Talatak puntiang jo hulu Dibawah kiliran taji Samaso kato nan dahulu Tigo limbago nan tajadi
Partamu sambah manyambah Kaduo baso jo basi Ka tigo sirieh jo pinang Sambah mnyambah baramah tamah Baso jo basi bamain budi Sirieh jo pinang adat takambang Sambah mnyambah dalam adat Tali batali undang undang Tasabuik jo muluik manih Tapakai di bahaso baiak Banamo adat sopan santun Adat di lauik ba juru mudi Adat disabuang ba juaro Adat di alek barajo janang Satantangan rencana isuak hari Basilaturrahmi kumpua basamo Bunda Nismah yang jadi dalang Dek di undang mangkonyo datang Kok tibo dek ba imbau Adat hiduik jalang manjalang Adat sakik silau manyilau Kok mujua sapanjang hari Malang biaso sakijok mato Babagai halangan nan tajadi Sadonyo di ateh kuaso kito Mohon maaf ambo pribadi Dek ado aral nan malintang Silaturrahmi ndak bisa ambo hadiri Jo doa ma iriang di bulakang Lancar rencana kasadonyo Dapek sabuah kaputusan Ber manfaat untuak basamo Tamasuak kampuang jo hilaman Kirim nan indak baturuti Pitaruah nan indak ba unyikan Hanyo pasan saketek mawakili Tapi..bukan manunjuak ma ajakan Dibaco agenda patamuan Indak nan buruak ciek juo Banyak program jo kegiatan Untuak urang awak kasadonyo Takana dek ambo pasan ranggaek Di gurindam adat acok basuo Santano di muaro karuah pakek Paresolah banda ka hulunyo Kok barasieh banda di hulu Mungkin gajah manyubarang Atau banda panuah dek batu Atau tabiang diruntuah urang Bueklah apo ka di buek Barencana lah apo sajo Tapi ado nan paralu kito ingek Kemampuan manusia ado batehnyo Malabihi ma ancak ancak Mangurangi jdi sio sio Ukua bayang bayang satinggi tagak Ma angkek baban sa kiro tabao Ma ajan tuah cirik tapanca Genggsi diri maha haragonyo Deta dapek sarawa kok tangga Disiko urang baganti namo Semangat sajo alunlah cukuik Mambangun kampuang jo nagari Bak ma urai banang kusuik Paralu kasabaran jo hati hati Nan elok alun tantu tapuji Nan baiak ndak sadonyo rancak Sa ukua mangko manjadi Sa suai mangko takanak Lah banyak contoh kito caliak Kalau lai samo manyimak Kain laweh tabuang cabiak cabiak Jo paco paco nyo malagak Bagitu banyak organisasi Ndak ado tandingan dlm program Tapi santano dicaliak bukti Hasienyo wallahualam.. Bateori muluk di karateh Dalam seminar barapi api Di lapangan hasie ndak jaleh Program lah tingga di memori Bia satitiek tapi biyak Pado saboto ruoknyo sajo Untuak apo teori malimbak Program ndak jalan ciek juo Namun dibaliak sadonyotu Satiok kakok barencana Tapulang kapado nawaitu Lai ko niat Lillahita'ala.. Bukan kritik bukan cimeeh Hanyo kok lupo manganakan Kok taraso ado sindie jo kieh Anggap sajo palamak an makan Kapado sagalo niniak mamak Bundo kanduang jo dunsanak sadonyo Ambo pribadi..Yanto Jambak Mendukuang keputusan nan basamo Jan disibak usah disisieh Jan di bateh jo ba hinggo Kok taserak samo dipilieh Tabuang samo mangamehinyo. Selamat bakumpua ba rami rami Tacapai apo nan di cito Panjang umua murah rasaki Dilain waktu basuo juo. wassalamualaikum Wr.wb. Salam hormat ambYan Majo Basa (Yanto Jambak) Mc Adat/Penyiar & MM.Radio Pusako Minang Am 972 Tgr. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
