Alah banyak ambo baco via r@ntau-net ko sagalo macam gareseh peseh soal
bahaso minang nan samakin bakurang dipakai urang awak di bumi parantauaan.
Apo nan Sanak sampaikan dalam sagalo bantuak cimeeh khas urang awak, batua
dan mungkin sajo baitu, istilah pakar ilmu jiwa :"adolah labiah aman
manggalakan dan mampagarhan diri sandiri (baco : suku bangso
sandiri.....===>mm) daripado diri urang lain".
Manyangkuik chauvinis dalam bahaso minang ko, tantu babaliak bake diri awak
sandiri. Apokoh awaak lai konsekuen dan konsiten jo sagalo macam cimeeh nan
dipalewakan malalui milis ko, nan ambo baco dari hari kari kapatang?
Sabagai "kaco diri" izinkanlah ambo mancaritokan apo nan dipabuek dek salah
surang senior awak, asli Bayua tapi larek marantau di bumi Jakarta, dan
sampai maningga di rantau dikubuakan di TPU Jakarta.
Baliau (inisal S, almarhum 79 tahun) mantan polisi bintang duo, lamo badinas
di Pakanbaru, mampunyoi anak laki-laki padusi bajumlah 9 urang. Kasado anak
baliau lahia dan gadang basarato sikola di rantau, dan minimal baijazah S-1,
sabana mambuek awak jadi angkek topi.
Meski indak sorang pun doh ado anak balau nan lahie di Bayua atau salah satu
kota di Sumbar, tanyato saluruah anak almarhum ko fasih dalam bahaso
Minangkabau.
Baa, mako bisa baliau buktikan ka saluruah urang awak di bumi parantauan,
bahaso untuak maajak anak atau kamunakan atau cucu pandai bahaso minang,
adolah DENGAN JALAN JO TINDAKAN. BUKAN TEORI ATAU MANCIMEEHKAN DIRI AWAK
SANDIRI.
Satiok hari ---salamo hiduik di bumi parantauan-- Pak Mayjen Pol (Pur) ko
mamakai bahaso minang jo saluruah anaknyo di rumah. Dan, saluruah anak
baliau ambo liek sabana sajuak dan santun dalam mangecek jo bahaso minang
ko.
Dari contoh nan dipabuek almarhum nantun, dapek awak kabek babarapo langkah,
kalau iyo nak busaho mampatahankan dan maanggkek bahaso minang, yaitu :
1)Jadikanlah bahaso minang di rumah sahari-hari jo anak bini sabagai bahaso
wajib, (meski bini/ laki awak Si Padang parantauan misalnyo).
2)Satiok ado acara silaturrahmi lintas suku, nagari atau kecamatan atau
kabupaten atau provinsi nan awak adokan di bumi parantauan, pakailah bahaso
minanng kutiko mangecek/ bapidato/ baceramah malalui mike (corong). NB: Ijan
panah pakai baso minang kutiko awak sadang barado di tampaik umum (mukasuik
ambo : nan hadir sagalo macam suku bangso).
Satalah duo incek ko dijalani jo konsisten dan kosekuen, buek provinsi
minangkabau (baco : Sumatra Barat), mangacu ka undang-undang otonomi daerah,
indak baa doh sangko kateh untuak :
1)Mangaluakan Perda atau mampatahankan palajaran materi bahaso daerah
(Minangkabau) di SD atau di SMP. Anak didik nan mandapek nilai 5 dalam
rapornyo untuak materi Bahaso Minang, HARUS MAULANG BALIAK UJIAN SAMPAI
DAPEK NILAI >6.
2)Kalau kini (misalnyo) indak ado lai Mingguan SINGGALANG, CANANG nan satiok
pakan (edisi Sabtu atau Minggu) mamakai bahaso minang dalam korannyo, alah
patauik Pamarintah Sumbar (malalui Dinas Diknas & Parawisata?) untuak
mansubsidi koran-koran nantun untuak WAJIB MAMUEK CARITO, KISAH, BERITA,
SASTRA dll dalam bahaso minang satiok tabik.
