Assalamualaikum wr wb
Armen dan Dunsanak palanta RN NAH Setelah mambaco tantang usaho antaro nagari jo urang rantau dalam pemberdayaan masyarakat nagari di Ranah Minang dalam budi daya ternak Sapi Simental di kanagarian Sumpur Kudus (SK) nan alah balansuang dan setalah bajaln 2 bulan ado kendala dan masalah sarupo nan di laporkan Armen, ambo ingin sumbang saran atau masukan, tapi ambo maagiah masukan ko bukan sekedar bacarito sajo insya Allah kalau lai bisa masukan ambo ko digunokan ambo ikuik sato didalamnyo dalam bentuk penyertaan modal di budi daya ternak sapi Simental terutamo di Tahap II nan baru kamulai, sabalunnyo bail ah ambo bacarito sekedar bahan pembanding Nan namonyo budi daya sapi ternak sapi di kandangkan memang dari sisi biaya terutamo operasionalnyo lumayan gadang jiko diliek dari sisi bisnis (baca : untung diakhir panen) dan indak bisa main-main jo bataranak jawi ala kampuang sajo, intinyo baa jawi ko sabalunnyo baharago X rupiah setelah dikandangkan nan sadonyo disadiokan buek kebutuhan jawi tu (sarupo nan diuraikan kanda Zultan) diakhir panen bisa dijua jawi tu bernilai 2X Rupiah dan ambo sendiri lah pernah menyaksikan budi daya ternak sapid an kambing Ettawa milik dr Emdahril SpOG di Lintau Buo, baliau punyo peternakan ko dengan member lapangan kerja buek masyarakat nagari Lintau (terutamo sanak suadara dr Emdahril) iyo sadonyo serba terukur kalau teknik budi daya ternak sapi dikandangkan, ibaratnyo jawi tu hanyo tingga makan, minum, lalok lalu BAB dab BAK didalam kandang dan hasilnyo dipandang dari sisi bisnis karano ditangani batua2 dengan kaidah teknis budi daya ternak sapi yang baik dan terukur hasilnyo sangat menguntungkan baik terhadap penjualan sapi itu sendiri maupun hasil sampingan seperti produk kompos dan biogas (untuk konsumsi sendiri di peternakan belum dijual komersil). Lalu ambo pernah juo mambantu adiak sepupu ambo dikampuang (anak etek) dalam bataranak jawi ko, tapi iyo ndak bakandangkan do strateginyo hanyo bataranak jawi ala kampuang sajo, ambo pinjamkan kepeang ka modal jawi bakalan untuak ka dijua hari rayo haji (kurban) inyo bali bakalan jawi jantan 7-8 bulan sabalun hari rayo Haji tibo, kandang tetap dibuekan tapi kandang ibaraiknyo tampek jawi “barumah” hari-hari talinduang terutama dari hujan katiko malam dan siang, lalu dalam perjalanan hari-hari adiak ambo ko mangubalokan jawi manyambia aratinyo karajo pokoknyo mancari nafkah baladang, basawah, manakiak gatah indak taganggu, pagi di baok jawi ka parak atau padang rumput atau tampek2 pinggia sawah atau parak nan banyak rumpuik, samak2 dedauanan makanan jawi , lalu siang2 adiak ko sambia ka sawah, kaparak atau manakiak gatah inyo sabikan juo rumpuik dan dedaunan makanan jawi dima jawi tadi di kabek diagihnyo makanan nan disabik tadi, beko manjalang bakarajo baliak dialiah juo jawi ko ka tampek lain, sore hari adiak ko lah mambaok lo rumpuik dan dedaunan untuak cadangan makan dikandang, jawi sambia pulang di anak sungai dimandikan pulo lah barasiah jawi dibaok ka kandang sambia maagiah makanan nan basabik tadi. Kok cuaca hujan dan kurang rancak jawi tetap dikandang indak dikaluakan tingga disabikan atau dicarikan sajo makanannyo dek adiak ambo. Nah manjalang hari rayo Haji nan jawi ko lah cukuik umua syarat korban dan sehat, harago juanyo tinggi dibandiangkan dijua ka panggaleh dagiang jawi konsumsi nan panggaleh ko cukuik maliek jo maresek