Uni Rina di Batam,
Madu ko diambiak dari rimbo disekitar wilayah Kab. Sijunjuang, Kab. Solok jo Kab. Dharmasraya. Kito bali untuak usaho LPM Marapalam kutiko tanggal 1 Oktober 2012 nan lalu melalui anak nagari nan profesinyo memang maambiak madu ka rimbo-rimbo di Sumbar. Pado hari Sinayan jo Salasa ambo jo kawan-kawan singgah pulo di nagari-nagari sabana terisolir di kec. Tigo Lurah Kab. Solok. Manuruik wali nagari setempat, disinan banyak pulo madu dari rimbo-rimbo sekitar nan basarang di batang kayu sialang nan bisa dipromosikan ka rantau satie nan ko. Hanyo sajo, LPM Marapalam memang alun punyo dana nan gadang untuak maambiak madu nan barasa dari rimbo di nagari-nagari ranah minang ko, sabab satiok pembelian manggunokan satuan jerigen dengan volume 35 liter nan mano barek madu nan tun sekitar 45 kg nan mamaralukan modal cukuik gadang untuak ukuran organisasi sosial saroman LPM Marapalam. Takadang kutiko madu-madu ko tibo dari rimbo dalam jumlah nan cukuik banyak (bisa sampai 5-10 jerigen) iyo indak ado talangan nan bisa kito usahokan untuak pambali madu ko, sabab komoditi dari rimbo ranah minang ko memang haragonyo cukuik tinggi, adonyo pun musiman (sasuai musim tanaman di rimbo sadang babungo). Salain itu, kito paralu pulo kendaraan operasional untuak manjapuiknyo ka nagari pabilo alah ado madu nan takumpua cukuik banyak, sadangkan kondisi transportasi di nagari-nagari tasuruak ko iyo agak rumik pulo dek memang indak selalu ado sabab tabateh pulo sasuai jo kondisi nagari-nagari nan agak tasuruak di pelosok minangkabau ko. Batuak ka Batu Bajanjang di Kec. Tigo Lurah, Kab. Solok, lokasinyo masuak ka dalam sekitar 50 km dari nagari Sirukam nan barado di antaro jalan lintas Solok jo Alahan Panjang. Untuak manampuah jarak 50 km diperlukan wakatu pulang pai sekitar 6 jam, sabab kondisi jalannyo iyo lumayan parah, apolai kalau cuaca 1-2 hari nan lu sadang turun hujan, iyo batambah rumik kalau manggunokan kendaraan nan hanyo single gardan saroman avanza atau innova. Insya Allah, pabilo Allah azza wajalla maridhoi usaho nan ko, bansua-ansua kito cubo taruih manyamparonokannyo, sahinggo bisa dipasan sacaro online sarato dikirim melalui kurir sahinggo tapek wakatu. Mungkin itu sajo nan bisa ambo sampaikan dari nan manjapuik madu labah ko ka nagari-nagari di ranah minang, semoga seketek informasi nan ambo cubo sampaikan bisa manjawek tanyo dari uni Rina di Batam. wasalam AZ/lk/34th/caniago Sumpur Kudus, Sijunjuang ________________________________ Dari: Rina Permadi <[email protected]> Kepada: [email protected] Dikirim: Rabu, 17 Oktober 2012 10:32 Judul: RE: [R@ntau-Net] Madu Asli Ranah MINANGKABAU Assalamu'alaikum Warahmatullahi Wabarakaatuh, Mamak Aslim jo dunsanak palanta, Ambo alah maminum madu asli ranah Minangkabau ko Cuman dalam fikiran ambo penasaran akan perjalanan madu tu dari sarang labah sampai ka tangan LPM Marapalam. Nak kainginan ambo mandanga curito satantang perjalanan madu ko di dalam rimbo Sitalang kalo ambo ndak salah. Pastinyo banyak rintangan nan tajadi, mungkin carito disangek labah ko barangkali, atau apo sajolah, di madang maa malakoknyo sarang ko?. Bia untuak palamak ota sambia minum madu basamo keluarga. Maaf kalo alah pernah dilewakan, ambo nan indak manyimak. Ohyo, untuak Reni, alah uni transfer hari tu sore2 300rb. Mokasih banyak juo utk Pak Agus nan mangiriman. Wassalam Rina, 34, batam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
