Pak Saaf, ambo pun mamintak maaf ateh hal iko,
Namun, iyo tatap sajo takato di hati ketek ambo, apo nan tatap pak Saaf ulang-ulang taruih dalam penyusunan "Pedoman Penghayatan & Pengamalan ABS SBK" dari hasil SKM 2010 nan tun iyo agak lamah dari pemahamannyo, khususnyo pemahaman tantang hiduik banagari. Samulo ambo manakok-nakok sajo, namun akhir tahun 2012 ko lah hal mantun tajawek saroman nan pak Saaf akui sendiri di milis nan ko. ABS SBK tun bapakai tantunyo paham pulo baa caro banagari, dimano dalam nagari tu ado adaik jo limbago nan bapakai untuak manjalankan ABS SBK sarato maatur masyarakatnyo supayo mematuhi hal-hal nan balandasan jo ABS SBK mantun. Dengan baitu, ado pulo sanksi hukum nan dibarikan pabilo hal-hal nan indak sasuai jo ABS SBK pabilo tajadi di nagari. Itu sabananyo nan pintak diunjuakan kapado pemerintah NKRI ko dalam konsensus restoratif justice sahinggo nagari diakui LIMBAGO ADAT NAGARI nyo dalam koridor hukum positif di negara nan ko pado Musyawarah Adat 2012 kapatang sebagai salah satu point dari 4 point nan alah dirumuskan . Ambo kini mulai manakok-nakok pulo, apo iyo banyak di kito nan disabuik urang minang ko, indak paham apo sabananyo nan dimukasuik dengan Limbago Adat Nagari ko ? Limbago ko bukan lembaga - sabab ado pulo nan manyampaikan pasan ka ambo bakirim salam kapado ketua limbago - sabab hal iko agak balain dengan nan disabuik jo KAN nan labiah kapado organisasi niniak mamak di nagari nan takadang susunan pengurusnyo babeda jo susunan niniak mamak dalam aturan nan sasuai adaik jo limbago di nagari. Itu pulo nan tasirek tatakok dek ambo dari tanggapan bundo Evy Nizhamul. Sabab dalam suatu nagari nan baradaik jo balimbago, satiok niniak mamak nan gadang ka nagari mampunyoi fungsi nan balain, ado nan bafungsi manjalankan hukum, aturan agamo, keamanan masyarakat, dll. Hal iko babeda jo niniak mamak nan gadang di kaumnyo, dimano labiah kapado maatur dalam lingkungan kaum nan marupokan bagian dari suatu suku nan ado di suatu nagari. Takadang tabisiak juo di hati ambo bakali-kali, dek sabab pak Saaf acok mananyokan apo peran LKAAM Sumbar sarato MUI Sumbar taradok keberlangsungan pengamalan ABS SBK ditangah-tangah masyarakat. Nan ironisnyo, jo kampuang apak sendiri, pak Saaf pun paralu dipertanyakan pulo taradok kurenah nan samo. Mangko dek itu ambo acok bana manyarankan pak Saaf agar bisa maninjau kampuang halaman sendiri & mangontak IK Limkos nan marupokan organisasi perantau V Koto Kampuang Dalam dari Piaman Laweh, kudian bisa maansua-ansua pemahaman adaik jo limbago di V Koto Kampuang Dalam sahinggo apo nan disabuik sebagai ABS SBK nan tun diterapkan ditangah-tangah masyarakat. Indak hanyo sekedar bateori sajo, namun bapakai dalam masyarakat banagari sahinggo tasabuik apo nan dimukasuik adaik bapakai baru, baju bapakai usang & hal iko indak ado alasan untuak baranti sasuai ajaran adaik sarato agamo awak sampai angok susuik ditampuah badan. Jadi, indak pulo kito heran baa kok samakin manurun kualitas urang minang ko sabab labiah banyak bateori tantang ABS SBK dari pado bapakaikan ditangah masyarakat kito. Ka baa juo lai, saluang jo rabab sajo nan manyampaikan. ******** Bundo Evy nan ambo hormati, Apo nan ambo sampaikan balain apo nan bundo sangko. Limbago nan ambo sabuik adolah susunan niniak mamak urang nan ampek jinih sarato jinih nan ampek dalam suatu nagari. Mulai dari pangulu, malin, manti, dubalang, imam, khatik, bilal & qadi. Pabilo limbago nan bundo mukasuik adolah hal iko, iyo agak ragu ambo apokah hal itu memang & telah dilakukan oleh pihak nan bundo mukasuik. Jadi, ambo kiro ado perbedaan persepsi dalam mendefenisikan apo sabananyo nan disabuik Limbago antaro ambo jo bundo. Limbago dalam pemahaman ambo adolah sebagai barikuik : Nan disabuik jo Limbago tabagi dalam sapuluah bagian, nan mano adolah sabagai barikuik : 1. Cupak nan duo Cupak nan duo ko adolah sbb : a. Cupak usali b. Cupak buatan 2. Undang nan ampek Undang nan ampek ko adolah sbb : a. Undang-undang nagari b. Undang-undang urang dalam nagari c. Undang-undang luhak d. Undang-undang nan duo puluah 3. Kato nan ampek Kato nan ampek ko adolah sbb : a. Kato pusako b Kato mupakaik c. Kato dahulu batapati d. Kato kudian kato bacari Jadi, mano nan disabuik tajadinyo "adaik diisi limbago dituang" dalam hal peristiwa