  manjadi nagari nan bebas dari silang sengketo soal sako dan pusako, panduduaknyo saiyo sakato, mampu bakarajo samo mambangun maso datang nan aman, sejahtera, lahir bathin. Indak lai ragu bakapanjangan. Wassalam, Saafroedin Bahar --- On Wed, 2/6/08, Wita Abdin <[EMAIL PROTECTED]> wrote: From: Wita Abdin <[EMAIL PROTECTED]> Subject: [EMAIL PROTECTED] Re: Sia nan paling berkepentingan jo ABSSBK To: RantauNet@googlegroups.com Date: Wednesday, February 6, 2008, 1:35 PM Assalaamu'alaikum wa rahmatullahi wa Barakaatuhu, Yth, bapak Syaf, Bundo hayatun dan sanak sadonyo dipalantako, ambo sato sakaki ciek. Manganai ABSSBK, sajak salasai SD, ambo baru mandanga ABSSBK ko, tapi indak mangarati apo tu ABSSBK, karano ambo tahu mayoritas urang awak adolah baagamo Islam,  tapi masih ado beberapa kebiasaan dikampuang nan dikarajokan banyak urang, nan indak ado dalilnyo di al-Qur'an ataupun hadith Nabi, contohnyo acara 7 hari sasudah maningga tu, sasudah tu kalau ado nan sakik masuak setan katonyo, dicarikanlah dukun, nan sidukun untuak panyambuhan tu harus pakai ayam hitam sagalo, ado pulo kalau manaiak rumah baru, harus pakai karambia diateh atok rumah, dlsbgnyo.  Sasudah ambo baco-baco buku ttg fikih dlsnyo sarato jo Ayat, hadiith nan manyaratoinyo, tanyato ndak ado dalilnyo acara2 tu dalam al-Qur'an maupun Hadiith. Oleh sebab itu sia kolah nan batangguang jawab dalam hal ko, untuak mampaluruih aktifitas nan manyerempet dari ajaran Islam na alah mandarah dagiang di urang awang ko, sahinggo istilah ABSSBK ko bisa punya makna yang berarti bagi sado urang awak, baiak dikampuang maupun nan dirantau. Satahu ambo alah banyak ustad2 atau ustazah2 nan manyuarokan ko dikampuang2 ataupun dikota, tapi kabanyakan taruih ado ganjalannyo, sarupo dibanci dek urang kampuang, disarang dek urang kampuang dlsbgnyo, karano dianggap manyalahi kabiasaan nan alah balaku disitu katonyo. Kito sabagai urang awak nan baagamo tantu ndak namuah manyalahkan urang lain, sia nan batangguang jawab untuak kompilasi ABSSBK, atau mancari kambiang hitam, kato urang pulo. Mungkin manuruik ambo (pandapek sajo) mungkin kesatuan antaro Para Ulama (nan paham jo Hukum Islam), Cerdik Pandai, dan Ahli Adaik untuak bisa mampaluruih aktifitas nan salah di urang awak sahinggo istilah ABSSBK ko iyo ado punyo Makna sakral bagi urang Minang nan baagamo sahinggo batua-batua takumpua manjadi ABSSBK nan badalilkan ka al-Qur'an jo hadiith Nabi SAW. Oleh sabab itu draft kompilasi ABSSBK ko nantinyo kito harokkan batua2 manyelipkan dalil satiok kebiasaan nan balaku tsb di masyarakat. Ambo takana bahwa dalam hukum Islam itu sumber hukum utamonyo adolah al-Qur'an, Hadiith, abis tu manyusul Qiyas, mashlahah mursalah, dlsbgnya. Kemudian Diantara sumber-sumber nan lain itu, tamasuak salah satunyo adolah: 'Urf (Adat). Memperhatikan adat istiadat suatu masyarakat adalah termasuk memelihara kepentingan kehidupan manusia. Adat istiadat merupakan  bagian dari kultur yang salalu ado dlm masyarakaik. Islam sbg rahmatan lill 'alamiin sangaik mamparhatikan adat istiadat yg sering marupokan salah satu faktor stabilitas sosial dan mampunyoi kakuatan hukum, ditaati dan mengandung sanksi. Di Indonesia dikenal dgn Hukum Adat yg mgkin dpt dipandang sbg penegasan thd pengertian 'urf dlm fiqh. Fiqh membagi 'urf manjadi 2: 'urf sahih jo 'urf fasid. 