Pak Saaf, iyo harus ambo buek thread baru supayo indak malenceng topik nan ko,
Cubo pak Saaf pikiakan pulo baa nan harus dihadoki oleh niniak mamak satiok hari pado kurenah urang di nagari? Apolai nan limbago mantun alah hilang sabana indak bafungsi sajak sistem nagari nan ko tahapuih dek Orde Baru sajak balakunyo UU no 5 tahun 1979 tantang Pemerintahan Desa. Limbago mantun tagak bukan dek niniak mamak sajo, namun dipagang taguah oleh seluruh masyarakat nagari baiak nan di kampuang jo nan di rantau. Niniak mamak ko di ranah Minang pabilonyo sumbang patuik diganti, indak saroman Raden, Kanjeng, ataupun jabatan adat di suku-suku lain di Indonesia nan dipacik hinggo inyo mati. Nan mambuek hal iko manjadi tabedo, banyak pulo anak nagari baiak nan di kampuang sarato di rantau hinggo kini malengah sarato icak-icak binguang sajo dek marwah limbago adat nagarinyo indak bafungsi. Iyo taraso bana panek lahia jo bathin pabilo mangana-ngana apo nan tajalani mahadoki situasi nan ado kini. Namun pun baitu, sia bana urang Minang nan lai ka mangarati hal iko, sabab indak banyak pulo nan mamacik atau tapacik amanah barek bak singguluang batu ko dek paliang-paliang dari 100 - 200 urang Minang ko, hanyo surang sajo nan manjadi niniak mamak. Kok ditanyo baa indak baparatian adaik jo limbago nagari tu? Jaweknyo singkek sajo, itu kan urusan den. wasalam AZ/lk/34th/caniago Sawah Tongah, Kubang sadang di dangau Mahalau itiak nan masuak ka sawah urang sajo indak alang susahnyo, Kunun pulo mahalau urang dari tampek nan tacemo, Iyo bahadoki bana nan suko bamain kincia-kincia ko Kok sayang ka ranah Minang, tagakkanlah marwah adat sarato limbagonyo. ----- Pesan Asli ----- Dari: Dr Saafroedin Bahar <[email protected]> Kepada: Rantau Net Rantau Net <[email protected]> Cc: Dikirim: Senin, 18 Maret 2013 4:57 Judul: Bls: [R@ntau-Net] Kewajiban maisi kacio palanta Aha Bung Armen, tantang kurenah, kulikaik, atau namo lain nan samo mukasuiknyo jo itu sabana asyik kalau bisa dikumpuakan dan dianalisa. Salamo baminang-minang sajak tahun 1966 sampai kini sabana alah kanyang ambo jo kurenah atau kulikaik urang awak iko. AA Navis dahulu manyabuiknyo:" galia", kiro-kiro hampia samo jo licik. Sacaro sakuduang-sakuduang kito bisa baco salincam-salincam dalam thread di RN iko, atau dalam garah awak samo awak. Nan jaleh, sifat galia punyo dampak negatif, ka dalam dan kalua. Ka dalam, salain ado suasana saling curiga antaro awak samo awak, juo susah bana mambuek kesepakatan basamo. Ka lua, citra diri urang awak indak baitu cemerlang di mato para sanak sukubangso Indonesia nan lain. Iko alah ditulih dalam disertasi Prof. Dr. Suwarsih Warnaen. Tantu sajo mambuek sabagian urang awak taburangsang ka bakeh profesor iko, nan syukurnyo saparati biaso, indak pulo lamo bana, karano kenyataannyo memang baitu. Baa caro ambo manangani kulikaik urang awak iko? Duo caro: 1) badampiangan jo mufakaik nan baiyo bana itu, dalam hati ambo siapkan Plan B, kalau mufakaik tu digaliciakkan dek urang awak; 2) sagalo pengalaman buruak itu ambo objektifkan sebagai 'kasus' untuak diranuangkan labiah lanjut. Aman. Wassalam, SB. Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
