Assalamualaikum w.w. Nanda Benni dan Mantari Sutan,
Sahubuangn jo pertanyaan Nanda Mantari Sutan dapek ambo jalehkan baliak asa muasa gagasan ko. Asa muasanyo sederhana sajo, yaitu karano 1) ABS SBK alah dinyatokan sabagai 'jati diri Minangkabau'; 2) tapi sawakatu dikaja bana apo isinyo, alun ado nan dapek menjalehkan isinyo sacaro janiah, tamasuak bilo persisnyo lahia formula ABS SBK tu; 3) sawakatu mulai dibahas labiah dalam, tanyato ado samacam duo 'mazhab' nan agak indak pas pandapeknyo satu samo lain, khususnyo katiko mulai mambahas hukum kekerabatan dan hukum waris, saparati nan bisa dicermati dalam baitu banyak posting di RN ko.
Sacaro bakabatulan, baiak sacaro pribadi maupun sawakatu ambo masih di Komnas HAM, banyak masalah khas Minangkabau ko nan manarik minat ambo, karano indak ado dialami atau didapati di daerah lain nan samo-samo manganuik ABS SBK, sarupo di Bengkulu, Jambi, Riau, Gorontalo, atau Malaysia, Karano sajak tahun 1981 ambo alah mamutuihkan untuk mamusekkan paratian manjadi peneliti, mako samakin banyak masalah samakin tatarik ambo manalitinyo. Mako sacaro basiinsuik ambo kumpuakanlah bahan manganai ABS SBK ko dan ambo sampaikan ka publik sakuduang-sakuduang, baiak di Rantau maupun di Ranah.
Dalam tahun 2007 dan awal tahun 2008 ko batirik-tirik ambo dorong ado Semiloka di Universitas Andalas Padang, di gedung Mahkamah Konstitusi, Jakarta, dan di gedung Arsip Nasional, Jakarta,manyigi masalah ABS SBK ko sabagai jati diri Minangkabau. Alhamdulillah, sasudah tu salain alah mulai mulai nampak baa duduak pakaronyo, alah mulai ado pulo pasamoan pangaratian bahaso sabana rancak kalau bisa kito susun samacam Kompilasi Hukum ABS SBK tu, paliang indak supayo kito indak badebat bakapanjangan juo lai.
Sacaro pribadi ambo sangaik yakin, bahaso kalau alah bisa kito susun basamo Kompilasi Hukum ABS SBK ko, kito muloi dari hal-hal nan alah kito sapakati, mako sacaro pelan-pelan bisa kito bangun 'adat jo syarak salingka Minangkabau' sabagai payuang dari 'adat salingka nagari' saparati salamo ko. Lambek laun akan timbua dan samakin kuaik suasana saling picayo mampicayoi antaro sasamo urang awak. [Kini ko raso-rasonyo alun ado bana lai].
Apo ambo bamukasuik ka mambuek samacam Kompilasi Hukum Islam dan untuak salanjuiknyo mambuek pengadilan adat dan agamo ? Tantu hal nan samacam tu di lua jangkauan ambo. Ambo kan bukan ahli adat dan bukan pulo ahli agamo, tapi sakadar peminat dan pamaduli masalah-masalah sosial, tamasuak masalah sosial Minangkabau. Bagi ambo, sakadar alah mulai ado kompilasi tu sajo alah cukuik, walaupun misalnyo sakadar draft awal paliang awal sakalipun.
Bahaso Kompilasi Hukum ABS SBK bisa dimanfaatkan nantik dek Pengadilan Negeri dalam mengadili pakaro-pakaro adat, nan sabana banyak dikadukan urang ka pengadilan negeri sampai ka Mahkamah Agung, itu jaleh sajo. Kalau memang bisa, baitulah handaknyo, supayo ado kepastian hukum (=rechtszekerheid) dalam hukum adat kito. Jadi sakali mambuka puro duo tigo hutang lansai. Jan kan Kompilasi Hukum ABS SBK nan kito
buek basamo-samo -- karano tu punyo tingkek keabsahan (=legitimasi) nan tinggi -- sadangkan buku-buku adat dan ditulih dek para penghulu sacaro perseorangan lai bisa dipakai dek para hakim dan pengadilan sebagai rujukan.