jawi tu lah bisa ditaksirnyo bara barek dagiang barasiah dari jawi ko nan menentukan tinggi randahnyo nilai jua jawi, kalau dijua untuak kebutuhan hari rayo haji kan ndak paralu diliek bara barek dagiang barasiah jawi nan pantiang syarat berkurban jawi sehat, cukuik umua dan jantan. Hanyo sampai disiko adiak ambo tu bataranak jawi dan mandapek untuang nan lumayan dalam arti kalau dikaji2 dibagi untuang ko jo hari (maso bataranak) tantu ketek ukurannyo jiko dibandiangkan upah karajo kalau bapotokan Upah Minumun tenaga kerja yang ditetapkan pemda setempat tapi iko ndak labiah ndak kurang hanyo penghasilan tambahan dan asok dapuah mancari nafkah hari-hari dari bakarajo sawah, lading dan manakiak gatah. Adiak ambo hanyo mambaliakan kepeang ambo nan dipinjamnyo salasai manjua jawi pado hari Rayo haji tu, kalau inyo babaso basi maagiah ambo untuang, paliang ambo kecekan “agiah sajo ka etek (amak adiak ambo) panambah2 balanjo dapuanyo atau sumbangkan ka rumah gadang suku awak nan sadang di renovasi” Nah kini ambo punyo saran, baa diubah strateginyo bukan dikandangkan jawi simental tu tapi sarupo nan dikarajokan adiak ambo, diagiah tangguang jawab ka masy SK nan mamacik jawi ko, nan magubalokan jawi ko indak tagaduah pariuk nasinyo mancari nafkah hari2 samisal manjawek upah karajo, kasawah ladang dan manakiak gatah. Kalau masalah Non Teknis (social) manuruik nan dilaporkan dan di sampaikan ka Armen di RN dan Group2 FB urang awak (masuak ka Inbox FB ambo karano Group FB urang awak ambo jadi membersnyo walau pasif dan Armen Rajin mamposting baik video, foto dan tulisan) bahwa sadonyo kan alah terkondisi, wali nagari, masyarakat dan bahkan ado MoU sarupo nan dikutip Kanda Zultan pernyataan Armen SK ko sangaik kuek jiwa bamasyarakatnyo atau iduik banagarinyo, lalu dari sisi Teknis (Budi Daya) nan dikutip Kanda Zultan juo dari email terdahulu Armen SK lah cocok bana terutama dari ketersedian aia, iklimnyo, tapi katiko lah lah matang Teknis dan non Teknis tibo2 dalam perjalanan ko ado masalah sarupo nan dilaporkan Armen. Kini baa bantuak ambo ikuik peduli indak bacarito sajo, kalau lai diubah konsep dan strategi dari sisi budi daya dan ekonominyo sabalun terlanjur samakin ado masalah terutama tahap II ambo sato tapi dalam bentuk Penyertaan Modal bukan dalam manambah jumlah sapi, ambo sato dalam program social kemasyarakat di nagari awak ko antaro anak nagari jo perantau, PM ambo ikuik seniali Rp 5 Juta anggaplah itu untuk biaya operasional 10 ikua Jawi Tahap II, tapi dengan catatan : - Nilai Total 10 Ikua Jawi dari nan sato dijumlahkan tambah ambo 5 Juta (syukur2 ado nan sato pulo PM) itu dianggap modal basamo - Nantinyo di panen bara hasil penjualan jawi dikurang modal basamo di bagi secara proporsional - Sebagai ilustrasi sederhana missal tahap II modal total 10 peserta 85 juta tambah PM ambo 5 Juta Total 90 Juta, lalu jawi tajua kalau etongan Armen bisa 2 kalinyon (mengutip email kanda Zultan) kito tarok sajolah untuang 70 Juta dari 10 ikua jawi nan dijua, nah untuangnyo ko silahkan dibagi porsinyo bara dek nan magubalokan, LPM Marapalam, Nagari dll sarato pemilik Modal - Bagi pemilik modal bersama samisal dapek satangahnyo 35 Juta tingga bagi sajo secara proporsional contohnyo ambo PM 5 Juta jadi itungannyo 5/90 x 35 juta = Rp 1.925.000 jadi setelah panen ambo dapek Rp 6.925.000 (PM + Untung) baitu juo kali2 proporsional peserta tahap II nan