Oh, ruponyo taputuih email Inal. Kemungkinan email Makngah terakhir ka dalam mambaleh email Angku Abraham Ilyas tantang Angku Damanhuri Gafur nan baru maningga dunia, dengan cc ka Inal dan Buya Syafei Maarif indak sampai ka Inal. Mungkin juo indak sampai ka Buya. Email Aangku Abraham tu ka jalua paribadi Makngah dan dibaleh pulo ka jalau paribadi nan ado dalam daftar MakNgah. Tolong kirim email baru tu ka jalua priadi MakNgah. Mokasih.
Salam, -- MakNgah Sjamsir Sjarif --- In [email protected], Afrinaldi Sumpur <afrinaldi_sumpur@...> wrote: > > Asslm... makngah, uda andiko jo sanak dipalanta kasadonyo. > Sanang rasonyo hati ambo bs mancogok baliak di lapau kito ko, dr skian lamo > ndak mancogok2, dsababkan akun email ambo nan lamo indak bs di bukak. > Baa kba makngah kn ko? > oh y mngenai yg ditulih dek uda andiko, takana pl dek ambo, bhwsonyo > bacilalek pulo kaki ambo di kaki sblah kiri dkek mato kaki. antah kan mnjadi > tkng rabab atau panggaleh kuliliang pl nsib ambo, bak kcek uda andiko. Tp > ambo bhrap bs plo hndaknyo ambo maikuik jajak makngah jo uda andiko. > > Salam, > > Afrinaldi Sumpur > [Rang Makkah Darek, 24th] > > ------------------------------ > Pada Sel, 9 Apr 2013 14:40 ICT Andiko menulis: > > >Mak Ngah > > > >Ha...ha...Nenek ambo mangecek pulo, bacilalek kakinyo. Ikolah nasip > >manggaleh babelok mak, nasip tukang rabab kuliliang. Dima pasa malam, > >disinan kito inggok, digesek pulo rabab tuo ko, kok lai dapek benggo agak > >saketek...he..he...Sayang sakali indak talakik dek ambo ka santa kuruih tu, > >semoga tahun depan ado baliak saruan ka USA West Coast itu, indah > >daerahnyo. Bia ambo rencanakan bana pai ka Santa Kuruih itu. Kecek kawan > >ambo urang disinan, yo indah sangaik rantau mak ngah itu. Kalau batamu > >urang Unhas, ambo tanyolah kawan mak ngah itu. > > > >Oh yo, masih tabayang dek ambo isi ota lamak kito ukatu di San Fransisco > >itu. Banyak nan ka ditanyokan dan ditindaklanjuti jo mak Ngah, terutama > >curito soal kincia di Sumpu itu > > > >Salam > > > >andiko > > > >Pada Selasa, 09 April 2013 14:19:16 UTC+7, sjamsir_sjarif menulis: > >> > >> Baa induak kaki Angku Andiko? Pakai cik lalek ndak? Anto tangkumari > >> tajumbok se. Karik kapatang ko awak mangecek jo talipon San Francisco - > >> Santa Cruz, tabang malayang ka Ssingapura lah manyubarang ferry lo ka > >> Batam > >> kini lah mancumbok lo di Sulawesi. Sedangkan lagu Senja di Kaimana > >> babarapo > >> tahunnan lalu masih ngiang-ngiang di talingo. > >> > >> Kok sampai di UnHas, ado kawan lamo samo maaja Bahaso Indonesia di U of > >> Wisconsin Madison 1978, namonyo Hamzah Mahmud. Terakhir ambo basuo katu > >> ambo datang ka Makassar dan Malino 1985. Mungkin Dr. Hamzah (PhDnyo dari > >> Australia) masih maaja kini atau kalau lah pansiun pulo indak tahu. > >> Mungkin > >> inyo di bahagian bahaso, tantu urang administrasi UnHas tahu tu. Salam > >> ambo > >> ka baliau, mudahan sehat sakaluarga. > >> > >> Salam, > >> -- MakNgah > >> > >> --- In [email protected] <javascript:>, Andiko <andi.ko.ko@> > >> wrote: > >> > > >> > Mak Ngah, Mak Danil, Bundo Desi dan Sanak Palanta > >> > > >> > Sore pas pesawat mandarek, di puta stiur lansuang menyisiri