Maa Angku Saaf sarato Rang Lapau nan Basamo,
Assalamualaikum warahmatullahi wabarakatuh,
"Lambek laun sampai juo ambo ka kasimpulan Sanak ko, bahaso sacaro
kultural sabananyo ado banyak 'Minangkabau', dan 'Minangkabau' nan
banyak ko hanyo disatukan dek duo hal sajo, yaitu pasamoan agamo
[Islam] dan pasamoan bahaso." Kok buliah, Angku Saaf, ambo uruik-
uruik pulo saketek. Rasonyo bukan "hanyo disatukan dek duo hal
sajo", tapi tantu ado unsur-unsur lain. Salah satu unsur-unsur lain
nan penting manyatukan Minangkabau tu adolah ... kakuasaan Bulando!
Bulandolah "Ahli warih" nan jaleh dari "Minangkabau" tu, hitam ateh
putiah, dengan "surek Tando Tarimo", kok buliah ambonamokan
pulo "Surek Warih" nan ditando tangani oleh babarapo Orang Yang Maha
Mulia dan nan Gadang Basa Batuah dari Pagaruyuang, Saruaso dan
sekitarnyo di Padang, pado saat-saat akhia Parang Paderi. Barangkali
kok dapek Angku Suryadi di Leiden sempat dan sukses pulo mancari
sumber data tantangan "sumpah satia" tu untuak kito caliak-inokkan
basamo-samo di Lapau ko.
Sajak itulah, pemetaan kesatuan "Daerah Minangkabau" diansua-ansua
dipajaleh dek Bulando, bukan hanyo sakadar kabua-kabua di Si Pisau-
pisau Anyuik, Durian Ditakauak Rajo, sampai ka Riak nan Badabaua tu
sajo. Dibarinyo kasatuan geografis tu banamo rancak Sumatra's
Westkust nan di "Sumbar"kan tu sampai kini. Sajak itu, Bateh jo
Sipadan tu ditukiang-tukiang, dialiah-aliah saketek-saketek,
didiktekan dari Pusek di Batawi, sistem pandiktean nan diwarisi
taruih manaruih sampai kini. Jalan dialiah Urang Lalu, Cupak dituka
Rang Panggantang...
Jauah, salangkah lai dari skop nan agak laweh, nan manyatukan dan
mansentralisir Indonesia tu di Batawi pun adolah ... Bulando!
Salam,
--Nyiak Sunguik
Sjamsir Sjarif
[EMAIL PROTECTED] Re: Wisata Sejarah, ... Triangle Pagaruyuang - Buo -
Sumpu Kudus
Waalaikumsalam w.w. Sanak Sjamsir Sjarief,
Lambek laun sampai juo ambo ka kasimpulan Sanak ko, bahaso sacaro
kultural sabananyo ado banyak 'Minangkabau', dan 'Minangkabau' nan
banyak ko hanyo disatukan dek duo hal sajo, yaitu pasamoan agamo
[Islam] dan pasamoan bahaso. Baitu wacana kito masuak ka adat, nah
mulailah nampak pluralitas ko, saparati tabukti susahnyo manyusun
Kompilasi Hukum ABS SBK.
Salincam-salincam ambo ado mandanga tantang adonyo
karajaan-kerajaan Minangkabau salain dari Pagaruyuang, nan
sayangnyo agak kurang bahan keterangannyo. Sekedar informasi, di
Mahkamah Konstitusi ambo dipatamukan dek Ketua MK jo pengurus Forum
Keraton Nusantara, yaitu forum karajosamo para mantan rajo-rajo
tradisional. Wakatu tu nan hadir wakia dari Keraton Nusantara, nan
sadang dirunduang sangketo soal waris [ha, ampia saroman juo jo di
nagari kito komah]. Ruponyo pak Azwar Anas, mantan Gubernur Sumbar
dan mantan Menko Kesra, duduak mawakili Keraton Pagaruyuang dalam
Forum Keraton Nusantara ko. Sasuai jo pakambangan kaadaan kini,
mantan rajo-rajo ko bagarak dalam bidang sosial budaya, tamasuak
dalam bidang pariwisata, indak dalam bidang politik, walau tantu
masih ado nan basalero ka arah tu.