pitihnyo buek pambali jawi, seandainyo berisiko taroklah rugi (mudah2an tantu ndak awak inginkan karano strategi lah diubah indak dikandangkan lai jawi) ya tingga bagi rugi sajo secara proporsional lebih jelasnyo kalau Rugi tantu PM ambo babaliak kurang dari 5 Juta. Kalau manuruik Armen mamindahkan sado jawi (ambo ndak tahu apo kalua SK atau masih dalam SK tapi di kampuang lain) manuruik ambo itu bukan langkah nan tapek yang akan berakibat indak rancak sacaro hubungan terhadap masyarakat SK baik pribadi Armen, LPM Marapalam, Pemodal (urang rantau) maupun Palanta RN (karano program ko media sosialisasinyo salah satunyo milist RN) dan juo di RN ado members urang SK nan aktif sarato Armen juga mensosialisikan di berbagai jejaring social seperti beberapa Group FB dengan genjar dan sangat menyentuh serta paling tidak bagi ambo pribadi apo nan Armen posting ka Group FB urang awak betapa Indahnya Nagari ranah Minang dan damainya mereka hidup bermasyarakat, bermusyawarah apopun masalah bisa duduak barundiang dan Armen sendiri menikmatinya begitu dalam. Itulah saran dan masukan ambo seandainyo ndak paguno anggap sajo carito2 akhir pekan sajo dan nan jaleh niek ambo elok sajo dengan memberikan saran lansuang ikuik sato dengan Penyertaan Modal di tahap II kalaupun tahap I mau digabuang jo tahap 2 dengan metode penyertaan modal bersama rancak juo mungkin ado dunsanak RN nan kasato nan jawi tetap 20 Ikua tapi hasilnyo nanti dibagi proporsional sarupo ilustrasi ambo diateh, tujuan ambo ko bia Armen bisa juo punyo waktu sarupo nan dikeluhkannyo untuak mancari nafkah sahari2, indak tagaduah total bana dek ulah bataranak jawi bakandangkan nan memang perlu dikelola secara serius dan terukur.Paling tidak dengan PM tabantu biaya operasinal tanpa manambah jumlah jawi. Talabiah takurang mohon maaf, silahkan para peserta program jawi Simental Tahap I dan II ko mengomentari dan memberikan masukan2 sehingga program ko kito harap tetap jalan tanpa ado kendala terutama dalam masalah2 Non Teknis yang berdampak buruk dalam hubungan Silahturahmi antaro utang kampuang jo urang rantau. Wass-Jepe 47 thn, L, Chaniago, Balikpapan Pada 7 Desember 2012 13:07, Armen Zulkarnain <[email protected]>menulis: > > Pak Zul Tan NB, > > Memang bana apo nan apak sampaikan, > > Dek karano itu ambo saharusnyo mambuek laporan panjang marincikan seluruh > permasalahannyo, hanyo manuruik mak Dutamardin indak paralu disampaikan > sacaro rinci sahinggo laporan ambo pasingkek pulo. > > Sabananyo seluruh perkembangan jawi tahap I selalu ambo laporkan melalui > email, hanyo kapado pengurus LPM Marapalam jo pemilik tahap I pulo, indak > ambo sampaikan ka palanta. Baa kok bitu? Sabab kurenah kito urang minang ko > suko basiarak mananggapi sesuatu, walau indak sato, indak tahu ataupun > indak jaleh apo nan sabananyo. Sabab hal iko manyangkuik namo baiak > pemerintahan nagari, KAN, niniak mamak, organisasi LPM Marapalam & sadonyo > urang nan terlibat dalam usaho ko. > > Posisi ambo samo jo manitiang minyak panuah, iyo balambek-lambek bajalan > sahinggo indak taserak. Pabilo ado nan indak sasuai jo komitmen paratamo > dek ulah sabagian sajo, paralu pulo ditinjau baiak buruaknyo, tantu sajo > dikaji sisi teknis untuak kelanjutannyo sahinggo bisa taruih bajalan & > indak manyamoratokan seluruhnyo. > > Mangko dek itu, paralu ambo ranuangkan labiah lamo apo jalan kalua nan > tabaiak untuak itu & itu pulo