Kamanakan nan baiak budi Anak mudo nan piduli Pandai mambaco jo mangaji Dari komentnyo nyato ta bukti
Tasentak jantuang jo hati Kamanakan manyanjuang tinggi Walau talinteh raso jo sangsi Lahie jo batin patuik di uji Saukua mangko nyo jadi Sasuai mako tasarungi Bukan sakadar baso jo basi Tapi kalua dari nurani Alhamdulillah ambo pribadi Puji syukur pado Illahi Iko kaganti bacamin diri Masih ado rang mudo nan piduli Walau dima pun badomisili Kalimantan atau sulawesi Disungkuik langik di tanai bumi Adat jo sara' dikundang pai Laweh alam tampek mang kaji Sadonyo bisa jadikan suri Kalau lai amuah mancari Amuah nanaliti ma amati Banyak anak mudo jaman kini Antah dandam antah banci Jo sara' jauah jo adat anti Buruak sangko apriori Baru mancaliak kulik ari Alun mancubo mancicipi Tapi lah bantuak alergi Ma uoek mancaci maki Nak luruih rantangkan tali Nak mulia tapek i janji Nak kayo kuat mancari Nak basa tinggikan budi Salam kaganti silaturrahmi Walau jo gurindam bakomunikasi Insyaallah di suatu hari Sempat kito batamu diri Saketek pasan dari kami Walau marantau ka lua bumi Silau jo kampuang sakali sakali Tandonyo sayang ka nagari. Assalamualaikum ambo permisi Maaf disusun sapuluah jari Tahamoeh tangan tadoroang kaki Kito pulangkan pado Illahi.. [email protected] wrote: >Mamak Yanto Jambak nan sangaik Bijak, > >Sungguah indah gurindam mamak >Batutua aluih babaso rancak >Sanang mambaco kutiko galak >Kato diraso sabana lamak > >Tapi bukan sumbarang galak, Mak. >Galak di bibia, batin tasentak >Pituah sampai kato manembak >kanai di batin, lahia mailak >Tapi nan bana ndak bisa ditulak... > >Dicubo diam batin manulak >Kato nan bana yo dari mamak >Lewaik gurindam kaji dibukak >Hati nan risau kumbali cegak > >Taruihlah tulis gurindam Mamak, >Ambo nan bujang maikuik garak >Mudo matah umua diagak >Niaik baraja kapado Mamak.... > >Sakitu dulu nan dari Ambo, Mak >Saketek mancubo bakato rancak >Walau masih banyak taserak >Atau bahkan basalemak peak >Rila jo maaf ka urang banyak..... > > >Wasssalam, > >Noveri >Laki-laki, 25 th, asal mudiak 50 Koto, kini di Sulawesi Barat > > >Powered by Telkomsel BlackBerry® > >-----Original Message----- >From: yanto jambak <[email protected]> >Sender: [email protected] >Date: Thu, 11 Oct 2012 19:28:41 >To: <[email protected]> >Reply-To: [email protected] >Subject: [R@ntau-Net] Bijak (Gurindam Pagi) > >Gurindam pagi……. >BIJAK >Kok lai pandai bamain kaco >Disinan tampak rupo diri >Katiko muluik babicaro >Itulah gambaran dari hati > >Kok ndak pandai mamainkan >Mungkin tangan nan ka luko >Hilang bantuak jo roman >Camin tak labiah pacahan kato > >Itu ungkapan urang nan bijak >Patuik di inok dimanuangkan >Dari ungkapan bicaro awak >Disitu hati kanampak an > >Santano muluik bakato duo >Nyampang di hati bicaro lain >Muko tak labiah umpamo kaco >Disinan urang ka bacamin >Muluik manih kucindan murah >Batanam tabu di bibie >Bak manabang baliak awah >Nyampang balain bathin jo lahie > >Sakancang kancang duto balari >Nan kabanaran tibo dahulu >Bara bana bamuko suci >Dipandangan mato urang ka tau > >Banyak dek kito nan basuo >Bak musang babulu ayam >Angguak bak cando ka iyo >Di batin Wallahu’alam > >Talunjuak luruih kalingkiang bakaik >Didalam duo tangah tigo >Ma ambiak kesempatan dinan sampik >Suko manangguak dalam balango > >Santano pandai mambaco bayang >Alam takambang jadikan guru >Di nan sampik pandai malenggang >Di lubang jarumpun pandai lalu > >Kok tasasak padang ka rimbo >Tahantak singka ka ilaban >Indak panik bukan marabo >Jo kapalo dingin manyalasaikan > >Kok tagang bueklah kandua >Nan kandua di sentak lambek >Tangan mancancang bahu mamikua >Usah ilakkan baban barek > >Ayieh karuah usah pacamin >Kalau ingin mancaliak rupo >Nan lahie manunjuakkan bathin >Walaupun bukan kasadonyo > >Banyak contoh kok di caliak >Antaro kadondoang jo durian >Isi kuliknyo batuka baliak >Di bukak baru kanampak an. > >12102012.Yan.Majo Basa (Yanto Jambak) >MC Adat/Penyiar /MM.RPM am 972. > > >-- >-- >. >* Posting yg berasal dari Palanta RantauNet, dipublikasikan di tempat lain >wajib mencantumkan sumber: ~dari Palanta R@ntauNet >http://groups.google.com/group/RantauNet/~ >* Isi email, menjadi tanggung jawab pengirim email. >=========================================================== >UNTUK DIPERHATIKAN, melanggar akan dimoderasi: >- DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. >- Anggota WAJIB mematuhi peraturan serta mengirim biodata! Lihat di: >http://forum.rantaunet.org/showthread.php?tid=1 >- Tulis Nama, Umur & Lokasi disetiap posting >- Hapus footer & seluruh bagian tdk perlu dlm melakukan reply >- Untuk topik/subjek baru buat email baru, tdk mereply email lama & mengganti >subjeknya. >=========================================================== >Berhenti, bergabung kembali, mengubah konfigurasi/setting keanggotaan di: >http://groups.google.com/group/RantauNet/ > > > >-- >-- >. >* Posting yg berasal dari Palanta RantauNet, dipublikasikan di tempat lain >wajib mencantumkan sumber: ~dari Palanta R@ntauNet >http://groups.google.com/group/RantauNet/~ >* Isi email, menjadi tanggung jawab pengirim email. >=========================================================== >UNTUK DIPERHATIKAN, melanggar akan dimoderasi: >- DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. >- Anggota WAJIB mematuhi peraturan serta mengirim biodata! Lihat di: >http://forum.rantaunet.org/showthread.php?tid=1 >- Tulis Nama, Umur & Lokasi disetiap posting >- Hapus footer & seluruh bagian tdk perlu dlm melakukan reply >- Untuk topik/subjek baru buat email baru, tdk mereply email lama & mengganti >subjeknya. >=========================================================== >Berhenti, bergabung kembali, mengubah konfigurasi/setting keanggotaan di: >http://groups.google.com/group/RantauNet/ > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
