Assalamu'alaikum wr wb. Mak Ngah nan ambo hormati, Tgl.6 Okt 2012 ambo mangirim ka alamat email Mak Ngah (Hambociek), Sejarah Kerajaan Indropuro nan labiah mampajaleh baa hubungan Kerajaan Indropuro jo Kerajaan Pagaruyuang., tamasuak carito tantang Bundo Kanduang, Indojalito, Cinduamato, Adityawarman dst. Apo alah masuak? Ambo ingin mandanga apo tanggapan Mak Ngah tantang Sejarah Kerajaan Indropuro versi urang katurunan Rajo Indropuro. Ambo tunggu kaba Mak Ngah.
Wassalam, A.A./091012 From: Hambo Ciek Sent: Saturday, October 06, 2012 5:42 PM To: Asmardi Arbi Cc: [email protected] ; Sjamsir Sjarif Subject: Re: Fw: [R@ntau-Net] Kabupaten Renah Indojadi Alaikum salam warhmatullahi wabarakatuhu, Tarimo kasih banyak angku Asmardi Arbi, Sanang MakNgah mandapek katarangan langsuang dari urang nan tahu daerah Pasisia Selatan. Ambo sandiri ka Pasisia Selatan hanyo hinggo Painan (tahun 1985), tapi dengan turun naiak Google Earth mancaliak kampuang halaman saroman ambo alah marancahnyo. Namun hasrat untuak manjalani antaro Painan jo Bengkulu tambah ka selatan masih taniat manghayati lingkungan alamnyo dan mamproyektil latar bulakang sejarahnyo. Lah jaleh kini "Renah" jo "Ranah" samo kato balian dialek untuk Inderopuro. Kato "ranah" sandiri, populer di awak urang Minang sabagai kato julukan untuak Tanah Minangkabau sabagai ado dyad "Ranah" dan "Rantau". Ambo caliak dalam Kamus Rang Gaek kito M. Thaib St. Pamoentjak, Minang -Melayoe: ranah = ranah. jadi kato "ranah" bukanlah monopoli bahasa Minangkabau tapi lah dikenal Bahaso Melayu dan adaptasi Indonesia. Sadangkan dalam KUBI Poerwadarminta "ranah" 1 dataran rendah; lembah; tanah rata; 2(tanah yang) berbaya-paya. Dalam KUBI Badudu-Zain memang dibari tando (Min) aratinyo kato Minangkabau 1 tanah rendah; tanah datar dan rendah antara dua jajaran bukit; wilaya, daerah. [catat: Zain, urang awak Piaman, Badudu urng Menado]. Nah ejaan Kerajaan "Inderopuro" nan angku Asmardi katangahkan apokoh itu ejaan dialek Pasisia Selatan atgau addaptasi angku sandiri dalam maminangkan "Inderapura"? Sabab nan takana tadanga di ambo dalam carito-carito Bahaso Minang tadanganyo "Indopuro". Sadangkan "Indojalito" mamang ambo alun familiar; baru kini ko ingin mamakluminyo bahaso itu karajaan di Pasisia sabalun "Inderopuro". Nan takana di ambo dalam Carito Cindua Mato, sasudah penek-panek bacakak mamapartahankan kehormatan Bundo Kanduang jo DangTuangku, sasudah kaduonyo mangirap ka Langik, Cindua Mato pai ka Selatan mamaciak Karajaan Indopuro. Tnyo, apokoh Karajaan Indopuro (dibawah Cindua Mato) dituka namo dari karajaan sabalunnyo "Indojalito"? Ingin ambo kok angku Asmardi dapek manggatangahkan referensi Tambo "Indojadi" - "Inderopuro" ko. Ingin pulo awak mancaliak dima pulo tasangkuiknyo Cindua Mato jo karajaan nan dipaciak Mandeh Rubiah. Tarimo kasih. Banyak pulo nan takana tantang mitos-mitos rajo-rajo nan manyabuikkan tuah katuruan Rajo Banua Ruhum ko. Manganai Kelompok Ibu-ibu di Jakarta nan disabuik Tuti Malano, "Indojati" ko, apokoh iko klub baru elit ibu-ibu tu nan marupokan katurunan urang-urang Indo-Bulando-Minang nan banyak atau gadang dan padek "puro"nyo nan indak ado hubuangannyo jo karajaan Indojati nan Angku Asmardi sabuikan tu? Itu sakadar tanyo garah "Nyit Sungut". Sakitulah dahulu sakadar pangana sasudah sumbayang tahajjud di Parak Siang Sabtu ko. Tarimo kasih mamporowaikannyo ka jalua paribadi. Salam, -- MakNgah Sjamsir Sjarif Di Taopi Riak nan Badabua Santa Cruz, California Sabrtu 5 Oktober jam 3:30AM PST. --- On Sat, 10/6/12, Asmardi Arbi <[email protected]> wrote: From: Asmardi Arbi <[email protected]> Subject: Fw: [R@ntau-Net] Kabupaten Renah Indojadi To: [email protected] Date: Saturday, October 6, 2012, 9:24 AM -------------------------------------------------- From: "Asmardi Arbi" <[email protected]> Sent: Tuesday, October 02, 2012 8:08 PM To: <[email protected]> Subject: Re: [R@ntau-Net] Kabupaten Renah Indojadi > Assalamu'alaikum wr wb > > Mak Ngah jo bu Tuti Malano jo sanak di palanta N.a.h. > > Dek karano Rencana pemekaran Kab.baru ko ado di Kab Pessel, Sumbar, mako ambo cubo manjawek pertanyaan Mak Ngah jo bu Tuti sbb: > > Renah = Ranah , jadi bukan typo salah ejaan. Itu dialeg urang daerah Inderopuro, Kab.Pesisir Selatan. > > Indojati adolah namo kerajaan Inderopuro sabalun dirubah manjadi Kerajaan Inderopuro > > Lalu apo ado hubungan jo namo Indojalito, jaweknyo ado hubungan. Mereka samo-samo keturunan Rajo Rum Timur Zulkarnain nan bapusek di Ankara Turki. Bisa dibaco dalam Sejarah Kerajaan Inderopuro. > > Kalau ado nan baminat nanti ambo kirimkan ka palantako. > > Wassalam, > > A.A/ 021012 > -------------------------------------------------- > From: "sjamsir_sjarif" <[email protected]> > Sent: Tuesday, October 02, 2012 7:43 AM > To: <[email protected]> > Subject: [R@ntau-Net] Kabupaten Renah Indojadi > >> Kito caliak di Haluan, ado lo kabupaten baru di Sumatra Barat nan ka banamo Kabupaten Renah Indojati. Apokoh istilah "Renah" ko bukan typo salah ejaan "Ranah" atau memang batua "Renah"? >> >> Apo aratinyo istilah "Renah" sabab MakNgah cari di Kamuih indak basuo. Nan takana dan basuo "kurenah", tabi'at, perangai; kurenah jo baebah, aratinyo keterangan yang cukup untuk orang yang bersalah. >> >> Ataukah istilah "Renah" ko marupokan sakuduang dari namo "Renah Indojadi"? Kok iyo, Sia dan baa riwayat "Renah Indojadi" ko? Kok ado nan tahu tolong cucua papakan. >> >> http://www.harianhaluan.com/index.php?option=com_content&view=article&id=17985:kabupaten-renah-indojati-disetujui&catid=2:sumatera-barat&Itemid=71 >> >> -- MakNgah >> Sjamsir Sjarif -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
