Pak Akmal nan ambo hormati,
Iyo tarimo kasih ambo sampaikan talabiah dahulu ateh undangannyo.
Nan kini, iyo alun bisa ambo manggarik dari kandang basamo lai, sabab salain
manunggu kaba dari ketua LPM Marapalam pak Afrijon Ponggok nan sadang mangontak
ketua KAN Sumpur Kudus untuak mandiskusikan wakatu pamindahan 7 ikua jawi nan
ado, kini sadang maasuah itiak aia jo ayam kampuang di dangau Sawah Tongah.
Hal iko dikaranokan dek kito di LPM Marapalam bakarajo indak pulo bajariah,
sahinggo harus pandai-pandai mancari usaho untuak manalangi biaya operasional,
paliang indak, alah 2 tahun bajalan mode ko sajak 2011 nan lalu. Itiak aia nan
ado kini masih barumua 'maenggang' (3,5 bulan) jo umua 'silang kopak' (4,5
bulan) nan taruih diasuah tiok hari masuak ka sawah nan alah bairiak supayo
indak gadang bana biaya pakannyo. Iyo harus bagubaloan satiok siang nan kudian
diansua pulo mancari cipuik di tapi pamatang sawah jo mangumpuakan hampo bareh
(padi hampo) kutiko petani alah salasai mairiak padi. Kutiko sanjo, cipuik +
hampo bareh + dadak + sayuran (bisa sayua lidi/kangkung, piambang ataupun
enceng gondok) ko nan bagilai untuak pakan itiak di malam harinyo. Sambia
maasuah itiak aia jo ayam kampuang ko, diansua-ansua pulo mananam rumpuik
kinggrass nan dipakai sabagai pakan jawi.
Insya Allah, pabilo lai ado langkah sarato rasaki, bisa pulo kito basuo
handaknyo dimaso nan akan datang. Mungkin sajo, dimaso mendatang pak Akmal bisa
manjaguak si Kabun di kandang basamo ko, sambia mancaliak nagari-nagari Mudiak
Pikumbuah. Ado nagari saribu menhir di Maek, tanunan nagari Kubang (mintuo jo
mak Dutamardin lai sempat pulo mambali agak ciek duo untuak buah tangan
anak-anak baliau di USA), rumah urang gaek Tan Malaka di Pandam Godang, nagari
Koto Tinggi dengan situs PDRInyo, ikan larangan & talempong batu di Talang
Anau, sarato kuliner sate Danguang-Danguang & bareh rondang nan bisa dijadikan
oleh-oleh untuak induak bareh. Alun pulo situs megalitikum di Balubuih jo
Guguak VIII Koto.
Mengenai tampek lalok, pak Akmal bisa piliah di nagari ambo, Kubang. Insya
Allah bisa ambo usahokan di rumah Haji Yusri Darwis nan marupokan pengusaha
paratamo Martabak Kubang nan dimulai sajak 1974. Baliau alah labiah 15 tahun
bamukim di kampuang & tantunyo akan gadang hatinyo dek sabab ado panulih buku
tantang KH Ahmad Dahlan nan bakunjuang ka nagari (kabatulan baliau penggiat
organisasi Muhammadiyah di Mudiak Pikumbuah) atau mungkin bisa diatur dek bundo
Nismah untuak manginap Talang Maua, kampuang bundo kito ko. Disiko pak Akmal
akan basuo pak Fahmi Rasyad nan marupokan konco palangkin pak Saaf nan samo
kuliah daulu di UGM. Baliau ko adolah bakeh walikota Pikumbuah nan namuah
manjadi wali nagari di nagari asanyo. Di kampuang bundo Nismah ko, kito bisa
mancaliak baa bareknyo urang kampuang mangampo gambia. Gambia ko adolah salah
satu komoditi masyarakat di Mudiak Pikumbuah ko salain kec. Pangkalan & kec.
Kapur IX nan lataknyo diperbatasan prov. Riau
(Kab. Rokan Hulu & Kab. Kampar).
Akan banyak nan bisa dicaliak di Mudiak Pikumbuah ko, sabab ado 33 nagari dalam
7 kecamatan dari 79 nagari & 13 kecamatan nan ado di Kab. 50 Koto.
wasalam
AZ/lk/35th/caniago
Sawah Tongah, Kubang
sadang di dangau
________________________________
Dari: Akmal Nasery Basral <[email protected]>
Kepada: "[email protected]" <[email protected]>
Dikirim: Sabtu, 23 Maret 2013 22:37
Judul: Re: [R@ntau-Net] Tadarus Cinta Buya Pujangga -
Dinda Armen n.a.h,
Nan partamo, salamek tambah umua dulu. Mangingek an pasan Nabi, tarutamo untuak
diri ambo dulu, bahwa "waktu adalah pedang". Al waqt kasy syaif. Awak lalai jo
(manajemen) waktu, tang lihia awak surang nan ka kanai. Dalam bana pasan Nabi
dibanding sagala jinih pasan panggunoan wakatu dari guru-guru manajemen mana
pun.
Nan kaduo, mangingekkan pesan John Lennon pulo, "Count your age by friends, not
years." Urang nan tambah tuo tapi tambah saketek kawan-kawannyo, bukan karena
faktor alam (maningga) tapi dek karano urang manjauah satu persatu, adolah
urang nan marugi pulo. Tetaplah sederhana, rendah hati, selalu siap membantu
orang sesuai kemampuan. Wakafkan diri dan kemampuan kita yang sudah ditinggikan
Allah sebagai rahmat bagi lingkungan.
Satantang wilayah sekitar Aie Angek ko, alhamdulillah tahun lalu ambo alah
mengunjungi hampia semua tampek nan dinda Armen sabuik, kecuali mandi aie angek
di tapian nagari. Wakatu itu guide ambo indak tangguang-tangguang pulo: the one
and only Pak Taufiq Ismail.
Wassalam,
PS: Kalau bisuak dinda Armen ado wakatu, datanglah sore/malam ka Aie Angek
Cottage, insya Allah ado novel "Tadarus Cinta Buya Pujangga" nan bisa ambo
agiah untuak dinda. (Atau bisa pulo datang saat Soft Launching novel ko hari
Senin, 25/3 jam 14.00 di AAC pulo berbarengan dengan buku kumpulan puisi Kiai
D. Zawawi Imron "Mengeja Danau Mengaji Bukit"). Ambo dan rombongan akan check
out Selasa pagi. Jadi, akan senang sekali jika bisa basobok jo salah surang
aktivis Palanta paling legendaris dari Sawah Tongah.
Wassalam,
ANB
LeMerSing
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://rantaunet.wordpress.com/2011/01/01/tata-tertib-adat-salingka-palanta-rntaunet/
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
---
Anda menerima pesan ini karena Anda berlangganan grup "RantauNet" dari Grup
Google.
Untuk berhenti berlangganan dan berhenti menerima email dari grup ini, kirim
email ke rantaunet+berhenti [email protected] .
Untuk opsi lainnya, kunjungi https://groups.google.com/groups/opt_out.
