Assalamualaikum w.w. para sanak sa palanta,
Di bawah ko ambo taruihkan tuka pikiran Mak Ngah Syamsir Sjarief di Amrik jo ambo, tantang wisata dan tantang dunia Melayu. Minangkabau kan marupokan bagian dari dunia Melayu tu. Mudah-mudah ado manfaatnyo.
Wassalam,
Saafroedin Bahar (L, 70+6+5, Jakarta) 'Sebaik-baik manusia adalah yang bermanfaat bagi manusia lainnya'
--- On Fri, 2/15/08, Dr.Saafroedin BAHAR <[EMAIL PROTECTED]> wrote:
From: Dr.Saafroedin BAHAR <[EMAIL PROTECTED]>
Subject: Re: [EMAIL PROTECTED] Minangkabau sabagai bagian dari dunia Melayu
To:
"hambociek" <[EMAIL PROTECTED]>
Cc: "Dra. Adriyetti AMIR, SU" <[EMAIL PROTECTED]>, "Ilhamdi TAUFIK" <[EMAIL PROTECTED]>, "MH Bachtiar Abna SH" <[EMAIL PROTECTED]>
Date: Friday, February 15, 2008, 8:22 AM
Assalamualaikum w.w. Mak Ngah,
Sakali lai tarimo kasih ateh tambahan informasi Mak Ngah. Supayo nak sasuai bungkuih jo isi, izinkan ambo maubah judul.
Sakadar palangkok tantang Minangkabau sabagai bagian dari dunia Melayu ko, ambo alah manghubungi Ibu Dra Adriyetti Amir, SU, Dekan Fakultas Sastra Unand, untuak manerjemahkan UUD 1945 ka bahaso
Minangkabau, tamasuak manulihnyo dalam huruf Melayu. Terjemahannyo Alhamdulillah alah salasai, nan huruf Melayunyo sadang disiapkan. Dapek ambo tambahkan bahaso terjemahan ka bahaso Melayu Riau langkok jo huruh Melayu alah salasai, langkok jo huruf Melayu. Saparati kito katahui, di Riau huruf Melayu tu masih dipakai sahari-hari. [Baa di awak? Apo indak paralu huruf Melayu ko kito iduikkan baliak, dalam rangko ABS SBK?].
Wassalam,
Saafroedin Bahar (L, 70+6+5, Jakarta) 'Sebaik-baik manusia adalah yang bermanfaat bagi manusia lainnya'
--- On Fri, 2/15/08, hambociek <[EMAIL PROTECTED]> wrote:
From: hambociek <[EMAIL PROTECTED]>
Subject: [EMAIL PROTECTED]
Re: Kepuasan wisatawan tergantung nilai kerja produk wisata
To: "Dr.Saafroedin BAHAR" <[EMAIL PROTECTED]>
Date: Friday, February 15, 2008, 8:11 AM
Assalamualaikum warahamatullahi wabarakatuh
Angku Saaf sarato Rang lapau nan Basamo,
Iyobana, awak ko Minangkabau jo Malayu sabananyo sarumpun. Bahasa
Melayu dari segi pandangan awak adolah Bahaso Melayu Tinggi, atau
Bahaso Minangkabau nan dihaluihkan (Refined
Minangkabau), Caro
Aluih, nan kadang-kadang jo garah dialuihkan lai, "dialaskan lagi"
manjadi "Cara Alas".
Dalam web nan disabuik tadi http://news.melayuonline.com/?
a=Z1B1Vi91UGlaM1ZBY2E%3D= dapek kito caliak bara areknyo hubuangan
awak ssarumpun. Caliaklah misanyo "Selaksa Pantun Melayu" bara
hareknyo balikuliku kaik-bakaik antaro Cara Alas jo Caro Awak.
Caliak lah pulo misanyo naskah-naskah Minangkabau lamo nan Pakai
Huruf Melayu tampak bana kaik-bakaik kaduo bahaso tu.
