Pak Saaf jo ajo Suryadi di Leiden,
Kalau ambo indak salah, naskah nan bafotocopy tun barasa dari sumber nan samo, dimano wakatu pameran di Jakarta, dilakukan salinan dari nan usalinyo. Naskah lamo ko hilang dimaso gubernur Azwar Anas manjabaik. Untuanglah lai sempat pulo disalin dalam bantuak fotokopy. Nan menarik, dari informasi niniak mamak di Kanagarian Sumpur Kudus, babarapo tahun nan lalu, angku Azwar Anas Dt Rajo Sulaiman & angku Sutan Muhammad Taufik Thaib pernah tibo kasinan dalam wakatu nan indak basamoan untuak mamintak pengakuan dari niniak mamak nan XXXIV Kanagarian Sumpur Kudus supayo baliau-baliau ko diakui sebagai pawarih Rajo Alam di Pagaruyuang. Nan warih nan bajawek antaro Niniak Mamak nan XXXIV Kanagarian Sumpur Kudus ko, disabuikan bahasonyo kesepakatan di Bukik Marapalam dilakukan dek karano punahnyo pawarih Pagaruyuang ko, baiak nan Rajo Alam yaitu Sultan Muningsyah, Rajo Adat di Lintau Buo, maupun Rajo Ibadat di Sumpur Kudus. Saroman nan kito tahu, peristiwa Koto Tangah mambuek tajadinyo pupuih pawarih Pagaruyuang nan ko, dimano salain kesepakatan ABS SBK, disepakati pulo masing-masing nagari maurus tatanan adaik jo limbagonyo. Kalau di Lintau Buo, katurunan Rajo Adat ko kudian malakok ka suku Caniago Balik Parik di Kanagarian Lubuak Jantan. Sadangkan di Sumpur Kudus katurunan Rajo Ibadat ko malakok ka suku Kampai jo Piliang nan barado di Koto sarato Tombang. Baa pulo nan di Kanagarian Koto Tangah jo Kanagarian Pagaruyuang, iyo alun jaleh dek ambo sabab alun pernah bamukim disinan dalam wakatu nan cukuik lamo untuak batanyo ka niniak mamak nagari setempat. Dek karano angku Azwar Anas Dt Rajo Sulaiman & angku Sutan Muhammad Taufik Thaib mambao ranji keluarga Pagaruyuang pulo untuak mandapek legitimasi sabagai pawarih Rajo Alam nan ko, kudian Niniak Mamak Nan XXXIV Kanagarian Sumpur Kudus mamintak agar diadokan pertemuan kapado seluruh niniak mamak tampek katigo Rajo Tigo Selo ko basumayam, yaitu Koto Tangah Pagaruyuang, Lintau Buo jo Sumpur Kudus. Hal ikolah nan mambuek indak 'tarkaha' dilakukan oleh angku Azwar Anas Dt Rajo Sulaiman sarato angku Sutan Muhammad Taufik Thaib untuak malanjuikkannyo. Apo bana nan mambuek hal iko sabana menarik untuak mandapek pengakuan legitimasi sabagai pawarih Rajo Alam nan ko? Ado nan manyabuik salah satu jaweknyo tasirek dalam kitab catatan harian Tuanku Imam Bonjol nan ko. Biasonyo, indak jauah dari nan bahubuangan jo materi, sarupo ameh manah nan dibao puluhan kudo baban dimaso itu. Dari informasi nan ambo dapek dibabarapo nagari, saroman di Talang Babungo & Talu tampek keluarga sapiah balahan kuduang karatan Pagaruyuang ko, babarapo kali diadokan pertemuan untuak manyusun baliak limbago adat Rajo Tigo Selo nan ko. Nan ujuang-ujuangnyo adolah klaim nan ditujukan ka Kerajaan Balando tampek ajo Suryadi marantau kini. Antah iyo antah indak, namun pandapek ambo balain jo kepentingan klan Pagaruyuang nan ko. Sabab, mambangkikkan limbago nagari di ranah Minangkabau ko sajo suliknyo bukan main, sabab banyak bana urang minang ko nan anggan manaruahi kawajibannyo manjago adaik sarato limbago. Sadangkan kepentingan klan Pagaruyuang nan ko labiah kapado kepentingan politik sekelompok urang sajo & indak ado sangkuik pauiknyo jo kepentingan nagari-nagari di ranah Minang atas pengakuan keunikan tatanan masyarakat adat di nagari-nagari taradok hukum positif nan balaku di NKRI nan ko. Itu sajo pandapek ambo, antahlah kok lai sasuai jo angku Tuanku Pujangga Diraja Saafroedin Bahar St Madjolelo. wasalam AZ/lk/34th/caniago Sawah Togah, Kubang sadang di dangau ________________________________ Dari: Lies Suryadi <[email protected]> Kepada: "[email protected]" <[email protected]> Dikirim: Sabtu, 23 Maret 2013 15:51 Judul: Bls: Bls: [R@ntau-Net] tambo imam bonjol Iyo itu, Pak Saaf. Cubo Pak Saaf liek tulisan ambo nan di-link-kan tadi: http://naskahkuno.blogspot.nl/2007/02/siapakah-kini-yang-menyimpan-naskah.html Lah banyak nan batanyo ka Pak Saafnir ko, tapi indak jaleh jaweknyo. Kecek baliau, sudah di salang tu lah nyo baliak'an ka urang gubernur, dengan rencana sudah tu dibaliak'an ka Bonjol ka ahli waris tampek tambo disalang. Tapi kecek rang Bonjol nan disalang tu indak pernah kumbali. Jadi, antah dima ilang e tambo ko. Ambo takuik tambo ko lah lapeh ka lua nagari. Kok dijua wakatu tu gadang juo cakak e mah. Tapi ambo cubo telusuri lewat berbagai katalog di dunia indak tampak jajak e. Iyo ibo ati awak, dokumen sejarah nan penting tu ilang lanyap sajo. Kini di Malaysia makin banyak naskah2 awak disimpan. Banyak nan nyo bali dari Indonesia. Parap pemilik naskah awak indak tau bana nilai naskah2 ko. Dek iduik sarik, dek pangana ka kepeng sajo, aka singkek, nyo pajua balian naskah2 tu. Wassalam, Suryadi Dari: Dr Saafroedin Bahar <[email protected]> Kepada: Rantau Net Rantau Net <[email protected]> Dikirim: Sabtu, 23 Maret 2013 9:40 Judul: Re: Bls: [R@ntau-Net] tambo imam bonjol Ajo Sur, kalau ambo indak salah nan dinamokan " tambo Imam Bonjol" tu adolah riwayat hidup Tuanku Imam Bonjol nan baliau tulih di Lotak, Pineleng, Minahasa. Rasonyo fotokopinyo batulisan Arab gundul ado disimpan pak Drs. Sjafnir Abu Nain Dt Kando Marajo, Ketua Umum Lembaga Kajian Gerakan Padri, nan dibantuak th 2007 di Padang, sasudah Seminar Nasional Gerakan Padri dan Perang Paderi di Arsip Nasional, Jakarta. Alah baliau buek transliterasinyo. Silakan dihubungi. Wassalam, SB. Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