tapi ombak > >> nan > >> > badabuah Teluk Palu. Di kiri kanan alah banyak tabiang-tabiang > >> colak-colak > >> > dek penambangan. Tujuan ka sebuah pusara kawan ambo nan maningga > >> beberapa > >> > bulan lalu di Bogor, dimano baliau dikubuakan dipelukan kampuang > >> halamannyo > >> > di kampuang Limboro dalam ranah Donggala nan melegenda itu (Kana seri Si > >> > Buta Dari Gua Hantu nan bajudul "Badai Teluk Donggala"...kalau indak > >> > salah). Kawan ambo ko pasti mamak Danil kenal..... > >> > > >> > Kapatang sasudah dilapeh do'a waktu ziarah itu, lai sempat pulo raun > >> > sabanta, taragak makan Kaledo baliak di tapi Teluk Palu. Ondeh.....yo ba > >> > piuah suok mancaliak soup eksotik ko. Harumnyo Kaki Lembu Donggala > >> (Kaledo) > >> > sabana maimbau-imbau, batingkah jo ubi abuih. Disiramkan lado Sulawesi > >> nan > >> > padehnyo indak menipu tu, langkok jo piuhan asam nan mambunuah bibit > >> > Koleterolnyo. Sasudah tu di taburi pulo jo bawang goreng khas Palu tu. > >> Iyo > >> > indak nampak mintuo lalu deknyo. > >> > > >> > Ide Mak ngah untuak mambuek diskusi diaspora Minangkabau di Sulawesi iko > >> > adolah ide nan sangaik menarik, sabab sajajaran pulau gadang iko, mulai > >> > dari Makasar, Palu, Gorontalo, Lapeh ka Mindanao, disinan jajak > >> ditanamkan > >> > dek urang Minangkabau. Sajak dari generasi penyebaran agamo, sampai ka > >> > generasi perantau mancari iduik sangkek kini. Konon kabanyo, Universitas > >> > Tadulako ko, sato pulo urang awak sakaki managakkannyo, mangubah status > >> > kelas jauh Universitas Hasanuddin Makasar manjadi universitas mandiri. > >> > > >> > Ondeh Desi, banyak ukatu ambo abihkan bagaua jo urang Kaili dan > >> suku-suku > >> > pegunungan dataran tinggi jantuang Sulawesi, sebuah perjalanan adventure > >> > nan sulik dilupakan. Kalau di pasisienyo, urang Bugih jo Mandar nan > >> > memainkan peran. > >> > > >> > Mak Danil, barisuak di urak selo, diayun langkah manurun ka Makasar, > >> > taragak pulo basilaturrahmi jo sanak-sanak di Makasar, langkok jo wisata > >> > kulinernyo, mulai dari coto ka konro, lapeh pulo ka soup saudara, indak > >> > lupo pulo mie titi nan bagalintin kuahnyo. Babarapo hari disinan, rantau > >> > Palopo nan ka dihadang, disinan Kahar Muzakkar mengakhiri karir. Kok > >> palopo > >> > ka disabuik, disinan karajaan Luwu tagak badiri, lamo bahabih maso, > >> hinggo > >> > bajajak langkah di selat Malaka jo tanah semenanjung, disinan Si > >> > Sawerigading turun ka bumi, hinggo Illaga Ligo di tulih urang. Tapi nan > >> > takana ciek lai, iyo Kapurung mak, makanan khas nagari ko, sagu bakuah > >> > gurih nan manggoyang lidah. Indak pulo lupo, poco...poco ko Sushi ala > >> > palopo, ikan matah nan dimakan jo padiahnyo lado sulawesi dan basiram jo > >> > limau kapeh....ondeh...antahlah ka disabuik. > >> > > >> > Kalau lai talakik sore ko ambo kajaan pai ka pusaronyo Datuak Karama > >> > > >> > Sakian dulu > >> > > >> > Salam > >> > > >> > andiko > >> > > >> > Dari Tapian Teluk Palu > >> > > >> > Pada Selasa, 09 April 2013 11:28:55 UTC+7, Dessy Yulia menulis: > >> > > > >> > > Uda Andiko dan mamak2 kasadonyo -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
