Gurindam Pagi. . NASIBMU ACENG Antah dek dunia nan lah teleng Antah lah utak nan lah mereng Lah banyak parangai nan malenceng Ibarat kapa banyak nan oleng
Caliaklah parangai si aceng Tadayo manampak sebeng Tagijau mancaliak nan senteng Tabayang baralah onggeng Maraso diri paliang ganteng Pitih banyak oto mantereng Kian kamari patantang patenteng Tiok suduik tiok mejeng Kian senyum kasiko menyengeng Bantuak kuciang manampak dendeang Cando kancia nampak bonteang Sarupo anjiang manampak celeang Lah bak cando wiro sableng Kalua jurus kamoceng Dalam carito wayang ronggeng Carito petruk jadi gareng Baralah garegak jo garendeang Bantuak alang alang ponggeang Kurang ikua kurang ombeang Sadonyo sajo ka dijenjeang Dek lai sadang bakepeng Rumah gagah bak benteng Pakai pangawal pakai centeng Awak pejabat titel barendeang Padusinyo anggap kacang goreng Bak cando anggur jo lengkeng Mambali nak mangeteng Mambao nak sarenjeng Ibarat mambali kalereng Babungkuih dalam kaleng Lah di bao lah ditenteng Tanyato dapek nan sompeng Lah banyak anggak jo geleng Lah sibuk mancari tameng Mangecek ma ereang ereng Bakatokan tabali baju rombeng Jaik cupua raginyo teleng Ka ateh sayuik kabawah senteng Kawin carainyo anggap enteng Nyo sangko nikah jo nenek gambreng Dek salamoko mamakai topeng Mangecek indak pakai tedeng Kecek urang nyo sangko dongeng Ndak tau ereang jo gendeng Kini urang lah manggarendeng Banyak pulo nan mambonceng Nak mancopot pangkat jo peneng Mancari balek tasenggeang Lah tabukak capuak jo bopeng Lah tampak kada jo koreng Nan putiah kironyo loreng Di kaniang arang tacoreng Baju dinas nan urang senseng Disiko galak barenjeng Tirih mambosek dari loteng Palimbahan jatuah ka genteng Mingkudu basangko ginseng Daun inggu tasangko enceng Lah cando urang mabuak cimeng Gadang paku pado obeng Dulu bulek kinilah lempeng Dulu gondrong kinilah boleng Dulu badagok kini karempeng Dulu lantang kinilah bindeng Kinilah jadi urang cengeng Dulu tagak kini manggoleng Bak garah si sule jo si komeng Tasangko jawi anak banteng Ikan limbek basangko bandeng Limbah basangko ayie ledeng Tubo basangko krating daeng Disiko kulik manggarenseng Dek sadonyo sajo ka bagandeang Samo sajo luruih jo mereng Musajik basangko klenteng Disiko urang mamotoang tumpeng Dulu di anjuang kini di bedeang Badindiang tadie ba atok seng Lah abih gagah jo geneng Kato rang siko ndak lai mudeng Ibarat oto di lereng Dek salah ma injak kopleang Tangga rarak kopeng kopeng Kalurah badan ta soleang Si aceang kinilah sedeang Piluru abih tembak malenceng Pitih bajuta lah tingga goceng Sakadar pambali es podeng Tingga manunggu masuak karangkeng S arapan pagi pakai ompreng Ikan asin jo oseng oseng Makan manunggu bunyi lonceng Kok indak bana ka kanai langkeng Sakali pasti ka kanai tampeleng Baru tau dunia babeleng Ambo tingga manggeleng geleng..…… 05122012.Y.Jambak Mc Adat/Penyiar Radio Pusako Minang -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