Saparati ambo maajak Nanda Benni dan para nanda-nanda nan lain, kini ambo ajak Nanda Mantari Sutan untuak sato sakaki, paliang indak untuak manyampaikan tema atau topik apo nan sarancaknyo kito masuakkan dan kalau bisa manyarankan baa bunyi kalimat redaksionalnyo nan sasuai jo adat dan syarak. Kurang-kurang saketek indak baa doh, karano nanti akan dipasamokan, tautamo dek baliau-baliau nan labiah ahli.
Wassalam,
Saafroedin Bahar
(L, 70+6+4, Jakarta)
--- On Wed, 2/13/08, benni_inayatullah <[EMAIL PROTECTED]> wrote:
From: benni_inayatullah <[EMAIL PROTECTED]>
Subject: [EMAIL PROTECTED] Kompilasi ABSSBK. Dimuloi dari nan sasuai
To: [email protected]
Date: Wednesday, February 13, 2008, 8:58 AM
Dunsanak mantari,
agak cameh ambo manjawek tanyo sanak ko, sabab pertanyaan itu adolah
pertanyaan nan samo nan ambo punyo sajak wacana kompilasi ko
digulirkan.
namun, samanjak mancermati diskusi di milis ko ambo mancaliak kajian
iko bukanlah bertujuan untuak mambuek kitab hukum positif sebagai
rujukan pengadilan adat dan syariah apolai kajian teologis. Mission
imposible ambo raso untuak konteks kekinian.
Kompilasi ko ambo nilai hanyo sebagai kajian sosio-kultural-religon
nan khusus membahas penyelesaian problematika sosio kultural urang
minang ditinjau dari sisi Islam. meskipun Islam itu banyak pulo
alirannyo. jadi ndak ado unsur pemaksaan untuak mamakainyo dalam
realita sahari-hari. apopun juo islam itu sebagian besar adolah
urusan individu jo Tuhannyo.
Kok nak jawek labiah tapek tantu dunsanak batanyo ka Pak Saaf nan lah
tacatat dalam sejarah sebagai inisiator dibueknyo kompilasi iko
salam
Ben
--- In [EMAIL PROTECTED], Mantari Sutan <[EMAIL PROTECTED]>
wrote:
>
> Dunsanak Benni,
>
> Ciek nan mangganja dari ambo dari dulu soal kompilasi ABS SBK ko.
Apo tujuan sabananyo ko?
> Apakah akan menjadi sebuah kitab hukum positif/formal bagi orang
minang, seperti halnya dahulu Munawir Sadzali memulai dengan
kompilasi hukum islam sebagai cikal bakal berdirinya pengadilan
agama. Apakah objective kita dalam berkompilasi-kompilasi ini akan
menuju sebuah lembaga formal berbentuk pengadilan adat dan syarak
minangkabau?
>
> Mohon maaf, dari pengamatan saya (yang daif ini-meminjam istilah
Ajo Suryadi) tujuan kita dalam mengkompilasikan ABS SBK belum begitu
jelas dan terang, dan cenderung maju mundur. Apakah sekadar
dokumentasi ataukah kajiah ilmiah/teologis belaka. Atau memang
bermuara pada sebuah aturan hukum positif yang mengikat orang
minangkabau. Sepengetahuan saya soal kompilasi Pak Munawir, memang
dibatasi pada aturan perkawinan dan sistem waris. Padahal Al Quran
dan Hadits, sangat lengkap mengatur aturan bermasyarakat yang
lainnya. Pakar-pakar tafsir dan hukum syariah pun cukup banyak
jumlahnya di Indonesia. Disini terlihat begitu hati-hatinya beliau
dalam menggarap isu ini. Mungkin Bapak/Ibu yang pernah mengenal Pak
Munawir Sadzali bisa menambahkan atau mengkoreksi apa yang saya
sampaikan.
>
> Wassalam,
>
> Mantari Sutan/29
>
>
>
> Webmail Mailing List dan Konfigurasi teima email, lihat di:
> http://groups.google.com/group/RantauNet/subscribe
> Dengan terlebih dahul
> -~----------~----~----~----~------~----~------~--~---
>
Be a better friend, newshound, and
know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur dan Lokasi anda pada setiap posting.
- Hapus footer dan bagian yang tidak perlu, jika melakukan reply.
- Email attachment, DILARANG!!! Tawarkan kepada yang berminat dan kirim melalui jalur pribadi.
- Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahul
-~----------~----~----~----~------~----~------~--~---
|