'Urf sahih adaolah adat istiadat nan alah ditarimo oleh masyarakat luas, dibenarkan oleh pertimbangan akal sehat, membawa kebaikan, menolak kerusakan, dan tidak menyalahi ketentuan nash al-Qur'an atau sunnah. Sedangkan 'Urf Fasid adolah adat istiadat na alah mapan dlm kahidupan masyarakaik, tetapi tdk dpt diterima oleh pertimbangan akal sehat, mendatangkan mudarat, menghilangkan kemaslahatan, dan bertentangan dengan ketentuan syari'at. Dari segi lain, segi perwujudannya, 'urf dibagi menjadi 2: 'urf qauly, dan 'urf 'amaly. 'Urf qauly adolah adat istiadat yg terjadi dlm kehidupan masyarakat yang berupa penggunaaan kata-kata dengan pengertian tertentu. sedang 'Urf 'amaly adolah adat istiadat yg berlaku dikalangan masyarakat luas berupa perbuatan-perbuatan. Beberapa ayat al-Qur'an mempergunakan perkataan "ma'ruuf" yang berarti "patut", menurut kebiasaan. Contoh dlm surat al-Baqarah:233 menentukan kewajiban ayah (suami yang mempunyai anak) utk memberikan nafkah kepada ibu (istri yang beranak) dengan ma'ruf. Ma'ruuf disini maksudnya adolah "patut" sesuai dengan adat nan balaku. Dgn demikian jika istri tdk diberi nafkah, ia berhak menggugat ke pengadilan, yg oleh pengadilah akan ditentukanberapa besar nafkah yg wajid dibayarkannya kpd istrinya sesuai dgn adat yg berlaku. Surat al-Hajj 78, jua menyatakan bhw Allah SWT tdk menjadikan kesempitan dlm agama. karena itu, mengukuhkan berlakunya 'urf yg tdk bertentangan dgn nash, akan menghilangkan kesempitan dlm kehidupan manusia. Yg perlu diteliti secara cermat manuruik ambo adolah syarat panarimaan 'urf. kadang2 ada satu 'urf yg sepintas lalu tampak bertentangan dgn nash, akan tetapi stlh diadakan penelitian ternyata dpt disesuaikan dgn ketentuan nash lai, sehingga hal ini memberikan jalan lain bagi dikukuhkannya 'urf.. Misal di jawa terdpt kebiasaan dlm hukum kewarisan yg menetukan bhw hibah ortu kpd anaknya merupakan pewarisan yg dilaksanakan pd waktu ortu msh hidup. Anak yg pernah menerima hibah ortu, tdk berhak menerima warisan dr harta peninggalan ortunya. Jika ketentuan tsb dihadapkan kpd Hukum islam, yg memisahkan antara hibah dan warisan, sepintas lalu terlihat adat jawa itu bertentangan dgn hukum Islam. Tetapi jika maslah hibah dlm hukum Islam dipelajari, ternyata Nabi SAW memerintahkan kpd ortu spy berbuat adil dlm memberi hibah pd anaknya. Jika salah seorang anaknya diberi hibah, anak yg lainpun hendaknya diberi juga. Mengahdapi hkum adat di Jawa spt itu dpt ditempuh 2 jalan: mempertahankan pemberin ortu sbg hibah, kemudian kpd anak2 yg blm pernah menerima, diberikan hibah yg diambil dari harta peninggalan; atau dipertahankan ketentuan hukum adat sbg warisan yg sdh dilaksanakan pd waktu ortu masih hidup, dgn memperhitungkan berapa besar yg sdh diserahkan itu- jika ternayat kurang dari haknya atas warisan, diberikan tambahan, dan jika ternyata lebih, diminta untuk mengembalikan kelebihannya, kecuali jika semua ahli warisnya merelakan. Akhirul kalam, marilah kito sadonyo bado'a spy kompilasi ABSSBK ko bisa terlaksana sesuai dgn ajaran al-Qur'an dan Hadiith nabi, jaleh nashnyo. Ambo mohon maaf atas khilaf karano kapanjangan tulisan ambo ko. Wassalam Aswita (P- 43th)

---

Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Mematuhi Peraturan Palanta RantauNet, lihat di http://groups.google.com/group/RantauNet/web/peraturan-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan menyampaikan komitmen akan mematuhi Peraturan yang berlaku.
- Email attachment, DILARANG! Tawarkan kepada yang berminat dan kirim melalui jalur pribadi.
===============================================================
Berhenti, kirim email kosong ke:
[EMAIL PROTECTED]

Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---