Mungkin iyo baitu inyiak,
Sabab untuak mambaleh sms ka ponsel inyiak sajo, ambo harus mambayia Rp. 600,-/sms. Nan inyiak Sunguik ko kok ma sms indak pulo cukuik sakali sajo, takadang namuah babalehan hinggo 3-4 kali. Cubo inyiak takok bara nan harus dikaluakan untuak sms tu dalam sabulan. Kok akses internet, ambo sendiri harus mangaluakan 100rb/bulan dengan kuota 1 GB. Kuota nan ko indak cukuik bapakai salamo 30 hari, nan mano baru 20-25 alah sayuik pulo, sahinggo tarmehek-mehek pulo akses internet 5-10 hari terakhir, nan mano untuak sign in pado akun yahoo sajo paralu manunggu. Ibaraik mahiduikan kompor, lalu sign in, kudian babuek kopi angek di dangau, sasudah kopi tabuek, baru bisa login. Untuak ukuran di kampuang, pitih saribu duo ribu iyo sabona bahorogo. 2 ribu piah alah bisa pambali kopi lamak agak sagaleh, iko aratinyo perai pulo manonton tv satelit. 3 ribu piah samo jo sabungkuih katan bakarambia, tambah 2 ribu piah lai alah dapek 3 goreng. Kok pambali gulai, cukuik 3 ribu piah sajo, alah banyak nan lalu honda bagarendong manjojoan samba-samba nan ko di kampuang untuak porsi sakali makan. Dek karano itu, akses internet via GSM nan sabana lambek ko, iyo alah labiah 10 bulan ambo indak pernah lain mamproduksi peta-peta lamo nagari-nagari di ranah minang, dek untuak masuak ka situs kiltv ko paralu akses internet nan kancang pulo. Baitu pulo maupload video-video nan bahubuangan jo ranah minang. Peta nan tarakhir ta upload adolah peta nagari Pauah jo nagari Aia Manggih di Lubuaksikapiang pado bulan April 2012 nan lalu. Dimano pado wakatu itu sadang melakukan pendampiangan website nagari di cluster Lubuaksikapiang. Jo sekda Pasaman ko, hampia tiok sabanta ambo diuruik-uruiknyo dek gadang hati tabuekan website di kaduo nagari nan tun. Nan mano pado wakatu itu, nagari Aia Manggh sadang ikuik lomba Kompetensi Wali Nagari jo lomba Pemerintahan Nagari terbaik di tingkek provinsi. Akhianyo lai manang juo pado lomba Kompetensi Wali Nagari. Sayangnyo, pendampingan website nagari di cluster Lubuaksikapiang ko hanyo inisiatif dari wali nagarinyo tanpa partisipasi organisasi perantaunyo. Di Pasaman ko ambo dapek curito bahasonyo perantau-perantau nan barasa dari kabupaten iko kodok mangirim proposal bantuan ka Pemkabnyo, iyo agak tabaliak pabilo dibandiangkan kabupaten nan lain. Balain curito dengan cluster Aua Malintang di Padang Pariaman, dimano organisasi perantaunyo nan basitungkin mausahokan hal iko untuak 5 nagari nan ado di Kec. Aua Malintang nan ko. Dari atensi nan ambo caliak kapado Pemkabnyo, iyo sabana rancak. Hal iko disababkan adonyo sinergi antaro IK perantau asa Kec. Aua Malintang jo PKDP sarato Pemkabnyo. Dek itu pulo, takana baliak kutiko ambo masih baraja di Pakanbaru daulu, nan mano tadangan kaba bahasonyo pemerintahan Malaysia mancubo mambuek masyarakatnyo melek IT sajak tahun 1996. Nan indak punyo PC dianjurkan untuak mambali, kok indak bapitih dibarikan kredit lunak pulo. Pabilo kito kaji hubuangan antaro IT dengan babaliaknyo Provinsi Sumatera Barat mamakai sistem Pemerintahan Nagari nan efektif dilakukan sajak 2003 nan lalu hinggo kini, peran website nagari ko sabana efektif untuak menjalin komunikasi antaro nagari jo perantaunyo nan taseba di penjuru Nusantara hinggo ka mancanegara saroman nan samo kondisinyo jo inyiak kini. IT ko mampasingkek jarak, wakatu & ruang antaro perantau-perantau nan ko & bisa tahubuang lansuang jo nagari asa tampek babulek baurek tunggang urang Minang ko. Sahinggo hal iko bisa mambuek suatu sinergi baa caronyo mambangun kampuang, manjago adaik jo limbago supayo tatap lestari (lestari ko bukan akronim dari lisuik tak tau diri). Nampak-nampaknyo, dari maso ka maso, samakin banyak IK-IK nan mausahokan hal iko, saroman apo nan alah dilakukan Malaysia kapado warganyo. Bedanyo, di Malaysia pemerintahnyo nan punyo inisiatif, sadangkan di Minangkabau, anak nagarinyo nan punyo inisiatif, dek karano daripado manunggu ka manunggu sajo inisiatif dari pemerintah, rancak diansua-ansua karajo baiak ko. Kan ado pituahnyo, Karajo baiak rancak dipacapek, nyampang kok tibo nan buruak Karajo buruak rancak dipalambek, nyampang kok tibo pulo nan baiak. wasalam AZ/lk/34th/caniago Sawah Tongah, Kubang sadang di dangau Untuak peta-peta lamo bisa dicaliak pado link dibawah nan ko, mano tahu lai tasalek peta nagari awak nan perai pabilo ingin mandonloiknyo. http://armenzulkarnain.wordpress.com/peta-sumatera-edisi-lamo/ ----- Pesan Asli ----- Dari: sjamsir_sjarif <[email protected]> Kepada: [email protected] Cc: Dikirim: Selasa, 19 Maret 2013 19:56 Judul: Re: [R@ntau-Net] Internet perai di Malaysia untuak nan randah pandapatan Antah lah yo? Ambo tatanyo-tanyo, masalah HP sajo; kini sms dari Indonesia lah bakurang datangnyo atau sms awak indak banyak nan dibaleh. Mungkin urang awak di kampuang mahemat pulsa atau mungkin khawatir indak tabali lai pulsa. Antahlah, kalau itu observasi priadi MakNgah sajo. Salam, -- MakNgah -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