nan kini sadang dikarajokan. > > Pado akhianyo, hal iko akan bapulang ka LPM Marapalam pulo, sabab saroman > nan ambo sampaikan, nan akan manuai upek puji dalam usaho jangko panjang ko > adolah LPM Marapalam pulo, yaitu urang-urang nan alah bakarajo untuak > memajukan organisasi nan ko. > > Sayangnyo, pak Zul Tan indak sato dalam kegiatan nan ko baiak tahap I jo > tahap II, sahinggo indak bisa pulo ambo sampaikan sacaro rinci seluruh > kondisi dilapangan usaho jawi simmental tahap I ko, baiak memalui email > ataupun ponsel. > > wasalam > > AZ/lk/34th/caniago > Sadang di kampuang > > ------------------------------ > *Dari:* ZulTan <[email protected]> > *Kepada:* "[email protected]" <[email protected]> > *Dikirim:* Jumat, 7 Desember 2012 4:57 > *Judul:* Re: [R@ntau-Net] A Kaba Jawi Jawi > > > > Sanak Armen NB, > > Partamo ambo baharok kapado Allah tolonglah diangkek panyakik Armen nak > capek cegak. > Nan kaduo adolah andaknyo caro baru untuk manyukseskan karajo baiak ko. > > "... ado perbedaan caro pandang wali nagari dalam memahami mukasuik jo > tujuan kito dalam usaho ko." > > Sabananyo, ambo agak heran dengan kalimat di ateh, kok bisa? > Bukankah sado nan tak elok lah dipinteh dek MOU nan disepakati 1 Sep. > Ambo memang ndak sato diusaho ko, tapi ambo tetap maikuti dek ado niaik ka > sato pulo di termin nan ka-5 atau sasudahnyo. > > Dalam posting tanggal 23 Juli nan lalu, lah ambo tanyokan apo pangalaman > urang Sumpur dalam manggadangkan Si Mental ko? Sia nan namuah karajo banyak > tapi nan ka didapek Rp. 6000 sahari? Kalah jo tukang ojek. > > Dan sanak manjawek dengan mantab urang Sumpur lah biaso bakawan jo jawi > sarato kabau. Sadangkan etongan ambo, dianggap sanak sabagai takok-takok > sajo, dek ambo ndak punyo data langsuang dari lapangan. > > Sakadar ma-refresh, ambo kutip postingan ambo tu liak: > > "Apokah kampung ko jo peternaknyo lah berpengalaman dalam membesarkan > ternak Sapi Simental? Atau iko baru berupa rintisan. Kalo ambo baco-baco, > yo ndak saketek karajonyo doh. Salain jaminan ketersdian 2 jenis makanan > berupa konsentrat dan serat, karajo si peternak pun bukan main-main. Mulai > dari mamandikan sapi sakali sahari, mambarasihan kandang 2x sahari, > manyadiokan aia minum 20-40 liter/ikua/hari, sampai mambarasiahkan > lingkungan sekitar supayo jauh dari panyakik. Iko ndak bisa disambia jo > manakiak gatah doh. Taniayo sapi beko. > > Dengan karajo bantuak itu, imbalan peternak dari etong-etongan Sanak ndak > sampai Rp. 6000 (baco anam ribu) sahari. Sia nan kanio karajo bantuak ko? > Jan-jan rancak mangojek lai, ndak payah bana badan. > > Perihal pakan untuak jenis konsentrat nan tadiri dari ampas tahu, jagung > giling, dedak, bekatul, umbi-umbian apakah tersedia cukup? Termasuk pakan > berupa serat seperti jerami dan rumput. Sapi jenis ini memerlukan ransum > 3-4% dari bobot tubuhnya. Juga disain kandang yang baik. Apakah kandang > tunggal atau ganda? Apakah head-to-head (mudah memberi makan), atau > tail-to-tail (mudah membersihkan kotoran sapi)? Dalam skala tertentu > diperlukan pula gudang pakan. > > Sapi ini memerlukan lingkungan dengan suhu 17-27 derajat C, curah hujan > 800-1500 mm/tahun, dan kelembaban 60-80%. Sapi peka terhadap perubahan > suhu lingkungan. > > Saya melihat pemilihan lokasi di SK baru dari sisi ketersedian lahan dan > petinggi nagari." > > --------- akhir kutipan > > Ndak paralu manunggu