Mak Yanto dan dunsanak paanta RN Sajak Mak Yanto ko malapehkan gurindamnyo di milist ko kito lah samo2 tahu dan kito baco, kito komentari dan malah lah dek kasyikan lah jadi "follower" beberapo members RN sekdar maiiriang gurindam Mak Yanto ko tapi nan Ori memang tetap nan ditulih dek Mak Yanto, unik, khas, pemilihan kato2 minangnyo sabana manyalinok kadang2 saketek bagaya "ngepop" tapi tetap lamak di dendangkan Mak Yanto ko
Ambo secara pribadi mungkin dunsanak palanta RN tamasuak nan perai sajo mambaco gurindam Mak Yanto ko, karano liau lapehkan ka RN kadang ka Facebook nan bisa dicopas dek kito. Nah baa kiro2 RN manggarap Gurindam Mak Yanto ko jadi sebuah kumpulan, dibuek lo buunyo jo sampul dan kareteh nan manakah pokoknyo dijaman multi media ko pasti ado dunsanak RN nan ahli mangarapnyo jadi buku nan rancak. Dibaoklah barundiang Mak Yanto ko untuak mambukukannyo dari sisi bisnis tantu baretong bara ongkos produksi, bara kadijua bara pembagian untuangnyo (royalti)nyo buek Mak Yanto dan lain sebagainyo Kok lah duduak paretongan jo Mak Yanto secara tertulis ado kespekatan, dicetak duli samisal agak 100 buku lalu sarupo biaso ditawarkan ka members palanta RN, anggota RN bisa lo menawarkan ka kawan2nyo urang minang Mungkin Akmal dkk bisa pulo menggarap secara profesional, ambo namuah sato sakaki jiko modalnyo kito2 patungan baik secara pribadi masing2 maupun penyertaan modal kacio RN, samisal ambo menyertakan modal untuak produksi buku ko 2,5 juta lalu ado nan lain manambah2nyo tagantuang bara biaya produksi dan pemasarannyo nanti samisal untuak 100-150 buku dulu, lalu tantukan hargo jua, beko bara untuangnyo tantukan secara propoosional bagi untuang tu untuak Mak Yanto, untuak pemodal, untuak nan bakarjo pokoknyo profesional dan terukur. Jiko misalnyo ndak laku itu lah resiko, beko dibagi lo lah secaro proporsional rugi tu hehehehe Mungkin itu usul ambo, tantunyo jiko iko terealisasi rancak gurindam nan baru nan alun di layangkan dek mak yanto di milist RN maupun di jejaring sosial/blog, kalo duduak paretongan jo Mak Yanto tantu liau bisa manyiapkan karya2 terbaru nan disimpannyo dan akan dicetak jadi buku. Wass-Jepe Powered by Telkomsel BlackBerry® -----Original Message----- From: yanto jambak <[email protected]> Sender: [email protected] Date: Mon, 17 Dec 2012 20:32:58 To: <[email protected]> Reply-To: [email protected] Subject: [R@ntau-Net] Pasambahan PERSEMBAHAN (Prediksi Pasambahan Minangkabau di Masa Depan) Karya : Yanto Jambak (Yan Majo Basa) Mc Adat & MM/Penyiar Radio Pusako Minang Am 972 Tgr. Bag 1. Assalamualaikum, Wr.Wb. Mancaliak gujalo zaman Mambaco musim nan baganti Patuik manjadi renungan Garangan apo nan ka tajadi Dicaliak budaya Minangkabau Lah bak cando ikua mancik Lah sabantuak ujuang pisau Makin ka ujuang makin kicik Nan tarang lah muloi kabua Nan kabua samakin ndak jaleh Lah bak cando tabiang di tingga aua Ulah dek rayu ayie dareh Bukan mukasuik mancimeeh Apo lai ba olok olok Nyampang di indang di tampi tareh Insyaallah nan boneh ka basuo Ambo cubo manggambarkannyo Mamprediksi kato rang kini Duo puluah tahun kamukoko Kiro – kiro apo nan tajadi Tantangan budaya Minangkabau Tarutamo sambah manyambah Lah banyak nan ndak hirau Bahaso minang lidahlah patah Takana lai takatokan tido Bak cando sibisu barasian Lai ado raso di dado Tapi ndak pandai lai manyampaikan Kok apa bana ciek - ciek Ndak tau lai apo maknanyo Usah di sabuik nan tasirek Nan tasurek sajo lah kalam jo rupo Jadi iko bukan ndak mungkin Lah jaleh nanti ka tasuo Basangketo lahie jo bathin Bagi kito nan tuo tuo Mudah – mudahan nan ambo tulihko Sabagai ganti ma ingek-i Kana manganakan andainyo lupo Wariskan budaya kito dari kini Jan sampai anak cucu kito Baraja budaya jo pasambahan Jauah – jauah ka Bulando Mancari siso paninggalan Kapado mamak angku nan tuo Nan gadang Basa Batuah Di angkek tangan ka kapalo Jo sujuik ma ucap sambah Usah manjadi salah tarimo Apo lai disabuik malecehkan Sabalun nan baiak kito baco Buruaknyo tantu kito pikiakan Dunsanak FB dima sajo Nan sakampuang sanagari Kritik dan saran apo sajo Ambo tarimo jo suko hati Salamo baniat ka nan elok Ndak usah ragu jo bimbang Ndak ado jalan nan ndak bakelok Jalan luruih sajo lai basimpang... Salamat hormat dari ambo Doa salalu ma iringi Andai saroman balain rupo Itulah nan demokrasi. Ambo cubo manyampaikan Dalam babarapo tahapan Rangkaian pasambahan Dalam alek perkawinan Kok salah toloang pa elok-i Samo di asak ka nan bana Ibarat urang mangaji Samo kito muloi dari Amma... (Bersambung) -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
