He he...sanang mambaco log book travel adventures Mamak Ajo Duta. Jan lupo dijadian buku nanti tu, Mamak Duta. Nah, dari sapangga carito Mak Duta di bawah lah taraso beda nagari urang jo nagari awak: soal taksi tadi. Kok mandaraik di Schiphol, walau jam 3 parak siang atau jam 6 sanjo rayo, kok ka naiak taksi, tukang taksi paliang muko mambukakan pintu. Sudah tu nyo tanyo ka pai kama, lah jaleh alamaik nyo bukak petanyo, nyo catat di buku gadangnyo, sudah tu nyo pasang tomtom jo argometer. Taksi maluncua. Tibo di alamaik buku gadang batulih liak. Bayialah bara nan tacataik di argo. Salam, Suryadi
Dari: ajo duta <[email protected]> Kepada: [email protected] Dikirim: Sabtu, 23 Maret 2013 2:13 Judul: [R@ntau-Net] Borneo Adventures: Menumbok AirAsia nan mambao ambo ka Kota Kinabalu soft landed di bandara antarbangsa. Sambia mananti subuah, "bamalam" ambo di bilik solat di bandara nan agak kumuah tu. Ruponyo alah banyak nan tagolek di surau tu menanti subuah. Nampaknya memang mereka kaum pekerja yang mengadu nasib di Sabah. Ambo suruah urang abang jo qamat dan babaso ambo ka anak mudo basongkok putiah. Ambo pikia inyo babaso baliak ka ambo jadi imam. Tapi indak. Inyo maju jadi imam, iyo ayatnyo "kulluhu" jo "inna a'taina" sajo. Mungkin pikianyo dek ambo pakai topi "bareta", indak kaabeh jadi imam....hehe... Hari masih kalam naik sajolah ambo ka taxi buruak nan supirnyo urang awak Cino. "Tak ada meter cek?" tanyo ambo. "tak adalah", jaweknyo. "Jadi berapa ke bus station?", lanjuik ambo. "45 ringgitlah" jaoknyo. "Kenapa mahal, biasanya 30", tanyo ambo liak. "Ini harga karena belum jam enam setengah", jaoknyo. Rasonyo ambo dipakuak. Dek sabalunnyo ambo batanyo di dalam tarifnyo 30 ringgik. Tapi apo buliah buat, dari pado sasek di nagari urang. Indak sampai 15 minik iyo alah sampai ambo di stasiun bus luarkota. Tujuan ka Brunei langsuang baru barangkek pukua 8. Tapi kalau sambung jo feri barangkek pukua 6.20. Ambo pilih nan jo Feri. Jadi bus mambao ambo ka pelabuhan feri nan ditempuh lk sajam satangah. Namo pelabuhan tu Menumbok. Tapikia dalam hati, pasti dulu urang Minang nan sampai dulu di kota ketek pinggia lauik bagian dari Kesultanan Sabah ko. Karajonyo "tailor" dimulai dari manumbok baju urang. (basambuang) -- Wassalaamu'alaikum Dutamardin Umar (aka. Ajo Duta), suku Mandahiliang, lahir 17 Agustus 1947. nagari Gasan Gadang, Kab. Pariaman. rantau Deli, Jakarta, kini Sterling, Virginia-USA ------------------------------------------------------------ -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
