ALANG-ALANG Tagak kalantak samulonyo Tapi dek elok saruan tanah Di bawah urek malato Ka ateh pucuak marambah
Dulu tak labieh umpamo rantiang Kinilah tagak sabatang panjang Tumbuah sarumpun tapi tabiang Ka panjago ayie kok gadang Kok mujua kan iyo sapanjang hari Nan malang biaso sakijok mato Lah tumbuah banyak rabuang pangganti Badan di sangko alah tuo Badan di tabang diparampek Rang ambiak sakiro ka paguno Duo rueh nan urang taek Panjang tak labiah duo dapo Badan di rauik di ampaleh Di ukua di timbang-timbang Di bari batuntun jo karateh Ruponyo jadi alang-alang Dulu tumbuah maharok tinggi Pucuak bakandak nak ka wan Kinilah bamain di langik tinggi Baru timbua gamang di badan Sababkan baa dek baitu Nasib bagantuang jo kaluan Kabek kok lungga di taraju Tampan ka hilang masuak awan Nan labiah bana barusuahkan Kok tibo hujan sadarok Talambek sentak di kumpalan Kama lah badan ka maraok Bingkai tingga tuntun kok cabiak Taraju kok anggan malapehkan Santano badan jatuah kapiak Banangnyo sajo ka urang arok kan Iko di badan nan maragu Bukan doh cameh balabiah an Kok kareh angin manggajuju Banang lah abih di kumpalan.. Tanah lapang, 24102012 Y.Jambak/Mc.Adat penyiar RPM 972 am tgr. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
