"....kalau ado dunsanak/ananda yang punya pengalaman kejepit saraf yang diobati tanpa operasi. Mohon berbagi pengalaman dengan bundo.....".
Assaalamualaikum Wr Wb, Bundo Nismah n.a.h. Kabatulan ambo (Si m.m nan Bundo sayangi, tapi juo Bundo galigamani mancaliak "kalakuannyo" nan agak bedo di RN) samanjak tahun 2006 alah divonis dotor RSPJ (Jl. A. Yani, Jakarta Timur) dapek PANYAKIK SYARAF TAKAPIK. Sabagai bukti otentiknyo, tampuruang lutuik souk ambo nan dironsen dari sagalo sisi, alah mambari tahu ka dunia medis (via filem hasil rontgen) bahaso ado syaraf nan takapik. Posisinyo, kutiko dipaliekan doto malalui filem hasil ronsen, adolah mambalintang di bawah tampuruang lutuik ambo nan suok. Untuak mailangkan sakiknyo, kato doto nantun : "Lutut kanan Bpk harus dioperesi", kamudian doto orthopedic tamatan LN ko mambari panjalehan bake ambo nama dan kadibadah, dan nama pulo nan kadijaik nantik, kamudian bara lamo sasudah operasi ambo "manangguang kasabaran" supayo lutuik suok ambo capek cegak. Ambo ko,meski karajo resmi di kantua Pertamina (waktu tu), tapi sabagai "aktivis" ambo juo lai ingkin ka mai, bakuliliang ka saluruah Nusantara manciguak & mahariak urang-urang nan mancilok minyak di tangah lauik atau di batang aie (Musi, Batanghari, Siak atau Mahakam, Kapuas). Kalau lutuik ambo dibadah untuak mampaelokan posisi urek nan mambalintang di bawah tampuruang tu, bara lamo Si m.m ko ka basaba manunggu sehaik baliak? Tigo bulan sampai anam bulan? Campakanlah! Karano ambo baprinsip, satiok panyakik nan diturunkan Allah SWT pasti ado ubeknyo, mako "untuak samantaro" advis doto Pertamina nantun indak ambo acuahan. "Pikia-pikia dulu, Dok", taruih ambo manyalami baliau untuak permisi pulang ka rumah. Ambo tingga an Pak Doto basarato Suster di RSPJ nantun, nan galak sengeang sarato manggeleang-geleang maliek parangai pasiennyo nan (tamasuak) karengkang ko. Nan jaleh, sampai tahun ka anam ambo divonis mangidap panyakik syaraf takapik, alhamdulillah ambo masih bisa dan diizinkan-NYO untuak mamacik stir oto ilia mudiak. Bahkan, samanjak hari rayo puaso dek sari, mungkin bakilo-kilo meter jalan nan ambo tampuah untuak maisi hiduik supayo baarati & bamanfaaik buek kehidupan sakitar ambo. Padohal, kutiko ngilu luar biaso ambo rasokan di awal tahun 2006 tu manggaduah kondisi ambo, ijan kan mainjak pedal gas atau malangkah turun naiak oto, untuak bajalan lambek-lambek sajo ka kantua ambo di Tanjuangpariuak, mintak ampun sakiknyo. Jadi, usaho apo nan ambo pabuek untuak mailangkan sakik syaraf takapik ko? Karano, dalam soal ubek maubek (diri awak atau urang lain) SANGAIK DIPARALUKAN KAYAKINAN BAHASO UBEK NAN AWAK MINUM HANYOLAH ALAIK, DAN SOAL CEGAK SAPANUAHNYO DI TANGAN ALLAH SWT, mako ambo hanyo mamakai ubek kampuang sajo, yaitu : 1)Satiok tigo hari (istilah ilmiahnyo : ijan labiah dari 72 jam) ambo tataok maminum aie karambia mudo nan dibari aia asam puruik basarato mamasuakan (diaduk) kulik-kulik asam puruik ko dalam wajan/panci non metal/logam. Minumlah sacaro rutin tanpa malupokan mambaco bismillah hirrahmanirrahim basarato salawaik nabi. 2)Ambo sacaro rutin, mamakan tapai gabelo (kawan ambo nan di Banduang manyabauiknyo Peyeum). Kalau urang lain (mungkin) kutiko iseng maraso lapa-lapa mamakan snacks (kue atau roti) mako ambo salalu mangodok tapai ko. Kalau Bundo suatu kutiko singgah ka rumah ambo di Bekasi Jaya, mungkin heran maliek stok tapai gabelo indak panah abih dari kulkas ambo. Dan Kang Mansyur (urang Tasik) sacaro rutin (3 hari sakali) satiok lewaik di muka rumah ambo nan manjojokan karambia mudo, tataok manurunkan karambia mudo 3 buah (Rp 12.000,-). Ambo baengko jo Kang Mansyur ko alah balansuang limo tahun tarakhie. Hanyo duo itu sajo "ubek" nan ambo makan/minu tiok hari Bundo. Dan alhamdulillah, kutiko ambo mangetik sur-el buek bundo di Payokumbuah ko, kondisi kesehatan ambo masih prima. Di sampiang duo point di ateh, kalau buliah ambo babagi info ka Bundo n.a.h, urang-urang saumua awak ko (he hee..) iyo alah patuik sacaro rutin shalat tahajuik (4-4-3) satiok malam manjalang subuah, dan satiok matohari ka naiak, sarancaknyo awak sumbayang Dhuha pulo agak 4 rakaik (2+2). dan ciek lai, kalau kondisi awak maizinkan, lakukanlah puaso Sinayan dan Kamih sapanjang hiduik. (Kalau Bundo alun tahu, BJ Habibie basarato almh Ainun, samanjak umua 21 tahun sampai datiak ko adolah penggemar puaso Sinayan-Kamih. Ambo tainspirasi puaso rutin S-K samanajk baumua 4o tahun, dari kurenah Pak Habibie nan kalau mangecek baapi-api, mato tabulalak, mirip Si m.m kutiko mangecek, kato urang. He he he..) Cubolah Bundo lakukan nan ambo tulih di ateh tu samampu Bundo. Insya Allah, keajaiban Allah dalam maubek sagalo macam panykik nan mayeso awak sabana-bana tabukti. "Semoga Bundo basarato keluarga di kampuang halaman sehaik wal afiat sajo. Salam & doa dari 'adiak Bundo' nan samantaro masih alun Bundo pahami bana sia urangnyo". He he he.... Salam & doa..........................., *mm**** 2012/11/19 <[email protected]> > Assalamu Alaikum W W. > Bundo sekarang dikampuang. RS Mahkota mengatakan kejepit saraf (HNP). > Bundo menolak operasi di Malaka. Kalau operasi kenapa tak di Jakarta karena > kita punya prof bedah saraf Prof Hilman Mahyudin. > Bundo ingin tahu kalau ado dunsanak/ananda yang punya pengalaman kejepit > saraf yang diobati tanpa operasi. Mohon berbagi pengalaman dengan bundo. > > @Hayatun Nismah Rumzy# > > -- > -- > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
