Assalamu'alaikum wa rahmatullahi wa barakatuhu Angku Lembang, Takajuik ambo mandanga Kaba nan Baambauan ko. lah dulu pulo si Lih mah rupono, Inna lillahi wa inna ilaihi raajiuun ... Iyo lah baransua ilang juo surang-surang kanti sapamainan maso ketek. Nan terakhia ambo basuo jo Si Lih jo Ma Aciak tahun 1985 ambo jalang karumahno di Payokumbuah.
Si Lih jo ambo lah kanti sapamainan sajak ketek-ketek bana mungkin sakitar umua limo tahun atau kurang sabalun kami masuak sikola lai sakitar tahun 1939-40. Takana maso saisuak. Ayah ambo Sutan Sjarif adolah Kapalo Sikola Larak di Pakan Kaluang. Etek Adillah amak si Lih jadi Guru lo di Sinan. Kami panuruik jo Rang Gaek kami. Samantaro Rang Gaek kami maaja dalam kelas, kami acok main-main di lua Sikola di Pakan Kaluang tu. Katu tu alun ado TK lih. Sudah tu kami sikola; lah agak gadang saketek awal tahun 1945 manjalang dan sakita Proklamasi Kemerdekaan, Si Lih, Mak Aciak jo ambo, sarato kawan-kawan nan lain di Kampuang (Un almarhum, Mustamir, Tami, Amin Culap, Maan Pasiak bagai) samo mangaji jo Tuan Najin (Ustaz Narir kini ko) di rumah amak liau, Mak Ilah di Talang. Kami tapisah sasudah tammat SMP Tanjuang Alam tahun 1952 manampuah karir surang-surang. Mudah-mudahan Almarhumah dapek manjalani Pajalanan Jauahno di bawah Linduangan Ilahi ka Tampek Tujuan nan Terakhir. Baitu juo ka nan Tingga, Mak Aciak jo anak-anak, sarato famili kasadono dapek basaba jo tawakkal malapeh anggota kaluarga nan disayangi ko. Amiin. Angku Henri, kan lah samo tadanga du kioh, kok kamaota kaujung- kapuun, bakioh-kioh, bacudu-cudu, lapehan sin lah ka Lapau. Ado Angku Lembang, ado Angku Darul, Angku Zulhelmi U Iska, antah sia lih kioh nan duduak-duduak di Lapau nan nan anok-anak sin. Salam, --Nyiak Sunguik Sjamsir Sjarif --- In [EMAIL PROTECTED], Muhammad Dafiq Saib <[EMAIL PROTECTED]> wrote: > > Assalamu'alaikum wa rahmatullahi wa barakatuhu > > Nyiak Sunguik di Tapi Riak Nan Badabua jo dunsanak Henri > > Laluan sin lah disiko carito jo dunsanak Henri nak rang Bonjo Alam tu nyiak, manga lo ka dibao baganjua ka jalur pribadi bana. Ambo yakin ka managia lo di awak nan basamo mandanga sijarah inyiak tun no du. Pak Tasnim Dahlan konco inyiak saisuak tu panah jadi guru palo di Koto Tuo katiko ambo masih di SR. > > Mamak ambo Haji Amir panah jadi guru di SR Bonjo Alam tu sampai taun 1960an. > > Tambah bari to nyiak. Kanti inyiak juo, uni Lis, padusi mak ciak Muzah nan rantauno di Pikumbuah, alah mandaulu pulo ari Jumaaik tanggal 15/2 kapatang. Inna lillahi wa inna ilaihi rajiuun. Mak ciak Muzah alah labiah daulu pai. > > Wassalamu'alaikum > > Lembang Alam > > > > ----- Original Message ---- > From: hambociek <[EMAIL PROTECTED]> > To: [email protected] > Sent: Sunday, February 17, 2008 2:38:05 PM > Subject: [EMAIL PROTECTED] "INDAK ADO NAN TAU" > > > Kaujung Ndaro cudu? > Urang Balek Baragung di Sitapung .... > > Iyo saroman parasaian padati awak. Panyalasaianno ampia samo. Dek > lap panek maragai-ragai, sudah tu basalin sin bareh tu ka katang- > katang "Kato Lunakketek" (Microsoft Word} Sudah tu bakakaan ka > lapaiak panjamuaran. Baru jaleh. > > Dimaa Angku Henri kini? Lai acok pulang ka Bonjo Alam? Dulu MakNgah > acok ka Bonjo Alam tu katu kanti MakNgah samo-samo maaja di ST-2 > Bukittinggi 1955, Tasnim Dahlan [almarhum]. Pak Sjamnir baa lah kini > eh? > --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur dan Lokasi anda pada setiap posting. - Hapus footer dan bagian yang tidak perlu, jika melakukan reply. - Email attachment, DILARANG!!! Tawarkan kepada yang berminat dan kirim melalui jalur pribadi. - Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahul -~----------~----~----~----~------~----~------~--~---
