Sasudah mambaco Laper Kuliliang nagari (2) dari Joduta diiringi Foto-foto Angku Armen dari "Gadih Rantih Sarasah Tinggi Jorong Dama Gadang, Kanagarian Tanjuang Sani tun", Inyiak Sunguik takalok sasudah sumbayang subuah. Sudah tu tasintak dijagoan Mimpi Rancak nan Inyiak HPkan ka angku Armen Langsuang. Inyiak rasonyo masih mudo bajalan jo rombongan Pak Natsir di suatu rimbo babukik nan indah antah di mano. Di tampek nan katinggian agak rancak, rasonyo ado pasenggerahan lamo tingga indak baunyi. Kami sumbayang Hari Rayo Hajji di sinan...
Kalau Joduta manyatokan mandaki labih lasuah dari manurun, iyo, Inyiak dalam mimpi tu malahan maloncek-loncek saroman anak-anak main lore. Sasudah dipikia-pikia baa mangko mimpi tu tibo sasudah mancaliak foto-foto Joduta jo rombongan dengan latar belakang hutan, aia bening barasiah di sungai dan sirasah, ruponyo Kenangan Bawah Sadar terpendam labih dari maso satangah abad nan lalu maroso-rosok ka dalam mimpi... Ruponyo foto-foto tu mungkin nan mantrigger mimpi. Kini, mambaco satantangan "Nagari Garabak Data jo Tanjuang Balik Sumiso di Kec.Tigo Lurah" kenangan MakNgah sacaro sadar baliak ka maso-maso labih satangah abad nan lalu tu, tapeknyo September 1958. Kami (baduo MakNgah jo Ridwan Asky) salasai pajalanan dari Mandailing Natal, dapek Tugeh dari Pak Natsir dari Pasaman untuak maninjau daerah "Selatan" dan manamui Kol Ahmad Hussein di sekitar rimbo-rimbo nan disabauikan angku Armen tu. Dalam pajalanan panjang parancahan nagari-nagari, rimbo, lurah jo bukik-bukik (jalan kaki indak baoto saroman rombogan Angku Armen tu doh) sampailah kami ka Sirukam, Solok, Tempat persembunyian Kantua Kabupaten Solok (Buya H. Darwis Taram Dt. Tumanggung sabagai Bupati merangkap Residen Sumatera Barat). Baliau, Buya, sanang manarimo kami dengan laporan kami dan wawancara di Tempat persembunyian baliau dan dan baliau tahu karano kami lah sangat latiah, tinggalah kami 3 hari untuak istirahat malapeh angah. Di sinanlah Buya manasehatkan indak usahlah taruih ka Tampek Kolonel Husein tu karano sabana sulik bajalan ka sinan, tujuah lapih lai bukik jo rimbo nan ka ditampuah. Sadangkan utusan kami sabana sulik dan sarik mandapek barito dari sinan. Indak banyak bana katarangan nan ka didapek doh kecek baliau karano Tempat tu hanyo digunokan untuak mandok ... Itulah sababnyo kami babega ka arah Selatan-Barat ka arah Gunuang Talang marancah rimbo dan malinteh tapi kampuang malam-malam sampai ka Aia Angek nan dingin di Lereng Gunuang Talang, Tempat Markas Kecamatan Talang... Sakitu sakadar tambahan pangana ka maso dulu. Salam, -- Inyiak Sunguik Sjamsir Sjarif Di Tapi Riak nan Badabua November 1, 2012 1:20PM PST --- In [email protected], Armen Zulkarnain <emeneschoobie@...> wrote: > > > > Mak Duta jo Inyiak Sunguik, > > Nagari Garabak Data jo Tanjuang Balik Sumiso di Kec.Tigo Lurah medan jalan > nan harus batampuah labiah garang dibanding jalan manurun di aia tajun Gadih > Rantih Sarasah Tinggi Jorong Dama Gadang, Kanagarian Tanjuang Sani tun. > > Kutiko kito cubo manampuah dari Talang Babungo urang lokal nan lai acok > manampuah rimbo hinggo ka Sabik Aia banyak nan manyarah untuak mangawani > sabab sadang musim hujan tibo & lai pulo perjalanan bajalan kaki 7-8 jam > adolah masuak rimbo gadang nan cukuik baresiko. Kutiko kito cubo babelok > melalui Sirukam taruih masuak ka Simanau, Rangkiang Luluih taruih ka Batu > Bajanjang kondisinyo samo pulo. Dek karano itulah habih main sahinggo kito > putuihkan bantuan seragam ko untuak nagari Batu Bajanjang jo Rangkiang > Luluih sajo. > > Sadangkan nagari Simanau ko walau terisolir namun penghasil ameh hinggo kini > nan jumlahnyo mencapai kiloan sakali kalua, sahinggo masyarakatnyo makmur & > sejahtera. Itu dapek dicaliak pado rumah penduduk nan segeh-segeh disinan. > Padohal kito tahu harago bahan bangunan saroman simin jo basi tamasuak maha > dek transportasi nan cukuik rumik. > > Sebagai gambaran, kondisi jalan di nagari Rangkiang Luluih tanjakannyo samo > di nagari Baringin Kec. Palembayang Kab.Agam nan kito bantu dengan seragam > sikolahnyo. Hanyo bedanyo jalan di Baringin lai bacor jo simin sarato batuan > kareh, sadangkan di Rangkiang Luluih masih tanah merah sajo.Masyarakat > disinan punyo kearifan lokal pabilo bajalan jo kendaraan roda 2 ataupun roda > 4 untuak mambao dadak padi kasa sakalian bajalan, dimano dadak kasa ko > sangaik panguno pabilo jalanan licin sahinggo kendaraan bisa naiak ka ateh. > > Ambo sendiri indak bisa mengemudi dengan jalan saroman mantun, untuang dek > ajo Fulan nan 2 tahun lalu mamak balikan pabukoan di Tiku lai labiah handal > mambaok oto sahinggo kami salamaik pulang pai kutiko survey ka Tigo Lurah > tanggal 17 - 18 Oktober 2012 nan lalu. Untuak diketahui pulo, rombongan > Gubernur Sumbar alah pernah masuak ka Kec.Tigo Lurah nan ko. > > Wali nagari Batu Bajanjang sendiri mamintak tolong ka ambo untuak dicarikan > bantuan jawi kurban dek karano dari 7 jorong nan ado di Batu Bajanjang dengan > populasi 4700 jiwa hanyo ado 5 jawi kurban nan tasadio, dengan rincian 1 ikua > dari Pemkab Solok, 1 ikua dari masyarakat nagari & 3 ikua dari perantau asa > nagari Batu Bajanjang. Ambo pun alah bausaho mananyokan ka organisasi > perantau saroman S3, namun untuak tahun kini program mantun memang alun ado > peruntukannyo lai. > > Harapan ambo, tahun 2013 nan akan datang bisa kito arahkan pulo bantuan > seragam sikolah nan ko handaknyo, insya Allah. > > Saketek panukuak dari ambo dok. foto kondisi jalan di Kec. Tigo Lurah Kab. > Solok > > > > Kondisi jalan nagari di Kec. Tigo Lurah menuju Jorong Kapujan Kanagarian > Rangkiang Luluih. Kondisi jalan ini banyak terdapat tanjakan tajam & akan > sulit dilalui apabila hujan tiba. Salah satu hal yang sering dilakukan oleh > masyarakat adalah menaburkan kulit padi agar permukaan jalan lebih kesat > sehingga mudah dilalui kendaraan. > > Kondisi jalan nagari antara Rangkiang Luluih dengan Batu Bajanjang. Tim > survey cukup beruntung karena kondisi jalan yang kering, sehingga perjalanan > bisa lancar & tidak mengalami kendala. > > Rute peta dsitribusi bantuan seragam sekolah untuk 3 nagari tertinggal di > Kec. Tigo Lurah & Kec. Payuang Sakaki, Kab. Solok. Untuk menempuh 3 SD di 3 > nagari yang terdapat di Kec. Tigo Lurah & Kec. Payuang Sakaki ini membutuhkan > perjalanan 2 hari dengan jarak tempuh 126 km. Selain lokasi yang berjauahan > walau kedua kecamatan saling bersebelahan, namun kondisi jalan yang belum > bagus juga menambah panjang waktu tempuh kendaraan untuk mencapai lokasi > nagari-nagari ini > > Survey Bantuan Seragam Sekolah Untuk Nagari Tertinggal (LPM Marapalam youtube) > http://www.youtube.com/watch?v=r0xUtp04xxM > > Di Kabupaten Pasaman ado pulo 1 nagari nan sangat terisolir, di Kec. Mapat > Tunggul Selatan tasabuik nagari Muaro Sungai Lolo nan marupokan wilayah hulu > batang Kampar. Pabilo kito caliak via google map, lokasi nagari nan ko hanyo > 30 km subalah utara Lubuak Sikapiang. Dek karano topograpi bukik Gadang nan > tingginnyo mencapai 2200 mdpl sarato rimbo gadang nan sabana laweh sahinggo > untuak manampuah nagari ko harus mamuta dari Pintu Padang, wilayah Rao nan > memakan wakatu tampuah 7 jam pabilo cuaca rancak dek karano harus manyubarang > batang aia nan indak bajambatan sarato medan jalan nan balumpur. > > Kutiko malam hari, ambo acok basyukur ka hadirat Allah azza wajalla dek sabab > dikaruniai nagari asa di Kubang nan kondisinyo jauah labiah maju > dibandiangkan nagari-nagari nan ko. Mungkin kito bisa maranuangkan, baa ko > lah kondisi masyarakat disinan, baiak pendidikannyo, kesehatannyo nan tantu > sajo akan babadiang luruih jo kesejahteraannyo. > > wasalam > > AZ/lk/34th/caniago > Kubang, baru sajo tibo di kampuang > > ________________________________ > Dari: sjamsir_sjarif <hambociek@...> > Kepada: [email protected] > Dikirim: Kamis, 1 November 2012 18:53 > Judul: [R@ntau-Net] Re: Laper: Kuliliang Nagari (2) > > > > " ... seekor acek menempel di kaki. Sebatang rokok dikorbankan untuk > > diambil tembakaunya utk melepas gigitan sang acek." > > Kok dipantak acek ataupun lintah > Indak paralu basusah-susah > Memang pantak acek atau lintah > Tarasonyo gata kalau lah badarah > Untuak pananggaan tempelan acek jo lintah > Baruikkan sajo aia liua atau ludah. > Sakitu pasan pangalaman dari MakNgah. > > Di Tapi Riak nan Badabua 1 November 2012 4:52AM PST -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