3)Saluruah namo nagari/ kota/ jalan nan kini alah salengkang pengkang
dibahaso-indonesiaisasikan dek Pamarentah (karano "takuik" ka urang
Pusek?..... He he...===>mm), baliakanlah ka namo asanyo. Atu jalan tangahnyo
sarupo nan dipabuek dek Pemda DIY atau Solo,yaitu mambuek namonyo dalam
bahao Indonesia, kamudian di bawahnyo dibuek pula dalam bahaso asli
minangnyo.
Misalnyo : Naras tulih di bawahnyo Nareh
Bukittinggi ------"---- Bukiktinggi
Bayur ---------"-----Bayua
Matur .........".....Matua
Sungaipenuh ----"----- Sungaipanuah
Batusangkar -----"----- Batusangka
Dll, dst......................
Nah, kalau duo incek untuak urang awak di rantau dan tigo incek untuak urang
awak di ranah minang nan di ateh namuah dipraktekan (sambia mambuang ka
Lambah Anai sagalo macam wacana atau cimeeh bake diri sandiri) dek 4,8 juta
urang minang di rantau dan 4,8 juta urang minang nan di Sumbar, insya Allah
karisauan Dunsanak ambo sarupo nan ambo liek dan baco dalam komunitas
r@ntau-net ko, indak katajadi doh buek SUKU BANGSO MINANGKABAU DI ATEH
DUNIA.
Baa kiro-kiro Mak Datuak Indra Catri (bupati ambo), dan Mak Datuak Irwan
"PKS" Prayitno (gubenur ambo) basarato anggota DPRD-DPD nan sadang bakuaso
di ranah minang hari ko?????
Salam dan maaf..................................,
mm***
-----Original Message-----
From: [email protected] [mailto:[email protected]] On
Behalf Of [email protected]
Sent: Saturday, October 06, 2012 11:30 PM
To: Rantau Net Go
Subject: Re: [R@ntau-Net] Keluh Kesah Seorang Teman
Powered by Telkomsel BlackBerryR
-----Original Message-----
From: Elthaf Hidjaz <[email protected]>
Sender: [email protected]
Date: Sat, 6 Oct 2012 23:26:26
To: <[email protected]>
Reply-To: [email protected]
Subject: Re: [R@ntau-Net] Keluh Kesah Seorang Teman
Ha haa, sanak Zultan, ambo nio lo mandanga hitungan matematikanyo bara
persen urang awak nan lupo bahaso Minang, ha haa.
Kawan ambo d jawa ko juo banyak ndak namuah bahaso Minang, kadang awak
nan risi, diperturutkan, terbele bele pula saya,
Papa; "mam, kerambil sudah dipangur"
Mama; " nggak zamannya lagi tu pak, sekarang kerambil ndak dikukur
lagi, sudah tahu beres dari pasar"
Papa; " Kain yang disasah tadi apa sudah dijemur?.
Mama; " kita pakai mesin cuci pap, udah kering sendiri, menggosoknya
agak payah mama sedikit"
Pak Zultan, bilo awak minum kupi liak, lah taragak lo basuo jo pak Zultan
mah
Salam
Elthaf
On 10/6/12, sjamsir_sjarif <[email protected]> wrote:
> Untuang se indak dikajanyo Atuak tu ka lobuah manyorakan koreh-koreh
> maagiahkan salapah baliau nan kabatulan tingga sudah maota di lapau:
> "Tuak, Tuak! Salapah Tuak tingga Tuak!" :)
>
> Duongenek,
> -- Nyit
> --- In [email protected], "AnwarDjambak" <alhaqirwalfaqir@...>
> wrote:
>>
>> Sanak Sapalanta nan di muliakan. !!
>>
>> Takona tiko adiak ambo nan paliang ketek baru baraja ba bahaso kampuang.
>>
>> "Kama Ang Tuak? " Tanyonyo ka urg gaek nan lalu di lobuah...
>>
>>
>> Hahahaha....!
>>
>>
>> Sangenek......
>>
>> Alhaqirwalfaqir-AnwarDjambak44-, kamanakan Dt. Rajo Malano (Maulana)
>> Pyk-Mudiak,,KL,
>> "Maminteh Sabalun Hanyuik!"
>> Sent from BlackBerryR smartphone powered by U Mobile
>
>
--
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