maagiahkan gala kapado urang non muslim di Padang tempo hari? Ambo kiro, adaik jo limbago sajo indak ado barado sampai kini di Padang nan tun, konon pulo ka "diisi" sarato "dituang", iyo bagarah tampaknyo bundo Evy kapado ambo. Bisanyo adaik jo limbago ko bajalan disuatu nagari pabilo anak nagarinyo sepakat managakkan marwah nagarinyo, sahinggo masing-masing kaum & suku manyusun niniak mamaknyo, mulai dari pangulu, malin, manti, dubalang, imam, bilal, khatib & qadi nan disabuik dengan urang nan ampek jinih sarato urang jinih nan ampek sahinggo adaik jo limbago bisa diisi sarato dituang. Kalau peristiwa nan bundo sabuik nan tun, hanyo labiah kapado ulah urang nan bapandai-pandai sajo, sahinggo sabana pandai/pandai amek mambuek-buek cabua mampamalukan urang minang di Nagari Padang Nan Salapan Koto nan tun. Baa mangko hal iko bisa tajadi? Jaweknyo dek karano urang Nagari Padang Salapan Koto nan tun indak lai peduli jo keberlangsungan adaik sarato limbagonyo. ***** Inyiak Buyuang Dt Rajo Jambi nan ambo hormati, Indak ado balang nan bisa ambo banggakan, sabab ambo hanyo urang kampuang pulo, sikolah indak pulo tenggi bana & pengalaman indak pulo sabanyak nan tuo-tuo. Dalam adaik sarato agamo awak, indak buliah pulo mapalagak-lagak nan tun, hanyo mangaluakan pandapek sajo nan mungkin banyak salah dari pado nan batua, sahinggo nan tuo-tuo sarato nan dituokan bisa pulo maluruihkannyo. wasalam AZ/lk/35th/caniago Padang Tarok - Agam sadang dalam perjalanan ka Padang asa nagari Kubang, 50 Koto babako ka Canduang Koto Laweh, Agam catatan : Email nan ko ambo tulih indak ado mukasuik malecehkan pribadi siapo sajo di milis nan ko, tarutamo pak Saaf nan alah ambo anggap sebagai urang tuo sendiri. Hanyo sebagai pandapek nan mancubo menanggapi ________________________________ Dari: Dr Saafroedin Bahar <[email protected]> Kepada: Rantau Net Rantau Net <[email protected]> Cc: Dikirim: Kamis, 11 April 2013 4:25 Judul: Re: Bls: [R@ntau-Net] OOT : Minang di ILC Terimo kasih bung Armen. Sabananyo kito indak babeda pandapek, sabab nan ambo sampaikan adolah tantang norma dalam hukum INTERNASIONAL tantang sia nan tamasuak warga suatu suku bangso/etnik ( " self definition" ), nan kebetulan ambo lai tahu agak salincam. Kalau tantang hiduik banagari di Minangkabau tantu bung Armen pakarnyo. Ambo iko sia banalah, saparati acok bung Armen ulang-ulang. Ambo iko anak kota ketek, indak panah hiduik di nagari, kecuali pulang sasakali bulan puaso wakatu ketek. Kok buliah ambo mamintak, tolong jan acok bana hal iko diulang-ulang. Alah indak lamak taraso dek ambo. Talabiah dahulu tarima kasih. Wassalam, SB. Saafroedin Bahar. Taqdir di tangan Allah swt, nasib di tangan kita. ________________________________ Dari: "[email protected]" <[email protected]> Kepada: milis rang minang <[email protected]> Dikirim: Kamis, 11 April 2013 5:56 Judul: Re: Bls: [R@ntau-Net] OOT : Minang di ILC Asytagfirullah bung Armen.. Manga co itu bana dalam kalimat nan tarakhir tuh. Kalau lai iyo nan disabuik urang minang tun adolah nan lai baadat jo balimbago. Bukan nan baurang gaek urang minang, tantu iyo ndak salah pulo KAN di Nagari nan Salapan Suku,Padang maagiah gala ka 2 urang Cino nan indak basunek. Dek inyo lai maisi limbago, ;) Baitu pulo kok ado urang non etnis minang masuak ka Nagari di RM,nyo isi adat jo limbago lah banyak urang jao nan Sitiung, jadi urang minang tu mah. Apo lai nan manguasai kelapa sawit. Kabaa juo lai :( Salam Sent from my AXIS Worry Free BlackBerry® smartphone ________________________________ Dari: Zubir Amin <[email protected]> Kepada: [email protected] Cc: Dikirim: Kamis, 11 April 2013 8:19 Judul: Re: Bls: [R@ntau-Net] OOT : Minang di ILC Kanakan Armen Zulkarnein n sanak palanta nn dihormati. Tolong diinok-inokkan bana sinyal nn disampaikan oleh Pak Saafroedin Bahar nn ditujukan ka Armen. Sebagai anak mudo,ado baiknyo Armen mamacik mamang ughang tuo2 kito nn bijakbestari, jaan sampai 'harimau talalu bangga jo balangnyo',jan pulo sampai gapuak mambuang lamak,cadiak mahendo kaum. Itu sajo nyeh senek dari 'Injiak' JB,semoga ado gunonyo! Inyiiak T.Magek Djabang Sutan Riayat Sjah,JB,73thn,sk Mandahiliang,Padusunan,Piaman,kini di Bonjer,Jakbar. Sent from my AXIS Worry Free BlackBerry® smartphone -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