lamo, bisuaknyo Armen lah manjawab dengan keyakinan > diri nan samo: > > "Mengenai pertanyaan pak Zul Tan nan mananyokan apokah petani di Sumpur > Kudus berngalaman mauurus taranak? Sajak dulu urang minang di kampuang ko > sabana bakawan jo jawi sarato kabau. Sabab kok indak, jo apo sawah ka > dibajak? Hanyo teknik penggemukan sapi nan memanfaat limbah sapi untuak > pengomposan sarato biogas masih tergolong baru bagi petani di Sumbar, namun > bukan berarti indak ado nagari nan alah mambuek pembangkit tenaga listrik > dari biogas. > > Karano itu kito dampingi, sahinggo transfer teknologi bisa dilakukan. > Walaupun ditangah rimbo, nagari Sumpur Kudus memiliki ternak jawi & kabau. > Salah satu tradisi an masih berlangsung hinggo adolah mambantai bantiang > kutiko menjelang masuak bulan suci Ramadhan. > > Tantu untuak mengetahui kondisi nagarinyo, indak bisa dijawek jo tulisan > sajo. Baa kok bitu? bisa dimangarati pabilo pak Zul Tan namuah ka Sumpur > Kudus. Pak Afrijon Ponggok, mak Dutamardin & pak Darul Makmur alah penah > kasiko. > > Saran ambo, rancak kalau kito mancari kesimpulan pabilo alah mancaliak apo > nan akan disimpulkan, sahinggo jaleh apo nan disampaikan & indak takok > manakok sajo. > > Saketek nan bisa ambo sampaikan, di nagari nan ko salah satu nagari di > ranah minang nan punyo kualitas air nan rancak. Kandang nan dibuek tipe > kandang tunggal sabab jumlah jawi nan diusahokan dibawah 10 ekor (sampai > kini baru 3 ekor nan mendaftar). Kandang ganda hanyo digunokan pabilo > jumlah jawi labiah dari 10 ekor & itu bisa dibuek karano kito bangun > sabarih dulu, nan pabilo peminat batambah, ditahun-tahun mendatang tingga > manambah dibagian muko sajo. > Karano karajonyo indak saketek, mangko dibuek kandang basamo, sahinggo > karajo bisa dilakukan bagantian. Satiok petani akan maurusi saikua jawi > sajo nan satiok hari dilakukan bergantian. Apo iyo bisa baitu? Mangko dek > itu ambo sarankan datang ka Sumpur Kudus, sabab kebersamaan di nagari nan > ko babeda jo nagari-nagari nan ado di Sumbar lainnyo. Mengenai curah hujan > & kelembaban, mungkin pak Zul Tan bisa tanyo ka Inyiak Sunguik satantang > cuaca di Sumpur Kudus, sabab baliau pernah tingga 2 tahun disinan. Mengenai > etong maetong, kito urang pertanian mandapek angko nan ka dietong selalu > dari data nan ado dilapangan. Nan ambo agak ragu, baa caro pak Zul Tan > maetong angko-angko nan ado tanpa input dari lapangan nan alun pernah > sekalipun apak kunjungi. Cuaca di Sumpur Kudus labiah dingin dibanding > nagari Muaro Paneh, kab. Solok, dimano nagari nan ko banyak terdapat jawi > simmental nan digemukkan walau kondisi lahan untuak mananam rumpuik di > Muaro Paneh iyo agak payah didapek." > ----------- akhir kutipan > > Kini, jawi ko kadiajak eksodus ka nagari lain. Tantu paralu pitih pambuek > kandang baru agak 5 juta. Angkos angkuik 500 ribu. Pakakeh baru sajuta > pulo. Rato-rato 700 ribu/jawi. Kalau untuang sajawi samulo 4.2 juta kini > lah bakurang 20%. Dibagi 2 masiang-masiang dapek 1.75 juta untuak karajo 12 > bulan. > > "Rancak duduak'an banalah," kecek Reny. > > Jan barulang pulo karajo nan ndak paralu-paralu ko. > > Tapi apo urusan ambo di siko? Bantuak sato lo maraso rugi mah. > > "Hehe... iyo ndak ado do." > > Banyak maaf. > > Salam, > ZulTan, Central Station 7.50 am > > Sent via BlackBerry® from Vodafone > > -- > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