Hari Kamih bisuak akan ado pertemuan antaro pak Azaly
Djohan Sekjen Seknas MHA, pak Amidhan dan ambo, basamo jo Edhy
Wirabhumi dari Forum Keraton Nusantara dan Sekjen Mahkamah
Konstitusi, untuak mambangun karajosamo salanjuiknyo.
Wassalam,
Saafroedin Bahar
(L, 70+6+7, Jakarta)
'Ya Allah, tunjukilah selalu aku jalan yang lurus dan Engkau ridhoi'
'Sebaik-baik manusia adalah yang bermanfaat bagi manusia lainnya'
'Taqdir di tangan Allah swt, Nasib di tangan Manusia'
'Mari berlomba berbuat kebaikan'
'Setiap manusia adalah baik, sampai terbukti sebaliknya'
'Jangan pernah berhutang dan jangan mudah berpiutang'
--- On Sun, 2/17/08, hambociek <[EMAIL PROTECTED]> wrote:
From: hambociek <[EMAIL PROTECTED]>
Subject: [EMAIL PROTECTED] Wisata Sejarah, ... Triangle Pagaruyuang -
Buo - Sumpu Kudus
To: [email protected]
Date: Sunday, February 17, 2008, 9:45 PM
Assalamualaikum warahmatullahi wabarakatuh, Kadang-kadang ambo punyo
tendensi pamahaman pluraliti untuak pangaratian nan tasimpan di
dalam "Kerajaan Minangkabau" ko sabagai "Kerajaan-kerajaan
Minangkabau"; baitu juo dengan "Adat Minangkabau" sabagai "Adat-adat
Minangkabau". "Kerajaan
Minangkabau" tampaknyo bukanlah suatu kesatuan lembaga nan solid;
baitu juo "Adat Minangkabau" bukan suatu kesatuan budaya nan solid,
Lain Lubuak lain Ikannyo, lain Padang lain
Bilalangnyo. "Pagaruyuang" sandiri ,isanyo, ado duo, "Pagaruyuang
Lamo" jo "Pagaruyuang Baru". Pagaruyuang Baru talatak di Nagari
Pagaruyuang
nan kito katahui kini ko, tampek parumahan "Bekas Ustano Rajo
Pagaruyuang nan Asli" [indak samo jo Ustano Pagaruyuang nan babuek
baru untuak museum nan baru tabaka ditembak patuih baru-baru ko].
Sadangkan "Pagaruyuang Lamo", nan lah takalaimbun pulo dalam
Pandangan Sejarah kini, ado di Kumanih di Tapi Batang Sinama ...
Pagaruyuang Lamo ko marupokan triangle strategis antaro Buo dan
Sumpu Kudus, Triangle Kekuasaan Rajo Alam, Rajo Adat, dan Rajo
Ibadat... Salam,
Sjamsir Sjarif
[EMAIL PROTECTED] Re: Wisata Sejarah yang Terlupakan, Perpaduan Hindu-
Budha dan Islam nan Mempesona Assalamualaikum w.w. Nanda Nofriadi.
Terima kasih Nanda. Saya rasa memang masih banyak khazanah sejarah
Minangkabau yang belum kita ketahui bersama dan karena itu perlu
kita ungkap. Dalam Seminar Kebudayaan Minangkabau -- kira-kira tahun
2006 --
saya pernah mendengar adanya 43 kerajaan di Minangkabau.
Wassalam,
Saafroedin Bahar
(L, 70+6+7, Jakarta)
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca dan dipahami! Lihat
di http://groups.google.com/group/RantauNet/web/peraturan-rantaunet.
- Tuliskan Nama, Umur dan Lokasi anda pada setiap posting.
- Hapus footer dan bagian yang tidak perlu, jika melakukan reply.
- Email attachment, DILARANG!!! Tawarkan kepada yang berminat dan kirim melalui
jalur pribadi.
- Anggota yg posting email besar dari >200KB akan dibanned, sampai yg
bersangkutan minta maaf & menyampaikan komitmen akan mengikuti peratiran yang
berlaku.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahul
-~----------~----~----~----~------~----~------~--~---