Ambo sangajo
pakai istilah "Huruf Melayu" karano itu memang nan kito tahu wakatu
sikola sisuak sadangkan Huruf Melayu di awak tu di Malaysia sandiri
atau di Jawa disabuik Huruf Jawi. Istilah Jawi ko rupnyo referensi
Urang Arab nan manganggap kapulanan Rumpun Malayu ko sabagai Tanah
Jawi.
Ambo agak baruntuang karano maso ketek-ketek sikola sisuak masih
dapek mambaco buku-buku bacoan Huruf Malayu tu. Ambo tammat mambaco
Hikayat
Si Marakermah. Baitu juo ambo dapek manulih Huruf Melayu tu
manuruik "Ejaan Sikola". Tapi ruponyo, apo nan ambo namokan
"Gaya
manuli Surau, atau Gaya manulih Jawi" tu balain dari "Ejaan
Sikola".
Itulah ambo takajuik mambaco "Undang-undang nan Duo Puluah" nan
ditr4ansliterasikan oleh tigo urang Dra di Balai Pusataka, karano
para transliterator tu tampaknyo kurang mamahami ejaaan Malayu tu
dan kurang mamahami Bahaso Minangkabau sandiri. Kadang-kadang
manggeleleng-geleng
kapalo, galak nabi sajo ambo mambaco
ditransliterasi buku "Undang-undang nan Duo Puluah" tu.
Tapi sayang saketek, sabalun ambo baliak ka Lapau ko, taraso di ambo
ado angin-angin nan kurang sajuak saketek di antaro babarapo
postiang di Lapau. Taraso ado nan mancalik kato "Malaysia" tu sajo
lah galinggaman inyo saroman mancaliak ulek uro-uro tampaknyo.
Mungkin iko disababkan pangaruah nasionalisme nan agak taulok agak
bingik ka Nagari
Jiran.
Mudah-mudahan dengan manyadari kasarumpunan awak ko, Minangkabau jo
Malayu, dan kaainginan bakaja-kaja kaarah kabaikan, sikap tu dapek
barubah agak sakiulipeh-sakulipeh, sahinggo padang awak dapek
batambah lapang, alam awak dapek batambah leba ...
Salam,
--MakNgah
Sjamsir Sjarif
Assalamualaikum w.w.Mak Ngah,
Ambo alah mancaiak artikel nan Mak Ngah tunjuakkan tu, dan tarimo
kasih. Mudah-mudahan banyak sanak kito nan lain, tautamo di
Ranah,
nan mambaconyo sungguah-sungguah.
Tapi nan labiah manarik perhatian ambo adolah justru situs nan
mamuek artikel tu, yaitu Balai Kajian dan Kebudayaan Melayu, nan
lokasinyo -- hebatnyo -- di Yogyakarta. Ambo baru tahu bahaso ado
balai tasabuik, Salamo ko nan ambo tahu pusat kajian Melayu ko di
Riau atau di Malaysia.
Dari segi kebudayaan, Minangkabau kito tacinto adolah bagian dari
dunia Melayu. Kito tamasuak 'deutero Malayo', Melayu
Mudo. Insya
Allah dalam jadwal ambo maaja ka Yogyakarta,ka ambo sempatkan
manamui pimpinannyo. H. Mahyudin al Mudra. Nak batambah laweh
wawasan ambo, indak saroman katak di bawah tampuruang sajo.
Sakali lai, tarimo kasih Mak Ngah.
Wassalam,
Saafroedin Bahar
(L, 70+6+4, Jakarta)
'Sebaik-baik manusia adalah yang bermanfaat bagi manusia lainnya'
--- On Thu, 2/14/08, Hambo Ciek <[EMAIL PROTECTED]> wrote:
From: Hambo Ciek
<[EMAIL PROTECTED]>
Subject: [EMAIL PROTECTED] Kepuasan wisatawan tergantung nilai kerja
produk wisata
To: [email protected]
Date: Thursday, February 14, 2008, 11:11 PM
Silakan caliak komenar tu di
http://news.melayuonline.com/?a=Z1B1Vi91UGlaM1ZBY2E%3D=
Salam,
--MakNgah |
Looking for last minute shopping deals?
Find them fast with Yahoo! Search.
|
